د فرانسې د جمهوري ریاست لخوا په یوې خپرې شوې اعلامیې کې راغلي چې د دغه هېواد ولسمشر ایمانویل مکرون په کرونا وېروس اخته شوی.
اعلامیه زیاتوي چې نوموړی به د فرانسې د صحي لارښونو مطابق ځان د ۷ ورځو لپاره قرنطین کړي او خپلو کارونه ته به له خپل قرنطین ځای څخه دوام ورکړي.
ایمانویل مکرون د نړۍ ۷ مشر دی چې په کرونا وېروس اخته شوی . تر دې وړاندې د امریکا د ولسمشر ډونالډ ټرمپ او د انګلستان د لومړي وزیر بوریس جانسن په ګډون یو شمېر نورو مشرانو د کووېډ-۱۹ ناروغي تېره کړې ده.
خپرې شوې شمېرې ښيي چې په فرانسې کې تر دې دمه شاوخوا دوه نیم میلیونه کسان په کرونا وېروس اخته شوي او نږدې ۶۰ زره کسانو خپل ژوند له لاسه ورکړی.
د آسټرالیا اوسېدونکي باید له یو بل سره ۱.۵ فاصله و ساتي.
د کرونا وېروس آزموینه اوسمهال د اسټرالیا په بېلابېلو سیمو کې ترسره کېږي. که چېرې تاسو باور لرئ چې تاسو هم ممکن په کرونا وېروس اخته شوي یاست، نو خپل ډاکټر ته زنګ ووهئ (لیدنه ونکړئ) یا د کرونا وېروس د معلوماتو له ملي مرکز سره په ۰۸۰ ۰۲۰ ۱۸۰۰ شمېره اړیکه ونیسئ. که تاسو په ساه اخیستلو کې ستونزه لرئ نو له 000 شمېرې سره اړیکه ونیسئ.
تاسو کولای شئ، د خپل موبایل له اپ سټور څخه د کوېډ سېف (COVIDSafe) اپلېکېشن ډاونلوډ کړئ.
د اس بي اس شبکه ژمنه ده ترڅو تاسو ته د کرونا وېروس په اړه ستاسو په ژبه باوري راپورونه چمتو کړي. دلته تاسو کولای شئ په ۶۳ ژبو خبرونه او معلومات پیدا کړئ:
