کلیدی نکات
- وزیر اعظم انتھونی البانیز میلبورن میں آسیان کے نو عالمی رہنماؤں رہنماآں کے اجلاس کی میزبانی کی
- البانیز نے کہا کہ آسٹریلیا جنوب مشرقی ایشیاء میں کسی ایسے رویے کا مخالف ہے جو علاقے میں عدم استحکام پیدا کرے۔
- آسیان کے رہنماؤں نے ایک اعلان کی توثیق کی جس میں بحری تجارتی راستوں پر امن برقرار رکھنے کی ضرورت پر زور دیا گیا
جنوب مشرقی ایشیائی ممالک چینی اثر و رسوخ اور جارحیت کے خلاف آسٹریلیا کی حمایت کرتے ہوئے پیغام دیا کہ ان کاعلاقائی اتحاد (ASEAN) خطے میں عدم استحکام کا مخالف ہے ۔ اس اجلاس کی میزبانی وزیر اعظم انتھونی البانیس نے میلبورن میں تھی۔
مشترکہ اعلامیے میں اس خطے کے ممالک کے لئے ویزوں کے آسان اجرا کے لئے آسٹریلیا کے عزم کے ساتھر 2 بلین ڈالر کا سرمایہ کاری فنڈ قائیم کرنے کا اعلان شامل ہے۔
رہنماؤں نے ایک مشترکہ بیان میں کہا، “ہم ایک ایسے خطے کے لئے کوشش کرتے ہیں جہاں اختلافات کو طاقت کے استعمال کے بجائے احترام اور مکالمے کے ذریعے حل کیا جاتا ہے ” ۔
“ہم مشترکہ چیلنجوں سے نمٹنے، بین الاقوامی قانون کی تعمیل پر مبنی قوانین پر مبنی ترقی کو برقرار رکھنے اور اپنے خطے کے اجتماعی مستقبل کی شکل دینے کے لئے مل کر کام کرنے کے اپنے مضبوط عزم کو دہراتے ہیں۔”
ساؤتھ چائینا کی سمندری حدود کے بارے میں آسیان کا نقطہ نظر
وزیر خارجہ پینی وونگ نے بحیرہ جنوبی چین میں چینی جارحیت سے بہتر طریقے سے نمٹنے کے بارے میں رہنماؤں کے اختلاف کا اعتراف کیا لیکن کہا کہ آسیان کے رہنما علاقائی استحکام پر متفق ہیں۔
انہوں نے اے بی سی ٹی وی کو بتایا، “اس بارے میں سوچنے کے بجائے کہ کیا ہوسکتا ہے یا نہیں ہوسکتا ہے، ہمیں اس بات پر توجہ دینی چاہئے کہ ہم کس چیز کا تحفظ کرنا چاہتے ہیں، ہم کس چیز کو یقینی بنانا چاہتے ہیں، ہم امن، استحکام اور خوشحالی کو محفوظ رکھنے کے لیے کیا یقین دہانی چاہتے ہیں۔”
چین اور فلپائن پچھلے سال ایک تناعے میں ملوث تھے کیونکہ چینی جہازوں نے ساؤتھ چائینا کی سمندری حدود کے ایک حصے میں فلپائن کے جہازوں کا پیچھا کیا اور گھیر لیا تھا ۔ گرچہ اس سمندری علاقے کے کئی دعوےدار ہیں لیکن یہ فی الحال فلپائن کے کنٹرول میں پے۔چین اپنی نام نہاد “نو ڈیش لائن” کی بنیاد پر تقریبا پورے سمندی خطے پر دعویٰ کرتا ہے۔
ایک بین الاقوامی ٹریبونل نے 2016 میں فیصلہ سنایا تھا کہ یہ لائن چین کے دعوے کی کوئی قانونی بنیاد فراہم نہیں کرتی ہے، لیکن بیجنگ نے اس فیصلے کو نظرانداز کیا اور لائن کی قانونی حیثیت پر اصرار کرتا رہا ہے۔
حالیہ دنوں میں اس علاقے پر تنازعہ پھیل گیا، فلپائن کے ایک عہدیدار نے دعوی کیا ہے کہ جب چینی جہاز میں پانی کی توپوں اور خطرناک حرکتوں کا استعمال کیا تو کوسٹ گارڈ عملے کے چار ارکان زخمی ہوگئے۔
البانیز نے بدھ کے روز صحافیوں کو بتایا، “ہم بہت پریشان ہیں اور آسٹریلیا ساؤتھ چائینا کی سمندری حدود میں کسی بھی غیر محفوظ اور غیر مستحکم طرز عمل کے بارے میں فکر مند ہے۔”
“یہ خطرناک ہے اور اس سے ٹکراؤ کے خطرات پیدا ہوتے ہیں، جو مزید پھیل سکتے ہیں۔”
آسیان کے رہنماؤں کے مشترکہ بیان نے “ ساؤتھ چائینا کی سمندری حدود میں امن و استحکام کو خوشحالی سے جوڑے رکھنے کے فوائد” کو تسلیم کیا۔
“ہم تمام ممالک کو ترغیب دیتے ہیں کہ وہ کسی بھی یکطرفہ اقدام سے گریز کریں جس سے خطے میں امن، سلامتی اور استحکام کو خطرہو۔
اس بیان میں خطے سے باہر کی بات کرتے ہوئے غزہ میں فوری اور پائیدار جنگ بندی، مغویوں کی رہائی اور شہریوں کے خلاف حملوں کی مذمت کا مطالبہ کیا گیا ہے۔
ویزا میں تبدیلیاں
پچھلے سال سرمایہ کاری: جنوب مشرقی ایشیا اقتصادی حکمت عملی سے 2040 کی رپورٹ کی سفارشات کے بعد، آسٹریلیائی حکومت کچھ جنوب مشرقی ایشینوں کے لئے ویزا تک رسائی کو آسان بنا رہی یے۔ بزنس وزیٹر ویزے کی معیاد تین سے بڑھا کر پانچ سال کی جارہی ہے اور ٹریولر اسٹریم پروگرام متعارف کروایا جائے گا، جس کے تحت اہل آسیان ممبران ممالک کے شہریوں کو 10 سالہ ویزا فراہم کیا جائے گا۔
توانائی کی منتقلی
آسیان کے متعدد اہداف خطے میں کثافت سے پاک شفاف توانائی پر زیادہ انحصار کرنے پر مرکوز ہیں، جس کے لئے اسے فوسل ایندھن اور قابل تجدید ذرائع کے بڑے برآمد کنندہ کی حیثیت سے آسٹریلیا کی مدد کی ضرورت ہے۔ آسٹریلیا نے آسیان کی قیادت میں علاقائی توانائی کی پالیسی اور منصوبہ بندی کی حمایت کے لئے انرجی کوآپریشن پیکیج کا اعلان کیا ہے۔
Prime Minister Anthony Albanese with koalas at the Leaders retreat during the 2024 ASEAN-Australia Special Summit. Source: AAP / David Crosling
ماحولیاتی تبدیلیوں سے بچاؤ کے لئے 2023 میں اعلان کردہ جنوب مشرقی ایشیا گورنمنٹ ٹو گورنمنٹ پارٹنرشپ فنڈ کے حصے کے طور پر 10 ملین ڈالر کی مخصوص آب و ہوا اور کلین انرجی ونڈو کا بھی اعلان کیا گیا۔
تعلیم کے اقدامات
آسٹریلیا نے اعلان کیا کہ وہ 75 اسکالرشپ کی مالی اعانت فراہم کرے گا، کچھ آسٹریلین یونیورسٹیوں کے ذریعہ مشترکہ مالی اعانت فراہم کی جائے گی۔
مزید برآں، حکومت کینبرا میں آسیان آسٹریلیا سنٹر قائم کرے گی، جس میں کاروباری، تعلیم، ثقافتی اور معاشرتی تعلقات کو مضبوط بنانے پر توجہ دی جائے گی۔
اس پیکیج میں لسٹ تیمور میں انگریزی زبان کی تربیت شامل تھی کیونکہ چھوٹی قوم کلیدی علاقائی بلاک میں شامل ہونے کی طرف کام کرتی ہے اور ابھرتے ہوئے رہنماؤں کے لئے آسٹریلیا میں تعلیم حاصل کرنے
اس مضمون میں آسٹریلین ایسوسی ایٹڈ پریس کا مواد بھی شامل ہے۔
