Ntsiab lus tseem ceeb:
- Australia lub txhab nyiaj faj seeb haiv (Reserve Bank of Australia left Australia) tus kab theem paj tseem nyob ntawm 4.35% rau hnub zwj Quag (Tuesday) tim 08.05.2024.
- Raws li lub koom haum Finder txheeb tau ces muaj 41 feem pua ntawm tej neeg Australia uas qev nyiaj los yuav tsev tau tsis tshua muaj peev xwm them tau lawv tej nqe yuav tsev rau lub 6 hli ntuj xyoo 2023.
- Hos muaj cov xub ke twg pab tej neeg tsis tshua muaj peev xwm them tej nqe yuav tsev no?
Nyob rau lub caij uas tej nuj nqes siv ua lub neej kim zuj zus tuaj no, muaj neeg Australia coob zujzus mloog tau tias lawv yuav tau them tej nqe yuav tsev kim tuaj ntxiv lawm thiab.
Hnub zwj Quag (Tuesday tim 08.05.2024) ces ntawm 4.35%.
Txawm tias cov kev cheem tsis nce kab theem paj no yog tej yam zoo los yeej tseem pom coob leej ntau tus neeg qev nyiaj yuav tsev tsis tshua muaj peev xwm them tau tej nqe yuav tsev thiab.
Raws li tau muaj ib co kev teeb txheeb tshiab ntawm lub tuam txhab Roy Morgan ces kuj tau txheeb tau tias muaj tej neeg qev nyiaj yuav tsev txog li ntawm 1.43 million tus 'yuav ntsib teeb meem' tsis tshua muaj peev xwm them nqe yuav tsev txog rau lub 5 hlis ntuj xyoo 2023.
Ua yog muaj tej neeg qev nyiaj yuav tsev coob tshaj plaws uas tej zaum tsis tshua muaj peev xwm them tej nqe yuav tsev txoj lub 5 hlis ntuj xyoo 2008 los no.
Thiab raws li lub koom haum Finder tej xov xwm Consumer Sentiment Tracker ces kuj pom tias 41 feem pua ntawm Australia cov neeg qev nyiaj yuav tsev - los sis muaj yuav laug txog li 1.35 million yim neeg - tsis tshua muaj peev xwm them tej nyiaj qev los yuav tsev rau lub 6 hli ntuj xyoo 2023.
The RBA has put Australia's official interest rate on hold at 4.1 per cent. Source: SBS
Tsim nyog kuv ua dab tsi yog kuv tab tom tsis tshua muaj peev xwm them nqe yuav tsev?
Muaj ntau txoj xub ke koj muaj peev xwm ua tau.
Raws li Noel Duffin uas yog ib tug neeg sab laj txog nyiaj txiaj ntawm lub koom haum Salvation Army hais ces tsim nyog tej neeg muaj teeb meem nyiaj txiaj tsis txaus siv yuav tsum tau los txheeb txog lawv cov kev siv nyiaj kom thiaj li nkag siab tias lawv siv nyiaj zoo li cas lawm.
Duffin hais tias yog yus pheej tsis tshua tau nyiaj txaus siv, ces xav kom yus nrhiav kev pab cuam kom sai npaum li sau tau.
Kav tsij kub siab sab laj nrog yus lub txhab nyiaj kom ntxov npaum li qhov yus muaj peev xwm ua tau rau thaum yus tsis tshua muaj peev xwm them, los yog thaum yus tsis tshua muaj nyiaj txaus siv, los yog thaum yus muaj kev txhawj xeeb txog nyiaj txiaj tas mus li, thaum nod ces yog lub caij uas tsim nyog yus nrhiav kev pab cuam. Nod yog ib co kev tawv tswv yim uas kuv muaj peev xwm qhia rau tej neeg, kom kav tsij nrhiav kev pab cuam thaum tseem ntxov - vim yeej muaj tej kev pab cuam rau yus, thiab yeej tau siv tej kev pab cuam no dawb xwb.Noel Duffin, a financial counsellor at Salvation Army.
Paul Bowley uas yog ib tug neeg sab laj txog nyiaj txiaj ntawm lub koom haum Consumer Action Law Centre thiab National Debt Helpline tau hais tias yog tej yam tseem ceeb heev uas yuav tau nrog yus lub txhab nyiaj thiab nrog tej neeg sab laj txog nyiaj txiaj no tham kom sai npaum li sai tau.
Yog tias koj pheej cia muaj cov xwm txheej tsis tshua muaj peev xwm them nqe yuav tsev no ntev npaum li cas, ces yuav ua rau koj muaj tej xub ke pab tsawg zujzus rau koj. Qee txoj xub kev yuav pab tau yus ces seb tej zaum ho puas rub lub sij hawm them kom ntev zog kom yus ho tau them nqe pheej yig zog, los sis seb puas ho hloov tej nyiaj yus qev los yuav tsev ntawd hloov ua cov nyiaj qev uas tsuas them paj nkaus xwb rau ib lub caij twg, los sis yog tsuas them kom tsawg kawg nkaus raws li qhov yus muaj peev xwm them rau ib lub hlis twg xwb, los yog ho siv tej nyiaj ntawm yus phau redraw account yog tias yus ho khaws tau me ntsis.Paul Bowley, a financial counsellor at Consumer Law Centre and National Debt Helpline.
Tsis tas li ntawd los Bowley kuj qhia kom txheeb tsoom fwv tej kev pab cuam kom yus tau them lwm yam nqe ib nyuag tsawg zog li tej nyiaj pab them ntau yam nqe unitility relief grants.
Thiab nws tsis xav kom yus mus qev nyiaj rau yus ntiag tug siv los yog siv credit card coj los pab kom tau nyiaj siv.
Yog tias koj twb poob rau theem uas pheej yuav tos credit card siv thiab qev nyiaj ntiag tug siv, los yog tej teeb meem phom sij cuam tshuam txog cov kev yuav khoom siv tam sim no mam them rov qab kom thiaj tau nyiaj los siv them ntau yam nqes ntawm ib hnub rau ib hnub xwb...ces koj ntsib teeb meem lawm.Paul Bowley, a financial counsellor at Consumer Law Centre and National Debt Helpline.
Ib tug neeg sab laj txog nyiaj txiaj (financial counsellor) ho ua dab tsi xwb?
Tej koom haum zejzog yeej muaj cov kev sab laj txog nyiaj txiaj yeej yog ib cov kev pab cuam dawb thiab yuav tsis muab tej xov xwm no mus qhia rau ib tug twg rau sawv daws siv.
Lawv yog tus yuav tawm tswv yim thiab sab laj txog nyiaj txiaj, pab mus sib khom nrog tej chaw qev nyiaj, thiab xa yus mus thov tej kev pab cuam uas tej zaum yus xav siv.
Duffin thiaj taw qhia rau ib tug twg uas yog tsis tshua muaj peev xwm them tau tej nqe yuav tsev kom kav tsij sab laj nrog ib tug neeg sab laj txog nyiaj txiaj.
Tus neeg paub sab laj txog nyiaj txiaj yuav txheeb ib tug neeg twg tej peev txheej tej nuj nqes thiab yuav pab kom tus neeg ntawd nkag siab txog tias nws poob rau cov xwm txheej siv nyiaj zoo li cas. Thaum paub qhov tseeb lawm ces mam li los txheeb tias seb ho muaj txoj xub ke twg rau tus neeg ntawd ua li cas ntxiv.Noel Duffin, a financial counsellor at Salvation Army.
Nws hais tias yeej muaj tej neeg coob heev yeej tsis thov kev sab laj kom tau txais kev pab cuam thaum tseem ntxov seb yuav ua li cas rau cov kev them tej nqe yuav tsev.
Duffin tau hais tias "Kuv xav kom tej neeg kav tsij kub siab mus thov kev pab cuam thaum tseem ntxov, tab sis yog tej yam tsis muaj hmoo uas yeej tseem pom tej neeg coob heev mus thov kev pab cuam lig zog lawm thiab.''
Thiaj yeej muaj peev xwm sab laj nrog tej neeg sab laj txog nyiaj txiaj (Financial counsellors) tau ntawm ntau cov kev pab cuam ntawm tej koom haum National Debt Helpline thiab Moneycare.
Kuv lub txhab nyiaj muaj peev xwm ua tau dab tsi yog tias kuv tsis tshua muaj peev xwm them tej nqe yuav tsev?
Cov kev mus ntsib koj lub txhab nyiaj yog thawj yam ntawm ntau yam uas tsim nyog yus ua yog tias yus tsis tshua muaj peev xwm them tej nqe no rov qab.
Tau muaj ib tug kis ntawm lub koom haum sawv cev rau Australia tej txhab nyiaj (Australian Banking Association -ABA) tau hais tias tej txhab nyiaj ''yeej paub zoo'' txog tej teeb meem nyuaj ntau yam uas lawv tej customers tau ntsib los ntev tom qab tau nce kab theem paj 12 zaug.
Tej txhab nyiaj yeej txhawb nqa kom tsis hais ib tug customer twg li yog txom nyem nyiaj txiaj ces xav kom thov cov kev pab cuam ntawm tej txhab nyiaj kom ntxov npaum li ntxov tau. Tsis tas li ntawd los tej neeg ua hauj lwm pab lwm tus ntawm tej txhab nyiaj los kuj kub siab heev xav nrog tej customers uas yuav ntsib tej teeb meem no tham thiab. ABA yeej txhawb nqa kom tej txhab nyiaj tej customers uas muaj kev txhawj xeeb txog lawv tej kev siv nyiaj yuav tau mus nrhiav seb hom kev siv nyiaj twg haum thiab siv rau lawv zoo dua.Spokesperson of Australian Banking Association.
Philip Lowe uas yog tus coj Australia lub txhab nyiaj faj seeb haiv dhau los tau hais tias cov kev xyuas kom tej kab theem paj nyob tus yuav pab kom nws pawg tswj muaj sij hawm ntau los txheeb seb tej lagluam zoo li cas lawm. Source: AAP / Dan Himbrechts
Yog tias yus lub txhab nyiaj tsis pub yus siv cov kev pab cuam hardship variation (cov kev pab rau lub caij yus txom nyem) ces lawv yuav tsum tau qhia rau yus tias yog vim li cas thiaj tsis pub yus siv.
Thiab Duffin yeej hais tias tej txhab nyiaj lub tuam chav pab tej neeg txom nyem yeej ib txwm muaj cov kev pab tej neeg no ntau lub hli.
Yeej muaj ntau yam lawj thawj sib txawv ua rau tej neeg yeej txom nyem rau ib lub caij twg, thiab (tej txhab nyiaj) los yeej nkag siab zoo txog tej no, yog li ntawd ces lawv thiaj yuav muaj ib co kev pab cuam ib ntus pab rau ib txhia customers rau lub caij li ntawm 3 hlis txog 6 hli, los sis yog ntev tshaj ntawv tsuas nyob rau ntawm seb tus customer ntawd ho poob rau cov xwm txheej zoo li cas xwb.Noel Duffin, a financial counsellor at Salvation Army.
Tej no puas yuav muaj feem cuam tshuam rau yus tej keeb kwm siv nyiaj (Credit score)?
Bowley hais tias cov kev tsis muaj peev xwm them tej nqe yuav tsev los yog cov kev npaj tias seb muaj kev pab li cas rau lub caij yus txom nyem nyiaj txiaj no yeej yuav raug teev nrog yus tej credit score.
Yog yus pheej cia muaj tej xwm txheej no ntev npaum li cas, ces haj yam yuav ras los ua ib co xwm txheej phem tshaj qub ntxiv xwb ... txij kiag thaum yus tsis muaj peev xwm them tej nqe no rov qab lawm ces yeej yuav raug teev rau hauv yus cov credit score rau lub caij 2 xyoos. Thiab txawm tias yus tau npaj thiab thov cov kev pab cuam los yeej yuav muab tej xwm txheej no teev zwm cia nrog yus cov credit score rau lub sij hawm 1 xyoos thiab.Paul Bowley, a financial counsellor at Consumer Law Centre and National Debt Helpline.
Txawm li cas los tej xwm txheej no yeej tsis muaj peev xwm cheem tau yus cov kev qev nyiaj siv rau yav pem suab thaum yus rov qab khwv tau nyiaj tus li qub lawm.
Tsis yog tias yus lub npe yuav raug teev nrog cov kev tsis muaj peev xwm them tej nyiaj qev los siv, tab sis tom qab ib lub xyoos uas yus thov cov kev pab cuam pab rau yus rau lub caij txom nyem uas tsis muaj peev xwm them tej nqe yuav tsev rov qab ntawd kuj rau muab tshem tawm lawm thiab. Txawm tias yuav muaj lwm tus saib tej xov xwm ntawd los kuj tsis yog tej yam uas rau yus ntshai tias tsam lawm tus yuav ntaus nqe tsis zoo rau yus li cas. Vim qhov tseeb ces yeej tseem muaj tej neeg coob heev txom nyem heev tam sim no, thiab tsis yog yus tib leeg thiaj poob rau tej xwm txheej no nkaus xwb, yog li cov program pab rau lub caij yus txom nyem thiaj yog tej yam tsim nyog siv dua tej ib txwm siv dhau los.Paul Bowley, a financial counsellor at Consumer Law Centre and National Debt Helpline.
READ MORE
Hom nyiaj qev yuav tsev
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
