Sikat na mga Pinoy slang

Sa pagtatapos ng Buwan ng Wika, ito ang limang Filipino slang na salita na maaring hindi mo pa narinig dahil naninirahan ka na sa Australya o dahil matagal ka ng hindi bumibisita sa Pilipinas.

Stay in the loop and add these current Filipino slang words to your vocabulary. Source: Getty Images/XiXinXing

1. Lodi

Hindi ito pangalan ng kontrabida (Loki yun) o pangalan ng isang artista sa Pilipinas (Lloydie yun), ang Lodi ay ang baliktad na spelling ng 'idol'. Magandang ehemplo ito ng ugali ng mga Pinoy na baliktarin ang mga salita (natatandaan mo ba ang rapsa at petmalu?).

2. Waley

Isang termino na ang ibig sabihin ay 'wala', ito ay ang kabaliktaran ng 'havey' o 'pagkakaroon'.

3. Syonga

Ang 'syonga' ay ginagamit upang ilarawan ang isang taong tanga. At ang kagandahan ng salitang ito? Mas nakakaaliw pa itong bigkasin kapag ginagamit ito upang ilarawan ang katangahan na ginawa ng isang tao o 'syo-syonga-syonga'. 

4. Mumshie

Maraming titulo ang mga nanay - gaya ng ina, mom, mum, mommy, alalay, detektib, at marami pang iba. Isa pa dito ang mumshie.

5. Beshie

Sa hindi maipaliwanag na dahilan, laging sinasabi ang terminong ito sa pa-cute na tono. Ang ibig sabihin ng beshie ay 'best friend'.

PAKINGGAN DIN

BASAHIN DIN

Follow SBS Filipino on Facebook