Tej neeg ntoj ncig yeej tau siv caij nyoog ntev zog thiab tau them kim zog rau lawv cov kev ntoj ncig txawm tias muaj nuj nqes ntau yam siv ua lub neej uas yuav tau them kim tuaj ntxiv thiab tej nqe fij dav hlau uas kim tuaj ntxiv no - tab sis kuj muaj ib txoj xub ke yooj yim pab kom muaj peev xwm txuag tau nyiaj me ntsis thaum yuav yus tej fij dav hlau thiab, raws li ib cov xov xwm tshiab tau coj los qhia tsis ntev los no.
Kayak uas yog lub tuam txhab piv tej nqe yuav fij dav hlau tau txheeb tau tias tej neeg uas yuav cov fij dav hlau siv muaj peev xwm txuag tau nyiaj yog tias lawv ho mus rau ib cov hnub uas muaj cov fij dav hlau ntawd thiab.
Thiab kuj yog ib cov xov zoo rau tej neeg ntoj ncig, thiab kuj muaj qee yam cim qhia tias tej nqe fij dav hlau kuj nyob tus lawm thiab.
Kayak tau muaj ib cov kev teeb txheeb hauv online nrog tej neeg tshaj 1,000 tus ces kuj pom tau tias ib nrab ntawm tej neeg no yeej npaj yuav siv nyiaj ntoj ncig ntau ntxiv, thiab yeej muaj 45 feem pua ntawm tej neeg no los yeej xav mus ntoj ncig kom ntev dua cov kev ntoj ncig uas lawv tau mus rau xyoo 2022 — uas yog xyoo uas
Cov kev teeb txheeb no kuj tshawb tau tias tej neeg cov kev npaj yuav mus ntoj ncig no yeej yuav siv nyiaj nrab yam tsawg li $8,000 rau lub sij hawm 1 xyoos ntxiv no, thiab yeej muaj tej neeg koom cov kev teeb txheeb no txog li 25 feem pua xav tias ntshe lawv yuav siv nyiaj ntoj ncig ntau tshaj $10,000.
Australia los kuj ntsib cov teeb meem nyiaj poob nqe tib yam , txhais tau tias yuav ua rau qee cov lagluam tej nqe yuav kim heev — txawm li cas los kuj muaj ib cov cim , .
Yog li ntawd tej nqe ntoj ncig pej kum thiab tej nqe ntiav tsev los kuj tau kim tuaj ntxiv txog 6.2 feem pua rau lub caij 3 hlis txog rau lub 6 hli ntuj dhau los raws li lub koom haum Australian Bureau of Statistics . Michelle Marquardt uas yog tus coj ABS cov price statistics yeej tau xub hais dhau los tias cov kev xav mus ntoj ncig ntawm teb chaws Europe yog cov ua rau tej nqe ntoj ncig ntawm South East Asia thiab New Zealand pheej yig lawm.
Thiab Kayak kuj txheeb tau tias yog thaum yuav cov fij dav hlau ces cov kev xaiv hnub yuav yuav siv cov fij dav hlau kuj yuav pab tej neeg ntoj ncig txuag tau nyiaj thiab.
Lub tuam txhab no txheeb tau tias yuav pab kom yuav tau cov fij dav hlau return international economy fare rau 1 xyoos ntxiv no tus nqe li $1,727. Hos cov fij dav hlau siv hauv teb chaws ces raug tus nqe li $382 xwb.
Raws li Kayak hais ces yog koj yuav yuaj (pib) dhav hlau rau hnub zwj Kuab (Friday) ces tej pib kim tshaj plaws, vim tus nqe pib return overseas flights (ces raug tus nqe nrab li $1,740), thiab yuav pib dav hlau siv ntawm teb chaws rau hnub zwj Teeb (Thursday) ces tau them kim tshaj ($390). txuag tau nyiaj txog $53 thiab tej neeg yuav pib dav hlau mus txawv xeev txuag tau nyiaj txog $18 yog tias lawv yuav cov pib dav hlau rau hnub zwj Hli (Monday), uas pom tau tias yog hnub yuav tau cov pib dav hlau pheej yig tshaj plaws.
Angus Kidman uas yog tus kis ntawm lub tuam txhab Finder uas sib piv ntau yam nqe kuj tau pom zoo tias tej neeg ntoj ncig yeej yuav tau cov fij dav hlau pheej yig dua rau cov hnub nrab ntawm lub limtiam, txawm li cas los nws kuj ntseeg tias yeej muaj ib co fij dav hlau mus txawv xeev kuj pheej yig dua rau thaum yuav xaus hnub zwj Hli (Monday) tav zus dua los yog thaum tsaus ntuj thiab tom qab tej neeg yuav coob heev thaum sawv ntxov lawm.
Kidman tau hais tias tej zaum tseem yuav txuag tau nyiaj ntau dua thiab yog tias yus yuav tej pib dav hlau mus ntoj ncib caij uas tsis muaj neeg mus ncig coob thiab mus rau lub caij uas ''tsis tshua yooj yim'' pes tsawg rau yus.
Kidman tau hais tias "Tsis txhob mus ntoj ncig rau lub caij me nyuam yaus so tsis kawm ntawv yog muaj peev xwm ua tau...thiaj xav kom kom yus paub tias seb lub caij twg neeg mus ncig coob thiab yus xav mus ncig qhov twg thiab yus mus ntawm qhov twg rau qhov twg.''
Nws tau hais tias "Lwm yam ces tsuas nyob rau ntawm seb koj nyob qhov twg ntawm Australia xwb, tab sis raws li ib txwm paub ces tej pib dav hlau yeej pheej yig dua rau lub sij hawm uas tsis tshua yooj yim rau yus li ib tag hmo los yog 1 teev sawv ntxov.''
Kidman tau hais tias yog xav kom yuav tau cov pib dav hlau pheej yig, ces kav tsij yuav ''kom ntxov npaum li cas haj yam zoo npaum li ntawd'' yog koj xav mus ncig txawv teb chaws, hos yog cov fij dav hlau hauv teb chaws xwb ces kuj yuav tau siv yooj yim dua.
Nws tau hais tias "Yog yus xub yuav ua ntej li ob peb hlis ces yus kuj yuav tau tus nqe pib dav hlau ya rau ntau qhov chaw hauv teb chaws pheej yig dua."
"Yog tias yus yuav ze rau hnub yus yuav mus ces yeej kim dua, txawm li cas los kuj muaj qee zaus uas yus kuj yuav tau cov pib dav hlau pheej yig thaum muag yuav tag ntawd thiab."
Lub 8 hli ntuj ces Qantas tau hais tias nws cov fij dav hlau mus txawv teb chaws tau kim tuaj ntxiv txog li 10 feem pua vim kho tus nqe raws li tej nyiaj poob nqe, ua ke no los Virgin Australia tau hais tias lawv tej nqe fij dav hlau kuj tau kim tshaj 50 feem pua ntawm tej nqe ua ntej yuav muaj kab mob COVID thiab. Source: AAP / Mark Baker/AP
Nws tau hais tias "Thawj yam ces lub tuam txhab yav dav hlau ntawd yuav muag tej pib dav hlau rau yus kom pheej yig npaum li qhov lawv muag tau. Ob tuaj ces yog yus yuav tej pib dav hlau uas sib piv ntawm tej vas sab sib piv nqe pib dav hlau es mam coj yus mus yuav ntawd ces yog muaj teeb meem dab tsi los yog yus xav hloov pib dav hlau ces pheej ua rau yus yuav tau nrog tej booking website ntawd tham xwb tsis yog yuav nrog tej tuam txhab dav hlau tham.''
Lub 8 hli ntuj ces Qantas tau hais tias nws cov fij dav hlau mus txawv teb chaws tau kim tuaj ntxiv txog li 10 feem pua ''vim kho tus nqe raws li tej nyiaj poob nqe''. Tib lub hli ntawd los Virgin Australia kuj tau hais tias lawv tej nqe fij dav hlau kuj tau kim ''txog li ntawm 50 feem pua ntawm tej nqe ua ntej yuav muaj kab mob COVID'' thiab.
Tej kws paub zoo txog tej lagluam no thiaj tau hais tias yog tej ua rau tej nqe fij dav hlau kom tuaj ntxiv.
Kayak tau coj nws cov kev teeb txheeb no coj los qhia rau thaum ntxov lub 9 hli ntuj, thiab kuj pom tau tias tus nqe fij dav hlau mus txawv teb chaws yeej tau kim tuaj ntxiv txog li 2 feem pua ntawm ib xyoos rau ib xyoos lawm, ua ke no los tus nqe fij dav hlau hauv teb chaws yeej tau kim tuaj txog 7 feem pua ntawm ib xyoos rau ib xyoos lawm thiab — uas yog ib cov kev nce nqe fij dav hlau uas kuj pom tau tias tab tom nyob tus lawm thiab.
Kidman tau hais tias txawm tias tej zaum yuav tsis pom ''tej nqe fij dav hlau uas kim heev'' li tau pom muaj rau thaum yuav xaus xyoo laus tsaib no txuas rau thaum ntxov xyoo no lawm los, tej zaum tseem yuav txog rau nrab xyoo xyoo tshiab tom ntej no mas tej nqe fij dav hlau thiaj mam li rov qab kim tib yam li thaum uas ze rau lub caij ua ntej yuav muaj tus kawb mob COVID sib kis ntawd.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
