1. Huwag tumingin sa 'pangit' kapag buntis.
Beauty is as beauty does. Source: Getty Images/Andrew Bret Wallis
Kung hindi ka naniniwala na lahi ang nagdidikta sa itsura ng isang tao, maaring paniwala mo na kapag tumingin ka sa 'pangit,' magiging 'pangit' din ang anak mo. Sa kabilang banda, kapag tumingin ka sa 'guwapo' o 'maganda', magiging 'guwapo' o 'maganda' rin ang anak mo.
Pero siguro, mas mainam na tumingin ka na lang sa katabi mo sa kama. O sa salamin.
2. Huwag maligo ng isang linggo pagkatapos mong manganak.
Giving birth is dirty business. Source: Getty Images/RubberBall Productions
Sasabihin sa iyo ng sinumang nanganak na na ang paglabas ng bata mula birth canal, o di kaya'y ang pagkalikot ng mga laman ng tiyan mo upang ilabas ang bata ay maduming proseso. Pawis, dugo, at kung anu-ano pang likido at di-masabing bagay ang lalabas sa iyo.
Kaya, oo, magpahinga ka ng matagal pagkatapos mong manganak; pero, para sa kapakanan mo at sa kapakanan ng iba, huwag kang magtiis ng isang linggo para maligo.
3. Pilyo at malikot ang batang may dalawang puyo.
Unruly hair, unruly child? Source: Nikki Alfonso-Gregorio
Nasa lahi ang pagkakaroon ng dalawang puyo, ngunit walang siyentipikong basehan na ang dalawang puyo ang sanhi ng pagkakulit at pagkapilyo ng isang bata.
Ang totoong magulong bahagi ng batang dalawa ang puyo? Ang buhok sa likod ng kanilang ulo na ayaw bumaba.
4. Pwera usog at paglagay ng laway sa tiyan ng bata.
Seriously - don't let other people wipe saliva on bub's tummy. Source: Pixabay (Creative Commons)
Paniwala ng mga Pinoy na magkakasakit ang isang bata kung babatiin ito. Kapag binati ang bata, kinakailangang lawayan ng bumati ang tiyan nito upang maiwasan ang usog o sakit.
Ngunit higit pa sa usog, ang kailangang alalahanin ng mga magulang ay ang laway ng ibang tao; dahil sa katunayan, ang loob ng bibig ang pinakamaduming bahagi ng katawan ng tao.
5. Pagkatapos gupitan ang buhok ng bata, ipitin ang nagupit na buhok sa mga pahina ng diksyunaryo.
Will placing bub's hair in between dictionary pages turn him into a wordsmith? Source: Getty Images/Yasser Chalid
Dahil makapal ang disksyunaryo at marami itong nilalaman na mga salita, ang pamahiin ay kapag inipit ang nagupit na buhok sa librong ito, kakapal ang buhok ng bata at magiging matalino siya.
Ayon sa paniwalang ito, ang paglagay ng buhok sa libro ay nagreresulta sa katalinuhan; ngunit, sa totoo lang, mas maganda ang resulta kapag tinuruan mo na lang magbasa ang iyong anak.
BASAHIN DIN
