Ntsiab lus tseem ceeb:
- Australia pab poj niam ncaws pob hu ua Matildas tau teeb tsa rau xyoo 1978.
- Lawv yog thawj pab poj niam sib tw ncaws pob rau haiv neeg no uas tau mus tawm tsam.
- Thiab vim yog tsis muaj nyiaj txaus, ces muaj ib zaug lawv thiaj tau yees duab liab qab rau tej teej cim zwj (calendar) kom tau nyiaj coj los pab lawv cov kev sib tw ncaws pob.
Kuj tau muaj cov kev zoo siab tshaj plaws thiab kuj yog tej yam uas ua rau muaj kev nyuaj siab rau pab Matildas rau lub caij uas lawv tseem koom ua tus tswv cuab tswj ntiaj teb tej poj niam cov kev sib tw ncaws pob FIFA Women's World Cup 2023 thiab.
Pab no thiaj tau zum 10 hauv ntiaj teb no, tab sis kuj muaj kev cia siab tias yuav muaj peev xwm sib tw dhau cov quarter finals thiab - sib tw tau mus deb tshaj tej kev sib tw uas tau sib tw dhau los.
Pab Matildas yeej muaj keeb kwm ntau yam, thiab raws li tau muaj cov kev ntsuam zej tsoom cov kev tawm tswv yim lawm, ces yeej pom tau tias lawv yog ib pab poj niam ncaws pob uas muaj neeg nyiam tshaj plaws ntawm teb chaws no (Australia).
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, thiab los yog download thiab
kom koj mloog tau SBS Hmong.
Tau teeb tsa pab Matildas rau xyoo 1978. Source: AAP / SportPix/Sipa USA
Thaum twg tau teeb tsam pab poj niam ncaws pob hu ua Matildas?
Raws li keeb kwm tau teev tseg lawm ces tau muaj thawj pab poj niam ncaws pob ntawm Australia no rau lub caij xyoo 1920s.
Tab sis tsuas yog txog rau xyoo 1978 ces thiaj muaj tej neeg ncaws pob feem coob yog cov nyob ntawm Sydney uas tau sib tw rau ntau cov kev sib tw ncaws pob tseem ceeb sawv cev rau tej poj niam ntawm lub teb chaws no ua thawj zaug ntawm ntiaj teb tej poj niam cov kev sib tw hu ua World Women's Invitational Tournament ntawm Taiwan.
Ces tau ib xyoos tom qab ntawd, pab no kuj tau mus sib tw nrog New Zealand rau lawv thawj cov kev sib tw nrog zejzog pej kum haiv ntawm Sydney uas tau ua rau ob pab no tua noj 2-2 sib npaug.
Julie Dolan uas yog tus captain rau cov kev sib tw ntawd thiaj tau txais lub meej mom tam li yog thawj tug poj niam uas tau sib tw rau pab Matildas.
Txawm li cas los yeej tseem tshuav deb heev mas lawv thiaj mam li tau nyiaj txaus coj los txhawb nqa lawv pab txij li thaum tau teeb tsa rau xyoo 1978 ntawd thiab. Source: AAP / Sports Press Photo/Sipa USA
Ces txij li tau teeb tsa FIFA Women's World Cup rau xyoo 1991 ntawd thiaj tau muaj cov kev txhawb nqa pej kum haiv tej poj niam cov kev sib tw ncaws pob loj kawg nkaus, tab sis Australia kuj tsis tau mus koom cov kev sib tw no thiab.
Ces thiaj tau muaj 7 cov kev sib tw txij li thaum tau muaj cov kev sib tw no thawj zaug nawm teb chaws Suav tuam tshoj, thiab pab Matildas thiaj li tau koom cov kev sib tw no txhua zaus.
Pab Matildas kuj ua kev zoo siab rau lawv cov kev sib tw yeej North Korea rau cov kev sib tw zaum kawg ntawm cov kev sib tw 2010 AFC Womens Asian Cup uas Australia yeej North Korea 5-4 lub thaum tua penalty tom qab uas tau sib tw muaj ceem heev thiab ob tog no ib tog twg tsuas tua noj 1-1 sib npaug xwb. Source: AAP / Lei yuandong/AP
Thiab lawv lawv kuj tau ua pab zum plaub rau cov kev sib tw zoo tshaj plaws thaum sib tw 2021 Olympics uas tau yeej teb chaws Aaskiv (Great Britan -GB) pab ntawd, ces thiaj tau ua rau lawv tau mus sib tw rau semi-finals ua ntej yuav swb rau teb chaws Sweden lawm. Thiab tab sis tom qab ntawd ces Sweden kuj tau swb rau teb chaws Meskas (United States -US) rau lub caij uas tsuas tshuav 4 pab los sib tw seb leej twg yuav tau zum 4.
Ua li cas thiaj tis lub npe Matildas rau Australia pab poj niam ncaws pob no?
Tej zaum kuj yuav ua rau koj ceeb thiab, yog koj paub txog pab no lub npe cuav li ib txwm hu lawv ua 'female Socceroos' no.
Thaum xyoo 1995 uas lawv tau qualified tau mus koom ntiaj teb tej poj niam cov kev sib tw ncaws pob thawj zaug ntawd, ces thiaj tau npaj ib lub tswv yim yuav tis lub npe ua ua si kom tsim nyog rau lawv thiab tsim ib lub cim ua lawv lub cim thawj, kom tej neeg nyiam cov kev sib tw ncaws pob thiaj koom tau nrog lawv thiab pab kom muaj neeg txhawb nqa lawv.
Yog li ntawd SBS thiaj tau siv On the Ball football segment coj los ntsuam zej tsoom cov kev tawm tswv yim, thiab caw kom tej neeg mloog xov xwm them 25 cents thaum lawv hu tuaj thiab tawm suab tsim dua ib lub npe tshiab rau lawv.
Ces thiaj muaj neeg tau tis ntau lub npe rau lawv li Soccertoos, Waratahs, Matildas, Lorrikeets thiab Blue Flyers.
A graphic from SBS' On the Ball segment in the 1990s. Source: SBS
Matilda the winking kangaroo was the mascot for the 1982 Commonwealth Games mascot in Brisbane. Source: AAP / NATIONAL ARCHIVES OF AUSTRALIA
Pab Matildas kuj tau yees duab liab qab ua ib daim teej cim zwj (calendar) ib zaub dhau los kom tau nyiaj los pab nws pab neeg sib tw
Lub caij xyoo 1999 ntawd ces, pab Matildas yeej tsis muaj nyiaj los pab lawv los yog yeej tsis tau txais kev txhawb nqa los ntawm zej tsoom li tam sim no.
Ces thiaj khwv tau ib lub tswv yim tias yuav los yees duab dub thiab dawb ua daim teej cim zwj (calendar) kom tau nyiaj ntau tuaj ntxiv los pab lawv, thiab muaj 12 tug poj niam sib tw pom zoo los yees duab.
Lawv kuj tau muag ntau caum txheeb daim tab sis kuj ua rau muaj neeg tawm tswv yim txhawb thiab cov nyom tsis zoo rau lawv li Katrina Boyd uas yog ib tug ncaws pob rau pab Matildas dhau los tau hais rau xyoo 2019.
Boyd tau hais tias "thiaj ua rau muaj teeb meem me ntsi rau peb, tab sis ua rau muaj neeg kub siab me ntsis txog peb lawm thiab, ces thiaj tau ua rau lob lus 'Matilda' tau pib muaj nqe rau ib yam dab tsi lawm, txawm li cas los tsis yog lub ntsiab uas peb xav tau thiab.''
"Tej lus tawm tswv yim tsis zoo kuj tsis ua rau kuv ceeb dab tsi. Vim tej zaum kuj tseem muaj tau rau tam sim no thiab. Tab sis qhov ua rau peb ceeb mas tej duab no ua rau muaj neeg yuav coob heev, thiab ib nrab ntawm tej neeg uas yuav tej teej cim zwj no yog tej txiv neej."
Matildas yeej tau mus tawm tsam ib zaug dhau los thiab
Xyoo 2015 ces pab Matildas tau mus tawm tsam vim lawv kwv tau nyiaj los ntawm cov kev ncaws pob tsawg heev txog li $20,000 rau ib tug twg mus sib tw thiab mus xyaum ntau cov kev xyaum rau ib lub xyoo twg xwb, thiab lub caij ntawd ces tsuas tau nyiaj txog li ib feem kaum ntawm tej nyiaj uas pab Socceroo tau xwb.
READ MORE
Lisa De Vanna doesn't hold back
Ces thiaj ua rau lawv tau ras los ua thawj pab sib tw rau haiv neeg no ntawm lub teb chaw no tau mus tawm tsam.
Ces cov kev tawm tsam no thiaj tau ua rau kawv khwv tau nyiaj minimum wage lawm.
Tam sim no ces pab Matildas thiab Socceroos thiaj tau ras los ua ib fim ntawm cov enterprise bargaining agreement uas tau ua rau lawv khwv tau nyiaj ncaws pob sib npaug lawm.
Pab Matildas los yeej tau tham txog cov kev tau txais vaj huam sib luag rau cov kev sib tw no, thiab tsis ntev los no los kuj tau tawm tsam tsis pom zoo txog tej nyiaj paj tshab muab rau cov kev sib tw uas tsis sib npaug ntawd thiab.
Cov kev tshuaj ntsuam txog cov kev iab liam tias raug lwm tus thab zes
Xyoo 2021 ces Lisa De Vanna uas yog tus poj niam coj pob mus tua pem hauv ntej rau pab Matildas tau liam tias tau muaj lwm tus neeg coj tej cwj pwm uas pheej thab zes xuas thiab kov nws yam tsis tsim nyog rau lub caij uas nws tseem ncaws pob rau pej kum haiv thiab tau qhia rau phau ntawv xov xwm Sydney's Daily Telegraph tias muaj ib zaug ces cuam tshuam nrog nws tej neeg sib tw Matildas tseem hluas ''tau muab lawv tej chaw mos coj los sib tshiav'' nrog nws li.
"Tau muaj ib cov lus nug nug nws thiab nws tau teb - puas yog muaj neeg kov thiab xuas kuv? Yog tiag. Puas yog muaj neeg thab zes kuv kuv? Yog. Puas yog muaj neeg faib cais tsis pub kuv muaj feem koom? Yog. Puas yog koj tau pom ntau yam uas ua rau koj tsis pom qab ua li cas? Yog.''
Thiab phau ntawv xov xwm ntawd yeej muaj Elissia Carnavas uas yog ib tug neeg nrog nws sib tw ncaws pob ua ke dhau los thiab Rose Garofano uas yog nws tus manager dhau los yeej qhia tias tau muaj tej xwm txheej no rau nws tiag.
Ces thiaj tau muaj tej xwm txheej no tom qab uas Rhali Dobson uas yog ib tug poj niam ncaws pob dhau los tau qhia tias nws los kuj raug lwm tus ntxias thiab haub thiab siv nws yam tsis raug cai txij li thaum tau pib ncaws pob los thiab.
Lub koom haum Football Australia thiaj tau qhia rau tib hnub uas nws tau tawm los qhia tej xwm txheej no tias yuav mus tshuaj ntsuam tej xwm txheej no, thiab tau nqua hu rau tej neeg ncaws pob kom qhia tej xwm txheej no thiab mus yws raws kev raws cai, yog tias lawv tsis tau ua tej no dhau los.
Ces lub koom haum no thiaj tau teeb tsam ib pawg neeg nruab nrab koom nrog lub koom haum Sport Integrity Australia los tshuaj ntsuam thiab tswj tej lus yws tsis txaus siab los yog tej lus iab liam tias ib tug twg ntawm tej neeg sib tw los yog tej nom tswv coj cwj pwm tsis tsim nyog.
Tej neeg sib tw thiaj tau koom los sau ib cov ncauj lug ua ke thiab kuj tau sau tej lus tawm tswv yim ntiag tug los txhawb nqa Lisa tab sis yeej lees paub tias lawv tsis raug lwm tus thab zes los sis raug kov raug xuas, thiab yeej tua los txhawb nqa kom coj tej kab lis kev cai zoo.
Tej neeg ncaws pob no cov ncauj lug thiaj tau hais tias "Peb lees paub txog Lisa cov lus iab liam no ua tau tshwm sim yav tag los tiag thiab peb yeej nrog nws tu sib uas ua rau nws tsis muaj peev xwm qhia tej xwm txheej no kom ntxov tshaj no.''
Lub koom haum Football Australia thiaj tau qhia rau lub 4 hlis ntuj no tias tau txheeb cov kev tshuaj ntsuam no tiav lawm.
Uas lawv tau mus tshuaj ntsuam ob cov kev tsis txaus siab - ib co ces tau thim tsis hais lawm los lwm cov ntxiv ces kuj tsis muaj peev xwm nrhiav tau pov thawj tim khawv los qhia kom tau qhov tseeb.
