Australia tej tuam txhab ya dav hlau thiab tej tsav dav hlau zoo thiab phem tshaj plaws

Puas yog koj tab tom npaj yuav mus ncig ntawm teb chaws no? Tej zaum ntshe koj yuav tau txheeb xyuas cov list no ua ntej tso.

The overall performance of Australian airlines dropped in February 2024, compared to the same time last year. Source: AAP / Nikki Short

Yog koj xav tias Australia tej tuam txhab yav dav hlau siv tsis tshua tau zoo raws li siab xav ces koj xav yog lawm.

Raws li tsoom fwv lub tuam chav teeb txheeb txog cov kev ncig mus los thiab tej haus paus txhim kho Bureau of Infrastructure and Transport Research Economics (BITRE) tau cej luam nws tej xov xwm tshiab lub hlis dhau los ces muaj Australia tej fij dav hlau yuav laug txog li ntawm 25 feem pua uas ya ntawm teb chaws no lub 2 hlis ntuj ces yeej tuaj txog/mus txog los yog ya tawm qeeb dua cov zauv feem puas nrab uas tau kwv yees tseg ntev tom ntej no, yog piv rau lub 2 hlis ntuj xyoo 2023 ces tsuas muaj cov feem puas ya tuaj txog/mus txog tshaj 16 feem pua thiab ya tawm tshaj 17 feem pua xwb.

Tsis tas li ntawd los kuj muaj cov kev ncua/cancellations ntau tuaj ntxiv tas mus li lawm thiab.

Lub ob hlis ntuj ces yeej muaj tej fij dav hlau uas ya ntawm lub teb chaws no txog li 4 feem pua raug muab ncua tsis ya lawm - uas tseem raug ncua ntau tshaj 0.4 feem pua ntau tshaj tej raug ncua rau tib lub caij tsaib no thiab muaj cov feem pua no yuav laug txog li 2 npaug ntawm tus zauv feem pua nrab kwv yees ntev ntxiv tias yuav raug ncua txog li 2.2 feem pua diam.

Tej tuam txhab yav dav hlau uas ya tawm/mus txog/tuaj txog raws sij hawm zoo tshaj plaws (thiab phem tshaj plaws)

Raws li lub koom haum BITRS cej luam ces Bonza yog lub tuam txhab muaj cov feem pua tshaj 81 feem pua uas ya cov faj dav hlau ua tau tej hauj lwm no zoo tshaj plaws tsis hais yog tuaj txog/mus txog thiab ya tawm raws sij hawm rau lub 2 hlis ntuj (2024).

Jetsatar yog lub tuam txab yav dav hlau zum ob uas mus txog/tuaj txog chaw raws sij hawm tshaj 76 feem puas ntxiv ntawd ces yog lub tuam txhab QantasLink uas tau cov zauv feem pua ntau tshaj 74.

Tej neeg uas siv Virgin Australia Regional Airlines yog cov uas mus txog lig tshaj sij hawm teev tseg, thiab tsuas tau cov zauv feem pua tshaj 69 feem pua rau lawv cov fij dav hlau uas ya mus txog raws sij hawm xwb.

Bonza yog lub tuam txhab ya cov fij dav hlau uas tau cov feem pua mus txog raws sij hawm tshaj plaws rau lub 2 hlis ntuj (2024). Source: SBS

Rex Airlines yog lub tuam txhab yav cov fij dav hlau tawm raws raws sij hawm ua zum ob (tau cov zauv feem pua tshaj 76.3), ntxiv ntawd ces yog Skytrans uas ya cov fij dav hlau ntawm Cape York thiab Torress Strait ntawm Far North Queensland uas tau 76.1 feem pua.

Virgin Australia Regional Airlines ces kuj rov qab yog lub tuam txhab yav dav hlau uas tau cov zauv feem pua 65.6 uas ya cov fij dav hlau tawm raws sij hawm tsawg tshaj plaws.

Bonza tau cov zauv feem puas siab tshaj plaws rau cov kev yav cov fij dav hlau tawm raws sij hawm rau lub ob hlis ntuj (2024). Source: SBS

Qantaslink ces yog lub tuam txhab ya cov fij dav hlau uas ncua cov fij dav hlau ntau tshaj plaws txog li (6.8 feem pua) rau lub 2 hlis ntuj, ntxiv ntawd ces yog Skytrans (4.9 feem pua) thiab Qantas (4.3 feem pua).

Rex Airlines ces yog lub tuam txhab yav dav hlau uas ncua cov fij dav hlau tsawg tshaj plaws (2.1 feem pua), ntxiv ntawd ces yog Bonza (2.5 feem pua), thiab Jetstar (2.6 feem pua).

QantasLink had the highest percentage of cancelled flights in February. Source: SBS

Tej tshav dav hlau uas muaj tej fij dav hlau ya mus txog raws sij hawm tshaj plaws/thiab tsis raws sij hawm tshaj plaws

Tag nrho 3 feem 4 (75.6 feem pua) ntawm tej fij dav hlau uas ya mus rau Hobart thiab Canberra ces yog cov fij dav hlau uas mus txog raws sij hawm tshaj plaws.

Hos cov nroog li Adelaide ces tau cov zauv feem pua ya mus txog raws sij hawm tshaj plaws (73.6 feem pua) Brisbane (73.4 feem pua) thiab Syndey (71.6 feem pua) ntawm 5 lub tuam txhab ya cov fij dav hlau mus txog raws sij hawm tshaj plaws.

Melbourne ces yog lub nroog uas cov fij dav hlau ya tuaj txog/mus txog tsis raws sij hawm tshaj plaws txog li 68.6 feem pua, ntxiv ntawd ces yog Darwin (69.2 feem pua) thiab Perth (69.6 feem pua).

Canberra thiab Hobart tej tshav dav hlau ces yog ob lub tshav dav hlau uas tau cov zauv feem pua uas tej fij dav hlau ya mus tsaws/mus txog raws sij hawm tshaj plaws rau lub 2 hlis ntuj (2024). Source: SBS

Yog tham txog tej fij dav hlau uas ya tawm ntawd ces, Adelaide yog lub nroog uas tau cov zauv feem pua uas muaj lub tsav dav hlau uas tej faj dav hlau ya tawm raws sij hawm tshaj plaws txog li 76.1 rau lub 2 hlis ntuj.

Ntxiv ntawd ces yog Brisbane (76 feem pua) thiab Canberra (75.3 feem pua).

Darwin thiab Hobart ces yog ob lub nroog uas muaj cov fij dav hlau uas ya tawm tsis raws sij hawm tshaj plaws txog li ntawm 71.7 feem puas.

Tshav dav hlau Adelaide yog lub tau cov zauv feem pua siab tshaj plaws rau tej fij yav dav hlau uas ya tawm rau lub ob hlis ntuj. Source: SBS

Tej fij dav hlau uas ya tawm mus rau cov chaw uas raws sij hawm tshaj plaws (thiab tsis raws sij hawm tshaj plaws)

Tej neeg uas caij cov fij dav hlau mus rau Adelaide thiab Cold Coast ces yog cov chaw uas cov fij dav hlau mus txog raws sij hawm ntau dua (89.7 feem pua) thiab muaj cov fij dav hlau ya tawm raws sij hawm tshaj plaws txog (91.4 feem pua) yog piv rau lwm cov fij dav hlau ya mus rau 58 thaj chaw.

Hos tej neeg uas mus ntawm Melbourne thiab Darwin ces yog cov uas pheej qeeb dua, thiab tsuas tau cov zauv feem pua tsawg dua ib nrab (44.4 feem pua) ntawm tej fij dav hlau uas mus rau tej chaw no thiaj mus txog raws sij hawm xwb.

Tej fij dav hlau uas ya ntawm Mildura-Melbourne ces yog cov fij dav hlau uas pheej ya tawm qeeb tas mus li vim tsuas tau cov zauv feem pua ya tawm raws sij hawm txog li 53.2 xwb.

Thiab lub caij tau muaj cov kev tawm tsam nrog tej tuam txhab ya dav hlau ntawm xeev Western Australia lub 2 hlis ntuj kuj tau ua rau tau muab tej fij dav hlau ntau heev ncua, ces thiaj ua rau muaj teeb meem rau tej fij dav hlau txhua txhua ib fij ntawm plaub fij uas yav ntawm Perth thiab Broome, thiab muaj teeb meem rau txhua txhua ib fij ntawm tsib fij ntawm Perth thiab Darwin.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.