Walk with us: 7 yam tsim nyog koj paub txog Australia cov keeb cag neeg.

Indigenous Australians los yog Australia cov keeb cag neeg yog cov neg Aboriginal thiab Torres Strait Islander tej xeeb leej xeeb ntxwv uas muaj txog li 3% ntawm tag nrho Australia cov pej xeem. Lawv yog teb chaws Australia thawj cov neeg txum tim tau tuaj nyob rau lub teb chaws Australia no tab sis peb sawv daws feem coob yeej tsis tshua paub dab tsi txog lawv li.

Welcome to our country Source: Walker books Australia and New Zealand

Ntawm no yog 7 yam muaj tseeb uas tsim nyog koj paub txog Australia cov keeb cag neeg (Australia’s First Peoples):

1. Tej kab lis kev cai yog cov qhia txog tus neeg lub cim thawj (Identity) vim nws tau yug loj hlob cob qhia thiab muaj feem koom nrog tej kab lis kev cai hom ntawd.

Source: SBS

Ib qho dab neeg tseem ceeb tshaj plaws txog cov kev yog neeg txum tim Aboriginal no ces tseem muaj neeg xav tias yog tus neeg ntawd muaj cov tawv nqaij dawb ces nws tsis yog Australia tej keeb cag neeg Aboriginal or Torres Strait Islander. 

Nyeem tau ntxiv ntawm nod.

2. Tek kab lis kev cai (Culture) yog cov qhia txog txoj kev ua lub neej ntawm ntau pawg neeg thiab raug qhia ntawm ib phaum txuas ntxiv rau phaum neeg tshiab.

Source: Getty Images

Yog li Australia cov keeb cag neeg Aboriginal thiab Torres Strait Islander tej kab lis kev cai thiaj yog cov muaj feem cuam tshuam txog lub teb chaws lawv nyob, muaj kev kub siab txog lawv tej zejzog thiab lawv tsev neeg.

Nyeem tau ntxiv ntawm no.

3. Xyoo 1901 uas tau teeb tsa teb chaws Australia ces Australia cov keeb cag neeg Aboriginal thiab Torres Strait Islander tseem tsis tau muaj cai los ua tau pej xeem Australia.

Documentary, Vote Yes For Aborigines celebrating its historical significance and contemporary relevance of the 1967 Referendum. Source: Australian Institute of Aboriginal and Torres Strait Islander Studies/Audio Visual Archive

Australia cov keeb cag neeg Aboriginal and Torres Strait Islander kuj tseem tsis muaj cai pov ntawv xaiv tsa nom tswv los yog tsis muaj cai tau txais kev pab cuam xws li cov nyiaj laus thaum so tsis ua hauj lwm, los yog muaj cai so rau lub caij yug me nyuam tshiab los txog rau thaum yav lig rau lub caij xyoo 1960s thiaj muaj cai tau txais tej txiaj ntsim no lawm xwb.

Nyeem tau ntxiv ntawd no.

4. Cov kev cai ‘Dreaming’ or ‘Dreamtime’ uas yog Australia cov keeb cag neeg Aboriginal and Torres Strait Islander tej kev ntseeg tias lawv tej poj koob yawm koob yog tus tsim txhua tsav txhua yam thiaj muaj lawv tshwm sim ua ib nyeej keeb haiv neeg.

Source: NITV

Yog tham txog cov neeg Aboriginal lawm ces cov kev cai 'Npau suav', ‘Dreaming’ tseem yog ib co dab neeg nram ntej ub uas tseem tsis tau muaj neeg paub zoo txog pes tsawg.

Lub koom haum ShareOurPride tau hais tias " Yog ib cov kev cai qhia txog peb cov neeg Aboriginal txoj kev sib cuag mus los nrog peb tej ntsuj plig thiab nrog txhua tsav yam nyob ib puag ncig ntawm peb los yog tej yam uas peb xam tsis pom paub tsis txog ntawd. Cov dab neeg npau suav no tsis yog qhia txog yav tag los xwb tab sis yog cov kev ntseeg tias tswv ntuj yog tus tsim txhua yam uas peb tsis muaj peev xwm yuav totaub thiab paub txog uas tshwm sim rau peb thiab muaj nuj nqis rau txhua yam ntawm peb cov kev ua lub neej."

5. Cov lus yog ib cov qhia tau lub cim thawj ntawm ib pawg neeg Aboriginal and Torres Strait Islander tias lawv yog pawg neeg twg thiab lawv tuaj qhov twg tuaj.

Angelina Joshua keeping the language alive at the Ngukurr Language Centre (Photo by Elise Derwin for SBS) Source: Photo by Elise Derwin for SBS

Australia tej keeb cag neeg muaj lus siv txog li ntawm 270 hom sib txawv thiab coj ntau yam kev cai dab qhuas sib txawv rau lub caij uas cov neeg European xub tuaj txog thawm zaug hauv teb chaws Australia no. Niaj hnub niam no, tsuas muaj Australia cov keeb cag neeg Aboriginal and Torres Strait Islander cov lus txog li 145 hom thiaj tseem siv hauv teb chaws Australia no lawm xwb, thiab muaj 18 hom thiaj yog cov tseem niaj hnub siv thiab thiaj muaj txhua tus neeg Indigenous tsis hais laus los hluas tseem siv lawm xwb.

Nyeem tau ntxiv ntawm no. 

6. Cov neeg Aboriginal and Torres Strait Islander yog cov neeg yeej muaj kev sib cuag mus los thiab muaj feem koom nrog lub teb chaws Australia no los ntev tsis hais yog lawv naim los yog lawv txiv caj ceg los sis lawv lub xeem los yog cov lus lawv hais ntawm ntau pawg neeg ntawd.

Source: NITV

Professor Mick Dobson AM hais tias "Yog thaum peb tham txog lub teb chaws lawm, ces tej zaum kuj yuav txhais tau tias peb kuj yuav tham txog thaj chaw uas ib pawg neeg nyob, tham txog pawg neeg, tham txog lawv lub xeem, uas tseem cuam tshuam txog lwm yam thiab tsis yog thaj chaw ntawd nkaus xwb; teb zaum kuj tsis yog peb tham txog ib thaj chaw xwb tab sis yog peb tham txog tag nrho lub teb chaws ntawd."

Nyeem tau ntxiv ntawm no.

7. Australia cov keeb cag neeg Aboriginal and Torres Strait Islander yeej tau tsim tsa ib co hauv kev zoo heev coj los tswj tej peev txheej ntawm lub teb chaws no kom siv tau kav ntev txuas ntxiv rau yav tom ntej.

Source: Supplied - NITV

Yeej muaj cov kev qhia meej tseeb kiag tias pawg neeg twg nyob rau thaj chaw twg muaj cai siv thiab tswj tej peev txheej ntawm thaj av ntawd tias yuav siv li cas, tsis tas li no tseem tau muaj tej tswv yim no sau teev tseg rau cov art, tej dab neeg, tej nkauj thiab cov kev seev cev tib si.

Cassandra Lawton uas yog ib tug poj niam ntawm cov keeb cag neeg Gungarri nyob sab qab teb hnub poob ntawm xeev Queensland tau hais tias "Yeej muaj tej laus ib txwm cob qhia kuv thaum yau txog thaum kuv loj hlob tias peb yeej muaj kev sib cuag tau mus los nrog lub teb chaws peb nyob, thiab lub teb chaws uas peb nyob no tsis yog peb tug."

Nyeem tau ntxiv ntawm no.

Nyeem thiab mloog tau Australia cov keeb cag neeg tej dab neeg tau ntawm no:

Siv cov lus thiab kab lis kev cai los qhia txog Australia cov keeb cag neeg lub cim thawj:

Siv Australia cov keeb cag neeg cov kev kho mob coj los pab cov kev kho mob tiam tshiab:

Cov kev sib kho kom muaj kev sib haum xeeb rau Australia cov keeb cag neeg thiab cov neeg tuaj nyob rau teb chaws Australia:

Australia tej keeb cag neeg cov lagluam:

Cov kws kho mob neeg txum tim:

Australia cov neeg txum tim siv hnub qub los qhia kev los yog coj kev thaum tawm rooj mus kev deb:

Yuav npaj koj tus kheej li cas thaum mus ntsib thiab nrog Australia cov keeb cag neeg tham ua thawj zaug:

Tswv yim coj los pab kom Australia cov keeb cag neeg tej hluas txhob ua txhaum cai thiab txhob raug txim:

Vim li cas Australia cov keeb cag neeg thiaj xav kom muab hnub Australia Day uas yog tim 26 lub 2 hlis ntuj hloov rau lwm hnub?

Lub plua (Limtiam-week) National Reconciliation Week qhia txog keeb kwm ntawm Australia tej keeb cag neeg:

Cov kev sib tham sib txuas lus nrog Australia cov keeb cag neeg kom lawv mloog tau tias tej neeg tuaj nyob rau lub teb chaws Australia no yog ib feem ntawm lub teb chaws no:

Koj ne ho paub txog Australia tej keeb cag neeg zoo npaum li cas?

Listen more news in Hmong and English at SBS Radio Hmong Program on www.sbs.com.au/hmong  Thursday at 6pm AEDT-Australian Eastern Standard Time and Sunday at 11 am AEDT.

You can download  SBS Radio App from App Store at https://apple.co/2pLgvCX  and from Google Play at http://bit.ly/2GuIRv or you can download podcasts news in Hmong and English from www.sbs.com.au/podcasts/yourlanguage/hmong.

Besides, you can follow us, click like, share and comments at #SBSHmong website at www.facebook.com/sbshmong.

Call to have a chat with SBS Radio Hmong Program on + 61 3 9949 2259 or sent your comments to [e-mail].