NAIDOC Week yog dab tsi?

Ib co xov xwm luv luv qhia txog txhua yam ntawm lub limtiam NAIDOC Week.

National NAIDOC Awards Ceremony. Source: AAP

NAIDOC Week yog dab tsi?

NAIDOC ces yog ib lo lus luv los ntawm National Aboriginal and Islander Day Observance Committee (NAIDOC). Thiab kuj yog ib lub limtiam tseem ceeb ntawm Australia tej teej cim zwj (calendar), thiab kuj yog tej yam tseem ceeb heev rau rau Australia tej neeg txum tim tej zejzog thoob teb chaws Australia no. Tsis tas li ntawd los kuj yog ib lub limtiam coj los ua kev zoo siab rau peb tej kab lis kev cai thiab tej puav pheej, thiab ua kev nco txog peb tej keeb kwm, thiab coj los tsim kom muaj kev koom npoj rau peb tej zejzog, thiab qhia tej no rau peb haiv neeg. Ib xyoos twg yeej ua lub koom txoos NAIDOC Week rau thawj hnub los yog hnub zwj Hnub ob ntawm lub 7 hli ntuj.

Ces yeej ua ntau yam koom txoos rau lub limtiam NAIDOC Week thoob teb chaws thiab yeej ib txwm cuam tshuam txog cov kev ua koom txoos paj nruag, cov kev coj tej duab tso rau tej neeg saib, tej chaw qhia txog tej kab lis kev cai, cov kev sib tham, thiab ntau yam rau tej me nyuam yaus koom.

Nyem ntawm nod

kom thiaj txheeb tau tias seb ho tab tom ua ib co koom txoos NAIDOC dab tsi nyob ze ntawm koj.

NAIDOC tej koom txoos thiab tej NAIDOC Awards

Txawm tias lub limtiam NAIDOC Week yog ib lub koom txoos yeej ua thoob teb chaws no, los ib lub xyoo twg yeej muaj ib lub nroog twg ua tus tswv cuab tswj lub koom txoos NAIDOC Ball thiab muab tej khoom plig NAIDOC Awards rau tej neeg ua tau ib yam dab tsi zoo pab rau tej zejzog.

Thiab yeej muaj 10 yam khoom plig NAIDOC awards raws li hauv qab no:

Lifetime Achievement Award
Person of the Year
Female Elder of the Year
Male Elder of the Year
Caring for Country Award
Youth of the Year
Artist of the Year
Scholar of the Year
Apprentice of the Year

Koj muaj peev xwm txheeb tau tej neeg uas xub tau cov khoom plig no dhau los

ntawm nod

Keeb kwm NAIDOC

Lub chiv keeb ntawm limtiam NAIDOC Week ces yeej tau pib rau lub caij xyoo 1950s los lawm, tab sis kuj tau txais lub fwj chim los ntawm hnub Day of Mourning xyoo 1938 uas coob leej ntau tus lees paub tias yog ib co xwm txheej tseem ceeb thiab yeej tau txais kev txhawb nqa nthuav dav heev tias kom coj los ua ib lub koom txoo uas ua ib xyoos ib zaug twg.

Txij xyoo 1940 txog 1954 ntawd ces kuj tau ua hnub Day of Mourning rau hnub Sunday ua ntej yuav txog hnub Australia Day uas yeej ib txwm paub tias yog hnub Aborigines Day. Txawm li cas los txog xyoo 1955 ntawd ces kuj tau muab hloov los ua rau thawj hnub zwj Hnub ntawm lub 7 hli ntuj coj los ua lub tswv yim tawm tsam tsis yog ib hnub ua kev zoo siab; thiab yeej tseem muaj neeg coob heev xav tias hnub tim 26th lub 1 hlis ntuj yog hnub Day of Mourning, hnub Invasion Day los hnub Survival Day, uas yog tej yam qhia tias tsis yog txhua tus yuav pom zoo rau cov kev hloov hnub no.

Ces xyoo 1956 txuas ntxiv ntawd, hnub zwj Hnub (Sunday) ob ntawm lub 7 hli ntuj thiaj tau ras los ua ib hnub nco txog neeg txum tim Aboriginal ces thiaj tau ras los ua ib xo hnub teem ceeb rau lub limtiam NAIDOC Week (uas thaum ntawd yog NADOC) thiab thiaj tau siv cov hnub no los txog rau tam sim no lawm.

NADOC uas yog ib co ntawv luv sawv cev rau pawg rooj saib xyuas uas tswj tej koom txoos rau neeg txum tim Aboriginal hnub (National Aborigines Day Observance Committee -NADOC) ces yeej muaj tej tub koom siab uas yog neeg txum tim Aboriginal thiab tsis yog tej neeg txum tim no txog rau xyoo 1974, tab sis thawj xyoo uas tau teeb tsa pawg rooj saib xyuas no ces yeej yog Australia tej neeg txum tim Aboriginal tag nrho ua tus tswj xwb. Thiab kuj yog thawj xyoo uas tau muaj cov kev txiav txim siab tias tsim nyog yuav ua koom txoos kom txwm 1 limtiam kiag, thiab yeej ib txwm teev tias yog National Aborigines Week txij no mus txog rau xyoo 1989, thaum uas tau coj los lus tshiab NAIDOC Week coj los siv.

Txawm tias yeej tau muaj keeb kwm tau ntau caum xyoo rau lub limtiam NAIDOC Week los kuj tseem yog tej yam ua kev cov nyom rau ib txhia thiab, tsis hais ib txhia nom tswv zos los yog lwm cov tsoom fwv tej tuam chav yeej tsis pub tsa Australia tej neeg txum tim Aboriginal thiab Torres Strait Islander tej chij los yog ua tej koom txoos lees paub txog tej neeg txum tim lub teb chaws thiab tej coj (Acknowledgements of Country) uas yeej raug cej luam ntawm tej xov xwm tas mus li rau ntau xyoo tsis ntev los no.

Tsis tas li ntawd los yeej tau muaj ntau cov kev nqua hu rau lub caij ntau caum xyoo dhau los no kom lees paub lub limtiam NAIDOC Week tam li yob ib hnub so haiv (A national holiday) tab sis yeej tseem tsis tau ua tau li hais ntawd li.