مهم ټکي:
- له افغانستان څخه د ژغورل شویو آسټرالیایانو او افغانانو لومړۍ ډله پرت ښار ته را ورسېده.
- شاوخوا ۹۰ کسان په لومړني پرواز کې پرت ښار ته را رسېدلي دي
- مخکې لدې چې دغه کسان خپلو کورونو او ښارونو ته ولاړ شي باید ۱۴ ورځې په هوټل کې قرنطین شي
- هغه کسان چې له آسټرالیایانو سره یې په افغانستان کې کار کړی اووسي او د دفاع وزارت تصدیق ولري هم آسټرالیا ته راوستل کېږي
د طالبانو لخوا د کابل ښار له نیول کېدلو وروسته، د آسټرالیایانو او د دغه هېواد د وېزه لرونکو لومړنی ډله د دغه هېواد پرت ښار ته را ورسېده.
راپورونه ښيي چې په دغه پرواز کې شاوخوا ۹۰ تنه آسټرالیایانو او د دغه هېواد د وېزه لرونکي افغانان له دوبۍ څخه پرت ښار ته را رسېدلي. دغه کسان په تېرو ۲ ورځو کې له کابل څخه متحده عربي اماراتو ته انتقال شوي وه.
دغه کسان په پرت ښار کې خپلې دوه اوونۍ قرنطین تېروي او له هغه وروسته بیا کولای شي خپلو ښارونو او کورونو ته ولاړ شي.
د آسټرالیا لومړی وزیر سکاټ موریسن وايي چې د لویدیځې آسټرالیا له حکومت سره په ګډه کار کوي ترڅو دغو کسانو ته روغتیايي خدمتونه برابر شي.
د ژغورل شویو کسانو لومړۍ ډله پرت ته رسېدلې، مګر د آسټرالیا له نورو ایالتونو څخه هم غوښتل کېږي ترڅو پدې پروګرام کې مرسته وکړي.
له هغو افغانانو څخه چې له آسټرالیایانو سره یې په افغانستان کې کړی غوښتنه شوې ترڅو آسټرالیا ته د ژغورنې لپاره تیارۍ ونیسي. د آسټرالیا د کډوالو چارو وزیر الیکش هاوک وايي، هغه کسان هم آسټرالیا ته راوستل کېږي چې د دفاع وزارت تصدیق لري.
په تېرو ۲۰ کلونو کې په سلهاوو افغانانو له آسټرالیایانو سره د ترجمان، امنیتي امنیتياو په نورو برخو کې کارونه کړي چې تر دې دمه له ۱۸۰۰ زیات کسان د افغان لي پروګرام له لارې آسټرالیا ته راوستل شوي
اوسمهال په افغانستان کې پاتې افغان ژباړونکي د خپل ژوند او راتلونکې په اړه اندیښمن دي او د آسټرالیا له حکومت څخه غوښتنه لري ترڅو ژر تر ژره دوي ته ویزې ورکړي او آسټرالیا ته یې انتقال کړي.
دوه ورځې وړاندې د آسټرالیا حکومت اعلان وکړي چې شاوخوا ۳۰۰۰ زیانمو افغانانو ته هم ویزې ورکړي.
د آسټرالیا د کډوالو چارو وزیر الیکس هاوک وايي چې دغه ویزې "د استرالیایانو د کورنۍ غړو ، اقلیتونو لکه ښځو او نجونو، ماشومانو، هزاره ګانو او نورو زیان منونکو" ډلو ته ځانګړې شوي.
د آسټرلیا حکومت له ۲۰۱۳ کال راهیسې د آسټرالیا د بشردوستانه پروګرام له لارې شاوخوا ۸۵۰۰ افغانانو ته د آسټرالیا ویزې ورکړي.
په دغه ډله ۱۸۰۰ هغه ترجمانان او محلي کار کوونکي شامل دي چې له آسټرالیا سره یې به افغانستان کې مرسته کړې.
منبع اس بی اس نیوز
