Lus teb ntawm thawj hauj sam Wat Thamkrabok txog Hmoob tej ntxa

Muaj 4 nqe lus teb tseem ceeb los ntawm thawj hauj sam Wat Thamkrabok txog cov kev cheem tsis khawb thiab tshem Hmoob ntxa li hauv qab no.

Tau muaj 4 lo lus teb tseem ceeb ntawm thawj hauj sam Wat Thamkrabok rau Tshua Pov Yaj uas yog Hmoob ib tug nom dhau los ntawm pab nom Local Power Party uas nws tau sau ntawv cheem nom tswv xeev Saraburi kom tsis txhob rawm pub thawj hauj sam khawb thiab tshem Hmoob cov ntxa ntawm thaj av ze txog li 10 laij li hauv qab no:

(Image: Hmoob ntxa ntawm Vaj Loog Tsua Wat Thamkrabok - Nao Tou Lor)

1) Thawj hauj sam yeej tau lees tias xyoo 2008 yeej tau khawb Hmoob ntxa thawj zaug ntawm Wat Thamkrabok thiab tau coj cov qauv txog li 200 tawm lub mus cia rau pem Phu Chi Fa, xeev Chiangrai teb chaws Thaib.

Hmong grave ceremony in Phaya Lao Oo Source: SBS / (TYWD-SBS)1

2) Tej xwm txheej uas Wat Thamkrabok npaj yuav khawb thiab yuav tshem Hmoob cov ntxa no yeej muaj tseeb tiag raws li tus thawj hauj sam tau teb rau Tshua Pov Yaj tsab ntawv cheem kom tsis txhob rawm maj khawb.

3) Yog tias Wat Thamkrabok yuav khawb thaum twg ces thawj hauj sam yeej yuav ceeb toom qhia rau kwv tej neeg tsa Hmoob ntawm teb chaws America kom paub, yog leej twg muaj kwv tej txheeb ze ces xav kom mus khawb mus tshem rau lwm qhov raws li qhov raug cai, lawv (Wat Thamkrabok) yuav tsis ua ywj lawv siab.

(Image: Phrabhuthabad authorities and Wat Thamkrabok abbott tour Hmong graves - Phrabhuthabad authority)

4) Xyoo 2023 no ces tseem tsis tau ua dab tsi rau daim av uas muaj Hmoob cov ntxa fau ntawd, nom tswv zos Phrabhuthabad twb tau nrog Wat thamkrabok tham lawm, yog tias kwv tej neej tsa Hmoob leej twg muaj tej txheeb ze thiab tsev neeg ntawm thaj av no, ces kom sib txuas lus nrog lawv. Ces lub Wat no yeej zoo siab cia kwv tij neej tsa Hmoob khawb thiab tshem lawv tej neeg tawm mus rau lwm qhov chaw.

Yog tham txog lo lus nug tias seb ho puas tseem tshuav Hmoob ntxa nyob qhov twg ntxiv hauv vaj loog tsua no ces, Tshua Pov Yaj hais tias raws li nws tau nrog Suwitcha Haerunpreuk tham ces kuj tseem tshuav ib co khuam hauv Wat Thamkrabok. Tab sis Tshua Pov Yaj hais tias raws li sawv daws paub lawm ces yuav tsum cia tus tswv neeg los taw thiab qhia kiag xwb mas thiaj li yuav paub tias seb ho coj tus qauv mus tso rau qhov twg lawm xwb.

Mloog tau tej xwm txheej khawb Hmoob ntxa ntau xyoo dhau los raws li hauv qab no:

Mloog tau SBSHmong, rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm Facebook, Googlepodcasts, Spotify, thiab Apple podcasts los yog download SBS Audio App  thiab SBS Hmong pod follow kom koj mloog tau SBS Hmong.