Ntsiab lus tseem ceeb:
- Raws li lub koom haum Australian Financial Complaints Authority qhia ces muaj tej xwm txheej tej neeg raug neeg phem ntxias dag ntau tuaj ntxiv txog 46 feem pua rau financial year dhau los lawm.
- Lub koom haum no tau txheeb tej teeb meem no tshaj li 6,000 cov.
- Thiab muaj tej neeg uas siv nyiaj txiaj yog cov muaj ntau txog li 34 feem pua rau lub sij hawm 1 xyoos dhau los no thiab muaj tej teeb meem no ntau tshaj plaws txog 97,000 cov diam.
Tau muaj tej xwm txheej tej neeg raug neeg phem dag ntau tuaj ntxiv txog 46 feem pua rau financial year dhau los lawm raws li lub koom haum
Australian Financial Complaints Authority (AFCA) qhia, ces nws twb tau nrog daws tej teeb meem no tshaj 6,000 zaug lawm.
David Locke uas yog lub koom haum no tus coj tau hais tias tau muaj tej neeg uas qev nyiaj siav raug neeg phem dag ntau heev lawm, uas yog tau muaj ntau ntxiv tuaj txog li 34 feem pua rau lub sij hawm 1 xyoo los no, thiab muaj tej teeb meem no txog li 97,000 cov diam.
Locke tau hais tias “Peb yeej tau pom kiag lawm tias tej kev ntxias dag txhaum cai uas sib chab sib chaws no tau ua rau muaj teeb meem loj kawg nkaus rau tej neeg txoj kev ua lub neej."
“Thiab kuj ua rau peb zoo siab tias tej txhab nyiaj los kuj tau pib los ua ntau yam los tawm tsam nrog cov kev ntxias dag no, tab sis peb yeej xav kom tej tuam txhab no npaj kom muaj tej tswv yim zoo coj los siv txhua nrho rau tej lagluam no thiab."
Locke tau hais tias tsoom fwv cov kev thov los tsim cov cai codes of practice coj los daws cov teeb meem ntxias dag lwm tus no kuj yog tej yam zoo thiab.
“AFCA ntseeg tias xav kom yuav tsum tau los tswj, thiab los nrog tiv thaiv thiab daws tej teeb meem ntxias dag no. Tej no los kuj yuav pab tau tej hauj lwm peb ua thiab."
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, thiab los yog download thiab
kom koj mloog tau SBS Hmong.
Ua ke no los lub koom haum National Anti-Scam Centre kuj txheeb tau tias muaj cov loyalty program ntxias dag tej neeg ntau heev tuaj ntxiv txog li 209 cov xwm txheej, uas tej neeg tau qhia rau lub koom haum Scamwatch paub rau lub sij hawm plaub hlis dhau los no lawm thiab.
Ces thiaj tau muaj cov kev nqua hu kom tej neeg yuav tau ceev faj txog tej tuam txhab yus tsis paub uas pheej xa tej text messages los yog email tuaj rau yus tias yus cov loyalty points tag caij siv lawm.
Lub koom haum Australian Competition and Consumer Commission (ACCC) uas yog tus tswj lub koom haum no hais tias, tej text messages thiab tej email ces pheej muaj ib co links coj yus mus rau cov websites cuav uas pheej hais kom tej customers log in thiab qhia lawv tej credit card mas thiaj siv tau cov loyalty points.
Txuas ntxiv ntawd ces tej neeg phem no mam nyiag tej customers tej loyalty points nrog rau lawv tej xov xwm siv log in, thiab tej neeg tej xov xwm ntiag tug uas lawv muaj peev xwm coj tej xov xwm no mus siv ntawm lwm cov platforms thiab ua txoj dag tias yog yus no.
Thiab tej teeb meem feem ntau uas tej neeg qhia rau lub koom haum Scamwatch ces yog cuam tshuam txog cov Qantas Frequent Flyer, Telstra thiab cov Coles loyalty programs.
Nod yog tej uas tsim nyog koj paub kom thiaj tsis txhob raug neeg phem dag.
Yuav lug li cas kom txhob raug dag thiab tsis txhob poob nyiaj rau cov kev nqes peev ua luam
Raws li ACCC qhia ces cov investment scams yog cov xwm txheej uas ua rau tej neeg Australia poob nyiaj ntau tshaj plaws thiab twb pob nyiaj tshaj li $1.5 billion lawm.
Justin Untersteiner uas yog tus coj chief operating officer (COO) ntawm lub koom haum AFCA hais tias tej no yog cov uas ib tug consumer twg yuav raug dag kom them nyiaj rau lwm tus, ''uas feem ntau mas yog nqes peev rau tej chaw muag cryptocurrency (crypto exchange) ib qho twg, los yog ntawm ib lub vas sab twg uas tej neeg dag tsim kom zoo li cov website nqes peev lagluam tiag."
Nws yeej tau qhia tias yeej muaj neeg tau mus yws tias muaj tej kev ntxias dag no ntau tuaj ntxiv lawm, thiab yeej pom tias cov kev ntxias dag tej neeg ntau ntxiv tuaj ntev rau tom ntej no yog ib co teeb meem uas ''txaus txhawj xeeb heev.''
Cassandra Cross yog ib tug zes kais theem qes (Associate Professor) uas paub zoo txog cai lij choj ntawm tsev kawm qib siab Queensland University of Technology thiab kuj yog ib tug teeb txheeb txog cov kev ntxias dag.
Nws tau qhia rau SBS News tias Bitcoin thiab lwm yam cryptocurrencies yog tej uas tej neeg nyiam heev vim ''yog tej yam tshiab'', ces thiaj ua rau tej neeg raug dag.
"Rau qhov muaj neeg kub siab heev txog Bitcoin thiab yeej muaj ntau yam dab neeg qhia txog tej neeg uas nqes peev tias yeej tau nyiaj ntau heev thiab. Tej zaum xyov tseeb los cuav, tab sis tej neeg yeej tau hnov txog tej no, thiab yeej xav tias xav kom yog lawv thiab."
"Tsis tas li ntawd los tej neeg yeej tsis paub dab tsi txog tej crypto no los yog yeej tsis paub tias leej twg yog leej twg li thiab. Cov kev tsis paub no thiaj ua rau tau txais txiaj ntsim zoo rau tej neeg phem."
Muaj cov kev raug dag cuam tshuam txog kev hlub thiab plees nkauj nraug ntau tuaj ntxiv lawm
Cross hais tias lwm cov kev dab uas muaj ntau tuaj ntxiv thiab ua rau tej neeg raug teeb meem yog cov 'romance scams'.
Tej neeg phem tab tom ''siv tej tswv yim uas ib txwm siv los ua txoj tsim kom muaj kev sib raug zoo nrog ib tug twg kom thiaj dag tau nyiaj ntawm lawv."
Nws tau hais tias tej neeg phem tej tom txwv ces yog pheej hais kom yus nqe peev nyiaj txiaj rau tej bitcoin los yog tej cryptocurrencies, uas yuav tau xa nyiaj ncaj qha mus rau lawv.
"Ces lawv thiaj ua txoj tswj tej xwm txheej no tias yog ib lub cib fim zoo rau cov kev nqes peev tsim kev sib raug zoo (kev nkauj nraug) thiab yog ib cov kev nqes peev rau yav pem suab, ces tej no thiaj ua rau muaj teeb meem rau peb tej xo uas siv coj los tiv thaiv kom tej neeg tsis txhob raug neeg phem dag tam sim no.
"Yog tias thaum koj muaj kev sib raug zoo nrog ib tug twg thiab lawv pheej hais kom nqes peev rau ib yam dab tsi, ces twb yog ib co kev ceeb toom rau yus lawm, tab sis yus pheej xav tias tej zaum yeej yog ib cov cib fim nqes peev tseeb tiag."
Nws tau hais tias tej xo tawm tsam nrog cov kev ntxias dag li ''tsis txhob xa nyiaj rau tej neeg koj nyuam qhuav ntsib los yog tsis paub'' no yeej siv tsis tau hauj lwm rau tej xwm txheej no li.
Ceev faj txog tej text message uas lwm tus lam xa tuaj rau yus
Ib lub tswv yim uas tej neeg phem siv ces yog pheej xa tej text messages ua txoj dag tias yog xa ntawm ib lub txhab nyiaj tuaj los yog xa ntawm Australia lub tuam chav sau se (Australian Tax Office - ATO) tuaj qhia yus tias muaj teeb meem rau yus phau account thiab yuav kom yus xa nyiaj rau lawv.
Untersteiner tau hais tias "Txawm tias tsab xo (text message) ntawd zoo li tseeb npaum li cas - los tsis txhob nyem rau hlo li."
"Muaj qee zaus ces yog peb tham txog cov kev dag lwm tus no ces tej zaum peb kuj xam tias tsis yog tej yam dab tsi tseem ceeb thiab. Vim tej neeg phem uas siv nyiaj txiaj txhaum cai no yeej txhob txwm ua kom sawv daws pom tias zoo li lawv yeej tshwm txhua txhia qhov chaw thiab, uas yog lawv ib co tswv yim lagluam uas npaj coj los dag yus."
Untersteiner tau hais tias tej neeg phem yeej muaj peev xwm xa tej xo (texts) los yog tej xo ua suab (voice message) uas zoo li yog tiag tuaj rau yus thiab, tab sis lub koom haum Australian Financial Complaints Authority (AFCA) yeej taw qhia kom peb hu ncaj qha mus nrog peb tej tuam txhab nyiaj tham, thiab tsis txhob teb tej text message los yog tsis txhob qhia peb tej xov xwm ntiag tug.
Yuav thov kev pab cuam li cas yog tias yus raug dag lawm
Untersteiner tau qhia tias "yeej muaj tej neeg uas raug neeg phem dag coob heev tsis qhia tej xwm txheej no rau nom tswv paub'' ntawm Australia thiab tej koom haum yeej ntseeg tias tseem muaj tej teeb meem no nthuav dav tshaj tej uas muaj pov thawj qhia tau lawm thiab.
"Tej neeg yeej ib txwm txaj muag heev thiab lawv yeej qhia rau kuv tias lawv yeej tsis qhia tej xwm txheej no rau lawv tej phooj ywg, los yog yeej tsis tau qhia rau lawv tsev neeg paub li, thiab yeej tsis tau ua ib yam dab tsi los daws tej teeb meem no li, vim lawv txaj muag heev li."
Nws tau hais tias thawj kauj ruam yuav tau ua ces yus kiag tam sim ntawd mus nrog yus lub txhab nyiaj tham, vim tej zaum lawv yuav yog tus muaj peev xwm cheem tau ib co kev them nyiaj twg.
Ntxiv ntawd ces xav kom hu nrog lub koom haum AFCA thiab ACCC tham.
Tsis ntev los no ces tsoom fwv teb chaws yeej tau npaj nyiaj ntau tshaj $86 million ntawm nws cov nyiaj puag xyoo (federal budget) los tsim haiv neeg no lub chaw tawm tsam nrog cov kev ntxias dag lwm tus no (National Anti-Scams Centre).
Thiab lub chaw no tau pib khiav hauj lwm rau thaum ntxov lub 7 hli ntuj no lawm. Tsis tas li ntawd los lub koom haum ACCC kuj yog tus tswj lub koom haum no, thiab kuj tau koom tes nrog tsoom fwv lwm cov tuam chav, tej txhab nyiaj, tej tuam txhab muag xov tooj thiab muag internet rau tej neeg siv, thiab tej online platforms los tawm tsam thiab tiv thaiv kom tej neeg tsis txhob raug neeg phem dag.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
