Ntsiab lus tseem ceeb:
- Muaj ntau tus poj niam ncaws pob ntawm pab Matildas hais tias Cathy Freeman uas yog Australia tus Olympic legend tseem ua ib cov kev txhawb siab rau lawv.
- Freeman tau ua rau Matildas ceeb thaum nws tau mus xyuas lawv ntawm lawv lub camp lub hlis dhau los.
- Nws kuj tau qhia qee cov tswv yim tias seb yuav ua li cas kom ntxeem dhau ntawm tej teeb meem ntawm tej teb tej poj niam cov kev sib tw ncaws pob no.
Lub caij uas Matildas muaj peev xwm sib tw tau thiab tau mus sib tw semi-final rau ntiaj teb tej poj niam cov kev sib tw ncaws pob no, kuj muaj ntau tus neeg Australia hais tias Matildas yog lawv tej cawm seej.
Tab sis thaum Matildas tham txog lawv tej cawm seej lawm ces tsuas hnov tib lub npe xwb uas yog: .
tau xub hais ua ntej nws hais tias "Lub caij tseem ceeb tshaj plaws ces tej zaum yog ua ntej thaum uas peb yuav pib sib tw thiab tau ntsib thiab tau nrog Cathy tham."
Australia tus neeg txhom pob hu ua Lydia Williams says many ntawm pab Matildas xav tias Cathy Freeman cov kev yeej lub npib kub ntawm Sydney Olympics yog ib co xwm txheej uas lawv yeej tseem nco tau zoo thaum tseem yau. Source: AAP / Rick Rycroft
William tau hais tias "Peb coob leej ntau tus yeej tau hais tias Cathy Freeman yog peb tus cawm seej thaum peb loj hlob. Thiab li yog ib lub sam thiaj tseem ceeb rau peb kom peb ras txog tias peb yeej muaj peev xwm sib tw sawv cev tau rau peb lub teb chaws thiab."
"Ua ke no los, peb kuj hloov peb cov kev xav tias peb yuav tau ua dab tsi rau cov kev sib tw txuas ntxiv thiab. Tab sis peb kuj tau npaj tej kauj ruam uas pab kom peb ua tau tej uas peb tau ua tam sim no thiab."
Yeej muaj ntau tus neeg sib tw ncaws pob, suav captain Sam Kerr thiab Kyah Simon uas yog ib tug ntxhais neeg txum tim uas ncaws pob tshaj lij heev thiab Williams los yeej tau teev txog Freeman cov kev muaj peev xwm sib tw khiav 400m uas yeej npib kub thaum sib twg Sydney Olympics xyoo 2000 tias yog ib lub caij tseem ceeb thaum lawv tseem yau.
Lub hli dhau los, ces tej neeg ncaws pob no kuj tau sab laj nrog lawv tus coach Tony Gustavsson - tab sis kuj ceeb thaum lawv pom Freeman hauv lub chav sab laj.
Aivi Luik uas yog ib tug neeg sib tw uas thaiv lwm tus tau qhia rau tej neeg nrhiav xov xwm tias "Zoo li cia li ua rau peb txhav tag ntawm thaj chaw ntawd li lawm, ces peb thiaj zaum peb tej rooj zaum thiab peb tus coach hais rau peb tias txawm tias peb yuav tau npaj ntau yam tswv yim siv rau cov kev sib tw zoo li no, los peb yuav tsum muaj peb cov kev ntseeg thiab siv tag nrho peb siab ntsws thiab yuav tau hloov ib yam dab tsi me ntsis thiab ua ib nyuag txawv zog thaib."
"Yog tej yam ua rau peb ceeb loj kawg nkaus thiab. Ces thiaj ua rau peb tej poj niam uas sib tw ncaws pob no zoo siab heev."
Thiaj ua rau tej neeg ua hauj lwm tso ib daim yeeb yaj kiab ntev txog li peb ntiag tiv hauv YouTube qhia txog Freeman cov kev sib tw.
Luik tau hais tias "Thaum lawv taws teeb thiab peb tig los ces nws twg nyob ntawd lawm."
Thiaj ua rau neeg sib tw ncaws pob no muaj peev xwm nug ntau yam lus nug nrog Freeman ntawm lub rooj sab laj no thiab Luik piv tias zoo li yus nrog ib tug phooj ywg tham xwb.
"Nws yog ib tug poj niam paub tab heev, thiab nws yog ib tug neeg uas yus xav paub xav pom heev. Kuv tsis xav ntseeg li tias nws tau tuaj xyuas peb tiag tiag li,'' raws li tus neeg hnoob nyoog 38 xyoo no hais.
"Vim ntau ob peb xyoos dhau los ces pheej muaj neeg nug peb tias peb tus cawm seej yog leej twg thiab vim li cas thiaj muab tus neeg ntawd ua peb tus cawm seej - ces muaj peb tej neeg tshaj ib nrab yeej teb tias Cathy Freeman yog lawv tus cawm seej.
Freeman yeej tsis hais lus dab tsi ntau rau zej tsoom li, tab sis lub koom haum Football Australia ua tib zoo xyuas kom nws mus nrog Matildas tham.
Matildas los yeej mloog tau tias lawv raug tsub nias, mloog tias muaj neeg pab thiab txhawb nqa lawv, thiab paub tias ib haiv neeg yeej muaj txoj kev cia shiab heev rau lawv cov kev sib tw ncaw pob World Cup zoo tib yam li lub caij uas Freeman ntsib rau xyoo 2000 thiab.
Luik tau hais tias "(Freeman) tau tham txog tias nws ua li cas kom thiaj hle tau lub nra ntawm nws haiv neeg saum nws xwb pwg, thiab tsuas yog nws tib leeg xwb - tab sis peb ces yog tag nrho ib pab nkaus."
"Qhov kuv khaws tau ntawm tej nws qhia rau peb ces peb yuav tsum paub tias peb yog leej twg, vim li cas peb thiaj ua tej no, thiab txawm tias peb yuav tau sib tw kom zoo thiab ua kom tau raws li lwm tus xav tau, los peb yuav tsum ntseeg peb tus kheej thiab yuav tau sib tw kom zoo tshaj plaws rau peb tus kheej thiab."
"Tag nrho tej neeg sib tw uas pheej sib tw los vim yog lawv nyiam cov kev sib tw ntawd thiab ua tib zoo xyuas kom lawv muaj peev xwm sib tw tau zoo, kom thiaj pab lawv ntseeg lawv tus kheej thaum mus sib tw kom thiaj ua tau yus txoj hauj lwm tiav.''
Australia pab poj niam ncaws pob hu ua Matildas tus captain Sam Kerr yees duab nrog tej neeg mus saib cov kev sib tw ncaws pob. Source: AAP / Darren England
Kerr tau hais tias "Kuv yeej tsis tshua nyiam tej neeg nto npe pes tsawg tab sis thaum Cathy tau kev los rau hauv lub chav lawm, ces cia li ua rau kuv nyiam nws heev lawm, vim zoo li nws yog ib tug neeg ntxim nyiam heev li."
"Tab sis kuj yog ib hmo uas kaj siab lug xwb thiab - tsis muaj dab tsi tshaj ntawd li dua ntawm qhov tias nws tuaj xyuas peb thiab nrog peb tham xwb, vim nws ua rau peb mloog tau tias zoo li peb twg paub nws los tau ntau xyoo lawm. Nws yog tus neeg zoo li ntawd."
"Ces peb thiaj zaum hauv lub chav ntawd, thiab peb sib tham thiab noj hmo xwb. Tab sis tej lus nws tau hais rau peb thiab tej uas nws tau nrog peb tham txog ntawd yuav nrog peb nyob mus ib txhi."
- With additional reporting by the Australian Associated Press.
