Tau muaj ib cov kev teeb txheeb tshiab uas tau rov qab mus txheeb tej kev teeb txheeb tau muaj dhau los nrog 10 million tus neeg thiab tau coj mus cej luam rau hauv phau ntawv xov xwm British Medical Journal ces pom tau tias muaj feem cuam tshuam ntawm cov kev noj tej zaub mob tsis tshua muaj txiaj ntsim rau lub cev (Processed foods/Junk foods) yuav ua rau muaj ib co mob twg.
Ces thiaj txheeb pom tias muaj 32 yam mob yeej muaj feem cuam tshuam nrog cov kev noj tej zaub mov processed foods, txawm tsis tau muaj peev xwm qhia tau tseeb kiag, los yeej muaj pov thawj qhia tias cov kev noj tej zaub mov no yeej ua rau tej neeg muaj qee yam mob.
Thiab raws li tej dietician los yog nutritionalist tau qhia ces tej zaub mov processed foods no 'yeej muaj vitamins tsawg dua, muaj fibre tsawg dua, muaj roj, muaj piam thaj thiab ntsev xyaw rau ntau dua.'
Kuj pom tau tias tej hluas yog cov pheej nyiam noj tej zaub mob no ntau dua, thiab tej tej chaw khwv tau nyiaj nrab thiab khwv tau nyiaj tsawg noj tej zaub mov no ntau tuaj ntxiv sai heev lawm.
Yog li tej kws paub zoo txog tej txiaj ntsim ntawm zaub mov thiaj taw qhia kom yuav tsum muaj cov kev qhia kom tej neeg paub txog tej txiaj ntsim ntawm tej zaub mov, thiab noj tej zaub mov ua tau tshiab, noj txiv xyoob txiv ntoo thiab noj zaub kom ntau ntxiv.
Tsis tas li ntawd los tej kws paub zoo txog tej hauj lwm no xav kom tsub se rau tej zaub mov processed foods, txwv tsis pub haub tau yaum los yog tsis pub muag ze rau ib co chaw twg li tej cai tswj luam yeeb.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
