کیا سڈنی کے لاک ڈاؤن پرعمل درامد میں حکومتی تعصب یا سیاست کا دخل ہے؟

Tough new restrictions are now in place for Greater Sydney after another spike in COVID-19 cases.

A Covid warning sign is seen at Bondi Beach in Sydney, Saturday, July 10, 2021. Source: AAP

ایس بی ایس اردو

View Podcast Series

ایس بى ایس کی موبائیل ایپ حاصل کیجئے

سننے کے دیگر طریقے

کیا سڈنی کے لاک ڈاؤن پر عمل درامد میں حکومتی تعصب یا سیاست کا دخل ہے؟ اس موضوع پر کمیونیٹی تقسیم نظر آتی ہے۔ حکومت کا کہنا ہے کہ سختیوں میں اضافہ تفریق کے بجائے صورتحال کی سنگینی کے باعث طبی حکام کی ہدایات کی روشنی میں کیا جا رہا ہے ۔ ان سبربس کے کچھ رہائیشیوں کا کہنا کیونکہ لوگ ایس او پیز پر عمل نہیں کر رہے اس لئے سختی کی ضرورت ہے۔ مگر کچھ افراد کی رائے میں نیو ساؤتھ ویلز حکومت ان سبرب میں نرمی دکھاتی رہی ہے جہاں اس کا ووٹ بنک ہے۔

نیو ساؤتھ ویلز میں اس وقت کوڈ ۱۹ کی سخت پابندیاں نافذ ہیں اور لوگوں کو اشد ضرورت کے بغیر گھر سے نکلنا منع ہے اور ساتھ ہی کسی ملاقاتی کی گھر پر آنے کی اجازت نہیں ہے۔ مگر سات جولائی کو ریاستی پریمئیر گلیڈیز برجیکلین نے وائیرس کے بڑھتے ہوئے پھیلاآ پر قابو پانے کے لئے شہر کے جنوب مغربی یا ساؤتھ ویسٹ کے سبربز کا ذکر کرتے ہوئے ان علاقوں میں اچانک بڑھتے کیسز پر قابو پانے کے لئے پولیس کے اضافی گشت، فوری جرمانے، پولیس نفری میں اضافے جیسے اقدامات کا اعلان کیا تو اس پر یہ بحث چھڑ گئی کہ کیا حکومت ان علاقوں میں تفریقی رویہ اپنا رہی ہے جہاں ایشین اور مسلم تارکین وطن کی بھاری تعداد رہتی ہے۔

مزید جانئے

کیا سڈنی کے مکمل لاک ڈاؤن سے بچا جا سکتا تھا؟

پریمیئر نے اس تاثر کی سختی سے نفی کرتے ہوئے کہا کہ جہاں بھی پابندیوں کی خلاف ورزی ہو گی وہاں قانون پر عمل ہوگا اور ان سختیوں کا تعلق کسی خاص پوسٹ کوڈ یا کسی خاص سبرب سے نہیں بلکہ حالات کی سنگینی کے باعث یہ اقدامات اٹھائے جا رہے ہیں۔

At least 100 more police will be deployed to southwest Sydney from Friday in a "high-visibility" operation to ensure compliance with public health orders.

Police are walking in the shopping district in the southwestern suburb of Fairfield in Sydney, Friday, July 9, 2021. Source: AAP

سرکاری صحت حکام کے علاوہ کںٹربری۔بنکس ٹاؤن کے مئیر اور اس علاقے کے مسلم ایم پی جہاد الدیب نے بھی لفظ تعصب یا نسلی امتیاز کے استعمال کو غلط قرار دیتے ہوئے پولیس اور عوام کے درمیان اعتماد کی ضرورت پر زور دیا۔

مزید جانئے

سڈنی لاک ڈاؤن کا سبب بنے والے ڈیلٹا ویرینٹ کے بارے میں ہم کیا جانتے ہیں؟

سڈنی کے بنکس ٹاؤن کے رہائیشی حمزہ کیانی کا خیال ہے کہ سڈنی کےمشرقی سبرب بوندائی جہاں سے یہ وائیرس شروع ہوا تھا وہاں ایسی سخت پابندیاں نہیں لگائی گئیں اور اگر ان علاقوں میں بغیر تفریق کے پہلے پابندیاں لگا دی گئی ہوتیں تو یہ وائرس بے قابو نہ ہوتا۔

NSW premier Gladys Berejiklian says people who live or work in City of Sydney, Woollahra, Randwick and Waverley local government areas must stay at home for at least a week.

Groups of people with no masks are seen at Coogee Beach in Sydney, Saturday, June 26, 2021. Source: AAP

اسی علاقے میں رہنے والی مِس عالیہ کا ماننا ہے کہ حکومت سے غلطی ضرور ہوئی مگر وائیرس کے تیزی سے پھیلاؤ پر قابو پانے کے لئے سخت پابندیاں اور لاک ڈاؤن ضروری ہے کیونکہ لوگ پابندی پر سنجیدگی سے عمل نہیٰن کر رہے۔۔ لاکمبا کے رہنے والے الطاف حسین کو کچھ خاص سبرب کئ بارے میں سخت پابندیوں کی حکومتی بیانئے میں سیاست نظر آتی ہے۔ جنوب مغربی سبرب کی رہائیشی عائیشہ قریشی کے خیال میں لاک ڈاؤن میں تاخیر کی گئی۔