ගතවූ පැය 24 තුළ වික්ටෝරියානු ප්‍රාන්තයෙන් අලුතින් කොරෝනා ආසාදිතයින් 532 ක් වාර්තා වූ බව අද (27/07) පැවති මාධ්‍ය හමුවේදී වික්ටෝරියානු ප්‍රාන්තයේ අගමැති Daniel Andrews පැවසීය.
SBS සිංහල සේවය සතියේ දින 4 ක් ඔබ හමුවට
සඳුදා, අඟහරුවාදා, බ්‍රහස්පතින්දා, සිකුරාදා
SBS Radio APP එකෙන් (Free download)
මෙය කොරෝනා වසංගතය ආරම්භයේ පටන් ඔස්ට්‍රේලියාවේ දිනකදී වාර්තා වූ ඉහළම ආසාදිතයින් සංඛ්‍යාව ලෙස ද සඳහන්.
ආසාදිතයින් 532 ක් සහ මරණ 6 ක්
ගතවූ පැය 24 තුළ වික්ටෝරියානු ප්‍රාන්තයෙන් අලුතින් කොරෝනා ආසාදිතයින් 532 ක් සමග කොරෝනා මරණ 6 ක්ද වාර්තා වී තිබේ.
90 වන වියෙහි පසුවූ කාන්තාවක්, 80 වන වියෙහි පසුවූ කාන්තාවක් හා පිරිමියෙක්, 70 වන වියෙහි පසුවූ කාන්තාවක් හා පිරිමියෙක් මෙන්ම වයස අවුරුදු 50 පසුවූ පිරිමි පුද්ගලයෙකු එලෙස කොරෝනා වයිරසය වැළඳීම නිසා මියගොස් තිබේ.
SBS සිංහල සේවය
සඳුදා, අඟහරුවාදා, බ්‍රහස්පතින්දා, සිකුරාදා පෙ.ව 11 සිට 12 දක්වා
ගුවන් විදුලියෙන් - 93.1 fm VIC / 97.7 fm NSW / 93.3 fm QLD / 96.9fm WA / 105.5 fm ACT / 106.3 fm SA
නැතිනම් රූපවාහිනියේ channel 38
එම මරණ හයෙන් 5 ක්ම aged care හෙවත් වැඩිහිටි සුරැකුම් මධ්‍යස්ථාන හා සම්බන්ධ බවද වික්ටෝරියානු ප්‍රාන්තයේ අගමැති Daniel Andrews පැවසීය.
මේ අතර බරපතල තත්ත්වයේ පසුවන ආසාදිතයින් 44 දෙනෙකු මේ වන විට වික්ටෝරියානු ප්‍රාන්තයේ රෝහල් වල දැඩි සත්කාර ඒකක වල ප්‍රතිකාර ලබමින් සිටින බවද ප්‍රාන්ත අගමැති Daniel Andrews පැවසීය.
Aged care මධ්‍යස්ථාන වලට දැඩි අවදානමක්
මේ වන විට වික්ටෝරියානු ප්‍රාන්තයේ Aged care මධ්‍යස්ථාන වල ඉහළ ලෙස කොරෝනා වයිරසය පැතිරීම ප්‍රජාව අතර වයිරසය සම්ප්‍රේෂණය වීමේ ප්‍රතිඵලයක් බව වික්ටෝරියානු ප්‍රාන්තයේ ප්‍රධාන සෞඛ්‍ය නිලධාරී මහාචාර්ය Brett Sutton පැවසුවේය.
මේ වන විට කොරෝනා ආසාදිතයින් බහුල ලෙස වාර්තා වන වික්ටෝරියානු ප්‍රාන්තයේ Aged care මධ්‍යස්ථාන වල සාරාංශය පහත අයුරින් ඔහු අද (27/07) පැවති මාධ්‍ය හමුවේදී ඉදිරිපත් කළේය.
- Fawkner හි St Basil's Home for The Aged - ආසාදිතයින් 84
- Ardeer හි Estia aged care - ආසාදිතයින් 82
- Epping හි Epping Gardens Aged Care - ආසාදිතයින් 77
- Essendon හි Menarock Life aged care - ආසාදිතයින් 62
- Werribee හි Glendale Aged Care - ආසාදිතයින් 53
- Kilsyth හි Kirkbrae Presbyterian homes - ආසාදිතයින් 57
- Heidelberg හි Estia aged care - ආසාදිතයින් 50
Aged care මධ්‍යස්ථාන වල වෙසෙන වියපත් පුද්ගලයින් හට කොරෝනා වයිරසය ආසාදනය වුවහොත් ඔවුන් මිය යාමට ඉතා ඉහළ අවදානමක් ඇති බව මහාචාර්ය Brett Sutton පැවසුවේය.
බොහෝ Aged care මධ්‍යස්ථාන වල කොරෝනා වයිරසය පැතිරීම ආරම්භ වූයේ ඒවායේ සේවය කළ එක් සේවකයෙකු හෝ සේවකයින් කිහිප දෙනෙකු අසනීපව සිටියදීත් සේවයට පැමිණීම හේතුවෙන් බව ඔහු පැහැදිලි කළේය.
මේ වන විට වික්ටෝරියා ප්‍රාන්තය තුළ සක්‍රියව සිටින කොරෝනා ආසාදිතයින් 4,542 න් 683 ක් ම වැඩිහිටි සුරැකුම් මධ්‍යස්ථාන 38 කට සම්බන්ධ බව වාර්තා වේ.
එමෙන්ම තම ප්‍රාන්තයේ Aged care මධ්‍යස්ථාන වල කොරෝනා ආසාදනය වූ වියපත් පුද්ගලයින් සියල්ලම රෝහල් වෙත පිටත් නොකර සිටීමට වික්ටෝරියානු ප්‍රාන්ත රජය තීරණය කර තිබේ.
එම තීරණයට සහය දක්වන බව ඔස්ට්‍රේලියානු වෛද්‍ය සංගමය ද මේ වන විට පවසා ඇත.
Professor Brett Sutton, Victoria's Chief Health Officer Source: AAP
ආසාදිතයින් ක්‍රමිකව ඉහළ ගියහොත් තවත් කර්මාන්ත වැසීමට සිදුවේවි
අසනීප තත්ත්ව තිබියදී ත් බොහෝ පුද්ගලයින් රැකියා සඳහා ගොස් ඇති බව වික්ටෝරියානු ප්‍රාන්ත අගමැති Daniel Andrews අද (27/07) පැවති මාධ්‍ය හමුවේදී පැවසීය.
"කොරෝනා රෝග ලක්ෂණ තිබුණහොත් ඔබට රැකියාවට යා නොහැකියි, යම් මට්ටමක හෝ අසනීප ගතියක් තිබුණොත් ඔබට රැකියාවට යා නොහැකියි" යනුවෙන් ඔහු එහිදී වැඩි දුරටත් පැවසීය.
මේ වන විට වික්ටෝරියානු ප්‍රාන්තයේ කොරෝනා වයිරසය සම්ප්‍රේෂණය කරන විශාලතම වාහකයින් වන්නේ එවැනි පුද්ගලයින් බවද ප්‍රාන්ත අගමැතිවරයා පෙන්වා දුන්නේය.
වික්ටෝරියානු වාසීන් තමන්ගේ මෙම නොමනා හැසිරීම යහපත් නොකරගතහොත් දෛනිකව වාර්තා වන ආසාදිතයින් ගේ සංඛ්‍යාව විශාල වශයෙන් ඉහළ යා හැකි බවට ඔහු අනතුරු ඇඟවූවේය.
අසනීප තත්ත්ව තිබියදීත් පුද්ගලයින් රැකියාවලට යාම නොකඩවා සිදු කළහොත් දැනට ක්‍රියාත්මක කොරෝනා නීති තවත් දීර්ග කිරීමට සිදුවන බවත් තවත් කර්මාන්ත වැසීමට සිදුවන බවත් වික්ටෝරියානු ප්‍රාන්ත අගමැති Daniel Andrews පැවසීය.
කොරොන වයිරස් රෝගයෙන් පෙළෙන විට හෝ රෝග විනිශ්චය කර ඇති අයෙකු සමඟ සමීප සම්බන්ධතා පැවැත්වීම නිසා ස්වයං හුදකලා වීමට හෝ සිදුවූ වික්ටෝරියානු ප්‍රාන්ත වාසීන්ට අසනීප නිවාඩු සඳහා හිමිකම් නොමැති නම් ඩොලර් 1500 ක දීමනාවට හිමිකම් කිව හැකිය.
Source: SBS Sinhala
