Australia tej tub rog (Australian Defence Force - ADF) yeej . Tsuas muaj txog li 80 feem pua ntawm tej tub rog txog li 69,000 tus thiaj muaj peev xwm ua tau raws li tej lawv tau pom zoo ua xwb. Tsis ntev los no tsoom fwv kuj tau qhia tias yuav tso cai rau tej pej xeem neeg txawv teb chaws muaj cai los ua tau Australia tej tub rog thiab.
Raws li Australia tus hau rog Angus Campbell tau qhia rau tsev kis xeev siab pawg rooj saib xyuas lub 2 hlis ntuj dhau los ces tsis yog tias tsis muaj peev xwm yuav nrhiav tau Australia tej tub rog raws li qhov xav tau xwb, tab sis kuj tseem ua rau muaj tej tub rog tsawg lawm thiab.
Tsuas muaj 2 yam laj thawj tseem ceeb cov kev nrhiav tub rog tam sim no xwb. Thawj yam ces yog nyiaj txiaj xwb - vim tam sim no tej lagluam ntiav muaj neeg poob hauj lwm tsawg, thiab muaj cib fim zoo dua rau lawv, tej chaw ua hauj lwm zoo dua thiab zoo dua rau lub neej pem suab xwb.
Thiab lwm cov laj thawj ces yog tej kab lis kev cai: vim zoo li phaum neeg gen Z (Phaum neeg Zoomers yug txij 1997 - 2012) yeej tsis txhua txaus siab yuav us tawm tsam pov puag thiab tiv thaiv lawv haiv neeg lawm.
Ces qhov tseem ceeb ntawm cov kev tsis muaj peev xwm nrhiav tau phaum neeg no los ua tub rog thiaj nyob ntawm cov kev totaub txog tias yog muaj dab tsi ua rau muaj tej teeb meem no, vim lawv yog pawg neeg tseem ceeb uas yuav muaj peev xwm nrhiav tau coj los ua tub rog.
Tsis ntev los no peb kuj tau nrog 19 tug tug rog Australia uas tseem ua tub rog ntawm ntau phaum neeg sib txawv tham (muaj 2 tug yog phaum neeg gen Z) ntawm ntau ceg tub rog ntawm peb ib cov kev teeb txheeb uas tau nyiaj pab ntawm Australia tej tub rog. Thiab peb kuj xav txheeb tias dab tsi thiaj pab kom nrhiav tau phaum neeg Z los ua tub rog, thiab tej tub rog ho muaj peev xwm yuav yaum li cas kom tau tej neeg no coob tuaj ntxiv los ua tub rog rau lawv lub teb chaws.
'Phaum neeg uas muaj kev txhawj xeeb'
Tej kws teeb txheeb yeej tshawb fawb txog txhua phaum neeg coj los ua ib cov kev taw qhia rau yav pem suab, tsis hais phaum neeg baby boomer (yug txij xyoo 1946 txog 1965) txog rau phaum neeg X (yug txij xyoo 1966 txog 1980), thiab phaum millenials (yug txij xyoo 1981 txog 1995). Ces yeej tsis muaj ib phaum neeg twg yuav txawv npaum li phaum neeg Z los yog Zoomers (yug lub caij 1997 txog 2008) li.
Lawv yog thawj phaum neeg tau loj hlob nrog cov kev siv tej xov tooj ntawm tes thiab tej social media. Jonathan Haidt uas yog ib tug social psychologist thawj phaum ntawv The Anxious Generation uas yog ib phau ntawv tau muag zoo tshaj plaws tam sim no yeej tau qhia txog cov xwm txheej caltaclysmic effect uas yog ib cov xwm txheej ua rau raug kev puas tsuaj loj los yog muaj tej kev pauv hloov sai rau tej xwm txheej kub ntxhov, yog tej uas nws cav tias tau ua rau tej hluas ntsib kev nyuaj siab ntxhov plawv ntau tuaj ntxiv thiab vim tsis muaj cov kev nrog saib xyuas thiab tswj lawv kev siv tej social media rau lub caij lawv tseem nto nkauj nto nraug.
Ces phaum neeg gen Z (Zoomers) no tej kev nyuaj siab ntxhov plawv thiaj ua rau muaj teeb meem rau tsis muaj peev xwm nrhiav tau lawv los ua tub rog, li US Marine Corps lieutenant Matthew Weiss tau qhia rau nws phau ntawv gen Z military recruitment.
Tsoom fwv Australia tab tom kho tej cai uas teev tias pub leej twg ua tau Australia tej tub rog. Source: AAP / Jono Searle
Tej tub rog uas peb tau nrog tham yeej tau qhia tias tej kev nyuaj siab ntxhov plawv yog ib co teeb meem ua rau nrhiav tsis tau tub rog. Ntxiv ntawd los lawv yeej tau pom zoo tias cov kev ua tub rog kuj yog ej yam yuav ua rau muaj kev nyuaj siab ntxhov palwv thiab tej tub rog hluas los yeej yog cov uas yuav muaj teeb meem tau yooj yim rau lawv tej kev xav dua thiab. Ua ke no los tej neeg raug interview yeej tau qhia tias tej tub rog los yeej tsis ua tib zoo xyuas kom tsim tau tej kev pab cuam daws kev nyuaj siab siv kom zoo tshaj qub ntxiv thiab. Qhov no yog ib kauj ruam yuav tau ua tib zoo nrog xyuas kom ua tau tej hauj lwm no - vim tias tej zaum tej chaw nthuav xov xwm txog tej qub tub rog txoj kev nyuaj siab ntxhov plawv ua rau phaum neeg Zoomers txhawj thiab tsis xav teev npe ua tub rog.
Weiss cav tias tej hauj lwm ntawm tej lagluam ntiav (thiab tej nyiaj) yeej muaj peev xwm siv nyiaj hauv online yooj yim thaj tej tub rog. Thiab tej neeg uas tau koom peb cov kev teeb txheeb thiab raug nug yeej tau pom zoo tias tej hluas yeej yog cov paub txog tej nyiaj hauj lwm thiab tej lus zoj khi txog tej kev ua hauj lwm zoo heev thiab.
Cov kev tsis txaus siab hlo rau yus haiv neeg
Raws li Andrew Hastie tau qhia rau lub chaw nthuav xov xwm ABC tsis ntev los no ces tej zaum kuj muaj lwm yam muaj feem li ''Tej neeg ua ua tub rog tsis yog tias xav kom khwv tau nyiaj zoo xwb, tab sis tos lawv ua tub rog los vim lawv hlub tshua txog lawv lub teb chaws thiab.''
Txhais tau tias yeej muaj cov kev hlub tshua yus haiv tsawg ntawm ib phaum neeg rau lwm phaum neeg lawm, ces thiaj ua rau nrhiav tsis tau neeg los ua tub rog lawm thiab. Weiss thiaj hasi tias tos ntawm teb chaws Meskas tsis tshua muaj phaum neeg gen Z ua tub rog los vim muaj lub tswv yim hlub tshua haiv tsawg.
Tej neeg peb tau nrog tham yeej tau hais tias raws li ib txwm pom ces lub tswv yim hlub tshua haiv no tsuas muaj feem tsawg tsawg ua rau tej hluas kam ua tub rog xwb thiab. Vim lawv pom tias zoo li tsis yog yus lub luag hauj lwm lawm uas yog ib yam lawj thawj thiab. Hos lwm yam ntxiv ces cov kev ua tub rog no yeej yog tej yam zoo thiab tsis zoo ''txog tias kuv lub teb chaws ua qhov yog los yog ua yuam kev'' li tej xov xwm tau cej luam txog cov lus iab liam txog Australia tej tub rog uas tau ua txhaum rau lub caij muaj tsov rog ntawm teb chaws Afghanistan tsis ntev los no.
Thiab yeej muaj tej pov thawj qhia meej txog tej hluas neeg Australia cov kev tsis tshua txaus siab rau lawv haiv neeg lawm. Peb yeej tau tshuaj ntsuam tej xov xwm tej xov xwm txog Ntiaj teb tej kev teeb txheeb txog tej kev coj taug ua zoo (World Values Survey), uas yog ib cov kev teeb txheeb txog tej neeg ntau cov kev coj taug ua zoo thoob ntuaj teb txij li xyoo 1981 los.
Ces kuj pom tias xyoo 1981 ntawd ces 70.3 feem pua ntawm tej neeg Australia yeej muaj kev ''txaus siab heev'' rau lawv haiv neeg. Tab sis tus kab theem feem pua no tau nqes los ua 60.8 feem pua rau xyoo 2018 lawm rau thawj xyoo uas muaj cov phaum neeg Z tau koom cov kev teeb txheeb no. Xyoo ntawd ces tsuas muaj tej neeg hnoob nyoog 20 tawm xyoo (suav qee tus neeg ntawm phaum neeg millennials) nrog tsuas muaj tej neeg no txog li 41.6 feem pua thiaj tau qhia tias lawv txaus siab heev tias lawv yog ib tug neeg Australia xwb — uas yog ib cov feem pua tsawg tsaj plaws ntawm ntau phaum neeg uas muaj hnoob nyoog siab txawv rau cov kev teeb txheeb no txij li thaum tau pib muaj cov kev teeb txheeb no los.
Hos tag nrho lwm phaum neeg ces kuj zoo tib yam xwb, tej neeg muaj hnoob nyoog dua lawm yeej yog cov neeg uas muaj txoj kev hlub tshua haiv dua, raws li ntau cov kev teeb txheeb rau ntau lub caij sib txawv thiab ntawm ntau lub teb chaws tau qhia. Tab sis yeej tseem muaj txoj kev sib tu ncua deb heev ntawm tej laus thiab tej hluas txog cov kev hlub tshua haiv no tshaj qub ntxiv yog tham txog phaum neeg hlua gen Z (Zoomers) no thiab.
Raws li tej xov xwm tau teeb txheeb xyoo 1981 ntawd ces yeej muaj tej neeg Australia hnoob nyoog 20 tawm xyoo txog 69 feem pua ntawd yeej txaus siab yuav tawm tsam pov puag lawv lub teb chaws. Uas tus zauv no yeej ib nyuag siab zog 65 feem pua rau lub caij xyoo 1970 tawm ntawd. Tab sis txog rau xyoo 2018, ces tau muaj cov kev hloov thiab tsuas muaj tej hluas hnoob nyoog 20 tawm xyoo txog li 44 feem pua thiaj txaus siab tawm tsam pov puag lawv lub teb chaws lawm xwb yog piv rau 59 feem pua ntawm lub caij xyoo 1970s ntawd.
Tej yam uas tsim nyog ua
Tej neeg uas peb tau nrog tham yeej tau qhia tias tej cai coj taug ua zoo uas yuav txhawb nqa kom phaum hluas Zoomers muaj txoj kev hlub haiv mas tsuas yog ''yuav tsum tau ua qhov yog/raug raws li qhov tsim nyog ua xwb.'' Yog li tej no thiaj yog lwm cov cib fim rau tej neeg nrhiav neeg ua tub rog: li yuav tau tib tub rog lub luag hauj lwm mus tswj kev thaj yeeb thiab pab daws tej xwm txheej ntuj tsim kev puas tsuaj kom tej neeg uas nyiam pab lwm tus thaj xav ua tub rog.
Phaum neeg Z (Zoomers) ces yog cov neeg paub rau seem no lawm. Thiab yeej muaj tej kev teeb txheeb qhia thiab tej neeg peb tau nrog tham yeej tau qhia tias phaum neeg Z yeej yog phaum neeg kub siab txog tej ib puag ncig, xav kom muaj ntau tsav neeg sib txawv koom, tau txais vaj huam sib luag, thiab qhib kev dav kom sawv daws muaj feem koom.
Tej no thiaj qhia txog lawv cov kev xav thaum tham txog kev ua hauj lwm. Thiab yog phaum neeg Zoomers no ib cov kev xav nqua hu tsis yog tib cov kev ua hauj lwm nkaus xwb. Raws li peb cov kev tau nrog tej neeg tham, ces tej hluas uas xav ua tub rog yeej pom tias qhov tseem ceeb tshaj plaws ntawm tej hauj lwm lawv xav ua ces yog thaum ua lawm lawv yuav kawm tau ib co txuj ci dab tsi, tau ua tej yam txawv uas tsis tau ua dua los, thiab ua tej yam nyuaj uas yuav qhia tias seb yus muaj peev xwm ua tau li cas.
Peb yuav ua li cas kom thiaj nrhiav tau phaum neeg no ua tub rog?
Raws li peb tej kev teeb txheeb thiab lwm tus tej kev teeb txheeb tau qhia ces yeej hais tias yog muaj cov kev txhawb nqa kom phaum neeg Z (Zoomers) no muaj kev loj hlob thiab tau txais kev noj qab nyob zoo, tsis hais pab kom lawv tau tej khoom lawv xav tau thiab pab tau rau sawv sab ntuj plig tsis yog cov kev pab cuam rau lwm tus. Thiab tej kws teeb txheeb yeej tau muaj tej kev txhawb siab no hu tias yog ''cov kev txhawb nqa tus kheej - pro-self''.
Tej zaum tej neeg nrhiav neeg ua tub rog kuj yuav hnov txog phaum neeg Zoomers lawm thiab tias yeej muaj cov kev sib tw muaj ceev heev xav nrhiav kom tau tej neeg tshaj li, muaj peev xwm, tab sis tej hluas no los yeej muaj ntau yam zoo yuav pab tau tej tub. Thiab tej zaum lawv kuj yuav yog ib phaum neeg tsis ntev los no ntawm ntau phaum neeg uas ua tau ib yam dab tsi tiav tshaj plaws thiab. Vim lawv yeej yog phaum neeg uas muaj peev xwm heev rau tej digital technologies yam tsis tau pom dua los li thiab tej no kuj yuav ras los ua ib feem tseem ceeb ntau tuaj ntxiv rau tej tub rog lawm.
Tsis tsis tas li ntawd los tej tswv yim National Defence Strategy uas tau coj los qhia rau lub 4 hlis ntuj dhau los yeej tau qhia tias ''yuav tsum tau los kho tej tub rog tej kev nrhiav thiab ntiav neeg ua hauj lwm thiab kho tej system uas yuav pab tswj thiab ceev tau tej neeg ua hauj lwm kom ua hauj lwm ntev txuas ntxiv.''
Yeej muaj ntau yam tswv yim uas tau coj los sab laj tias yuav pab kom nrhiav tau tub rog ntau tuaj ntxiv ntawm Australia no yog ib cov tswv yim uas tseem siv li ib txwm siv xwb.
Txawm li cas los tsis ntev los no ces tsoom fwv yeej tau nce nyiaj hli thiab pub ntau yam paj tshab rau tej tub rog. Lwm yam tswv yim ces yog yuav tau kho kom tej txheej txheem nrhiav thiab ntiav tub rog yooj yim tshaj qub ntxiv, cov kev ua tub rog no yuav tsum yog ib co uas yog lawv tsis xav ua ces cia lawv tawm lawv tau, tsis txhob pheej yuav khom tau mus kuaj mob ntau yam, nce cov hnoob nyoog ua tub rog raws li qhov tsim nyog, thiab npaj tej coj tub rog phaum tshiab kom hloov tej kab lis kev cai qub tsis tsis tau hauj lwm uas yuav muaj rau tej kev nrhiav thiab ntiav neeg ua tub rog.
Thiab raws li peb cov kev tshawb fawb uas txheeb tau tau qhia ces yuav tsum tsim tej tub rog kom haum raws li phaum neeg Z (Zoomers) tej kev coj taug ua zoo thiab tej txiaj ntsim uas lawv yuav tau txais rau lawv tus kheej mas thiaj yuav siv tau ntev txuas ntxiv rau yav tom ntej. Yog li ntawd thiaj yuav tau npaj ib co tswv yim los nrhiav thiab ntiav tej neeg ua tub rog kom haum raws li phaum neeg ntawd xav tau.
Professor Robert Hoffmann yog ib tug zes kais paub zoo txog behavioural economics uas yog cov kev kawm txog tib neeg txoj kev xav thiab tej kab lis kev cai uas yog tej yam ua rau tej neeg coj raws li qhov tsim nyog ua thiab kom tau txais txiaj ntsim rau tus kheej ntawm tsev kawm qib siab University of Tamania. Nws tau txais niaj pab ntawm Australia lub tuam chav tub rog (Australian Department of Defence).
Maria Teresa Beamond ces yog ib tug neeg ua hauj lwm pab ib tug professor ntawm tsev kawm qib siab RMIT University. Thiab nws yeej tau nyiaj pab los ntawm Australian Department of Defence thiab tau los ntawm tej koom haum pab zej zoom uas tsis nce rau tsoom fwv li lub koom haum Australian Women in Security Network.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , ,
