ਅਮਰੀਕਾ ਦੇ ਇੰਡੀਆਨਾ ਸੂਬੇ ਵਿਚ ਫੇਡਐਕਸ ਕੰਪਨੀ ਦੇ ਵੇਅਰਹਾਊਸ ਵਿੱਚ ਹੋਈ ਗੋਲੀਬਾਰੀ ਦੀ ਘਟਨਾ ਵਿਚ ਸਿੱਖ ਭਾਈਚਾਰੇ ਦੇ 4 ਵਿਅਕਤੀਆਂ ਸਮੇਤ 8 ਵਿਅਕਤੀਆਂ ਦੀ ਮੌਤ ਹੋ ਗਈ ਅਤੇ 5 ਹੋਰ ਜ਼ਖ਼ਮੀ ਹੋ ਗਏ।
ਬੰਦੂਕਧਾਰੀ ਹਮਲਾਵਰ ਦੀ ਪਛਾਣ ਇੰਡੀਆਨਾ ਦੇ 19 ਸਾਲਾ ਨੌਜਵਾਨ ਬ੍ਰੇਂਡਨ ਸਕਾਟ ਹੋਲ ਵਜੋਂ ਹੋਈ ਹੈ, ਜਿਸ ਨੇ ਇਹ ਗੋਲੀਬਾਰੀ ਕਰਨ ਤੋਂ ਬਾਅਦ ਕਥਿਤ ਤੌਰ ਤੇ ਖ਼ੁਦ ਨੂੰ ਗੋਲੀ ਮਾਰਕੇ ਖੁਦਕਸ਼ੀ ਕਰ ਲਈ।
ਮੈਲਬੌਰਨ ਦੇ ਵਸਨੀਕ ਵਰੁਣਦੀਪ ਸਿੰਘ ਨੇ ਆਪਣੇ ਚਾਚਾ-ਚਾਚੀ ਦੇ ਹਵਾਲੇ ਨਾਲ਼ ਇਸ ਘਟਨਾ ਦਾ ਦਿਲ-ਕੰਬਾਊ ਹਾਲ ਸਾਂਝਾ ਕੀਤਾ ਹੈ। ਵਰੁਣ ਨੇ ਦੱਸਿਆ ਕਿ ਫੈਡੇਕ੍ਸ ਵਿੱਚ ਕੰਮ ਕਰਦੇ ਉਨ੍ਹਾਂ ਦੇ ਚਾਚਾ ਜੀ ਘਟਨਾਸਥਲ ਉੱਤੇ ਮੌਜੂਦ ਸਨ ਅਤੇ ਉਨ੍ਹਾਂ ਨੂੰ ਵੇਅਰ ਹਾਊਸ ਦੇ ਪਿੱਛੇ ਵੱਲ ਨੂੰ ਭੱਜਕੇ ਜਾਨ ਬਚਾਉਣੀ ਪਈ।
ਮ੍ਰਿਤਕਾਂ ਦੀ ਪਛਾਣ 32 ਸਾਲਾ ਮੈਥਿਊ ਆਰ, ਅਲੈਗਜ਼ੈਡਰ, ਸਾਮਰਿਆ ਬਲੈਕਵੈੱਲ - 19 ਸਾਲ; ਅਮਰਜੀਤ ਜੌਹਲ - 66; ਜਸਵਿੰਦਰ ਕੌਰ- 64; ਜਸਵਿੰਦਰ ਸਿੰਘ - 68; ਅਮਰਜੀਤ ਸੇਖੋਂ - 48; ਕਰਲੀ ਸਮਿਥ - 19 ਅਤੇ ਜੌਹਨ ਵੇਸਰੀਟ - 74 ਵਜੋਂ ਹੋਈ ਹੈ।
Maninder Singh Walia (left) chats with Taylor Hall on Sunday, April 18, on Monument Circle during a vigil for the eight people killed in FedEx tragedy. Source: AAP Image/Robert Scheer/USA Today Network/Sipa USA
ਅਮਰੀਕੀ ਰਾਸ਼ਟਰਪਤੀ ਜੋ ਬਾਇਡਨ ਨੇ 'ਬੰਦੂਕ ਨਾਲ ਕੀਤੀ ਇਸ ਹਿੰਸਾ' ਨੂੰ ਇੱਕ ਮਹਾਂਮਾਰੀ ਆਖਿਆ।
ਉਨ੍ਹਾਂ ਕਿਹਾ ਕਿ ਬਹੁਤ ਸਾਰੇ ਅਮਰੀਕੀ ਹਰ ਰੋਜ਼ ਬੰਦੂਕ ਦੀ ਹਿੰਸਾ ਤੋਂ ਮਰ ਰਹੇ ਹਨ। ਇਹ ਸਾਡੇ ਚਰਿੱਤਰ ਉਤੇ ਦਾਗ਼ ਲਗਾਉਂਦਾ ਹੈ ਅਤੇ ਸਾਡੀ ਕੌਮ ਦੀ ਰੂਹ 'ਤੇ ਹਮਲਾ ਕਰਦਾ ਹੈ।
ਸਿੱਖ ਜਥੇਬੰਦੀਆਂ ਟਰਬਨਜ਼4ਆਸਟ੍ਰੇਲੀਆ ਅਤੇ ਯੂਨਾਇਟੇਡ ਸਿਖਸ ਆਸਟ੍ਰੇਲੀਆ ਵੱਲੋਂ ਇਸ ਘਟਨਾ ਦੀ ਨਿਖੇਧੀ ਕੀਤੀ ਗਈ ਹੈ ਅਤੇ ਇਸ ਸਿਲਸਿਲੇ ਵਿੱਚ ਅਮਰੀਕਨ ਸਰਕਾਰ ਨੂੰ ਓਥੋਂ ਦੇ ਬੰਦੂਕ ਕਲਚਰ ਉੱਤੇ ਨਕੇਲ ਕਸਣ ਲਈ ਬੇਨਤੀ ਕੀਤੀ ਗਈ ਹੈ।
ਪੂਰੀ ਜਾਣਕਾਰੀ ਲਈ ਵਰੁਣਦੀਪ ਸਿੰਘ, ਅਮਰ ਸਿੰਘ ਅਤੇ ਗੁਰਵਿੰਦਰ ਸਿੰਘ ਨਾਲ਼ ਕੀਤੀ ਇਹ ਗੱਲਬਾਤ ਸੁਣੋ
LISTEN TO
ਫੇਡਐਕਸ ਗੋਲੀਬਾਰੀ ਘਟਨਾ ਪਿੱਛੋਂ ਦੁਨੀਆ ਭਰ ਵਿੱਚ ਰੋਸ, ਅਮਰੀਕਾ ਵਿਚਲੇ 'ਗੰਨ ਕਲਚਰ' ਨੂੰ ਠੱਲ੍ਹ ਪਾਉਣ ਉੱਤੇ ਜ਼ੋਰ
SBS Punjabi
10:33
ਇਸ ਦੌਰਾਨ ਅਮਰੀਕਾ ਅਤੇ ਦੁਨੀਆਂ ਦੇ ਹੋਰ ਹਿੱਸਿਆਂ ਵਿੱਚ ਪੀੜਤਾਂ ਦੀ ਯਾਦ ਵਿੱਚ ਸਮਾਗਮ ਕਰਾਏ ਗਏ ਹਨ ਅਤੇ ਪੀੜ੍ਹਤ ਪਰਿਵਾਰਾਂ ਲਈ ਲੱਖਾਂ ਡਾਲਰ ਦਾ ਦਾਨ ਇਕੱਠਾ ਕੀਤਾ ਗਿਆ ਹੈ ਜਿਸ ਵਿੱਚ ਫੈਡੇਕ੍ਸ ਵੱਲੋਂ ਦਿੱਤਾ 1 ਮਿਲੀਅਨ ਅਮਰੀਕੀ ਡਾਲਰ ਵੀ ਸ਼ਾਮਿਲ ਹੈ।
ਐਸ ਬੀ ਐਸ ਪੰਜਾਬੀ ਦੀ ਨੂੰ ਬੁੱਕਮਾਰਕ ਕਰੋ ਅਤੇ ਲਈ ਐਪ ਸਟੋਰ ਉੱਤੇ ਜਾਓ। ਐਸ ਬੀ ਐਸ ਪੰਜਾਬੀ ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਸੁਣਿਆ ਜਾ ਸਕਦਾ ਹੈ। ਤੁਸੀਂ ਸਾਨੂੰ ਅਤੇ 'ਤੇ ਵੀ ਫ਼ਾਲੋ ਕਰ ਸਕਦੇ ਹੋ।
