اس ہفتے پاکستانی ٹیم پرتھ میں پہلا ٹیسٹ کھیل رہی ہے اور اس سیریز سے قبل آسٹریلیا میں موسمِ گرما کی کرکٹ عروج پر ہے۔اگر ایک طرف آسٹریلین کرکٹر ڈیویڈ وارنر کی یہ الوداعی سیریز مچل جانسن کی تنقید کے باعث ہلچل مچارہی ہے تو دوسری طرف وارنر کے ساتھی پاکستانی نژاد آسٹریلین بلّے باز عثمان خواجہ نے ابھی ریٹائیرمنٹ کا اعلان تو نہیں کیا مگر نجی اسپورٹ چینل سے معاہدے کے بعد وہ کرکٹ کے تبصرہ نگاروں میں شامل ہونے کے لئے تیار ہیں۔ اس کے علاوہ وسیم اکرم اور روی شاستری بھی فوکس ٹیل اور کائیو کے کمنٹری باکس کا حصہ بن رہے ہیں۔
سڈنی کے پیراماٹا اسکوائیر میں شائیقین اور کرکٹ اسٹارز کے پروگرام میں ڈیوڈ وارنر کے الوداعی میچ پر مچل جانسن کی تنقید پر تبصرے اور تجزئے اس ایونٹ کا خاص موضوع رہا۔
مچل جانسن نے اخباری کالم میں سوال کیا تھا کہ “ایک ٹیسٹ اوپنر جو ناقص کارکردگی کے باعث اب ٹیم میں جگہ نہیں بنا پا رہا وہ اپنی ریٹائرمنٹ کی تاریخ خود کیسے طے کرکے شاندار الوداعی میچ کھیلنا چاہتا ہے۔جانسن کا کہنا تھا کہ آسٹریلین کرکٹ کی تاریخ کے سب سے بڑے اسکینڈل میں سے ایک کے مرکزی کردار کو ہیرو کی طرح الواداع کہنے کی کیوں اجازت دی جارہی ہے؟
یاد رہے کے 37 سالہ وارنر پر بدنام زمانہ بال ٹیمپرنگ اسکینڈل میں ملوث ہونے پر 12 ماہ کی پابندی عائد کردی گئی۔ڈیوڈ وارنر کے ساتھ ا اسٹیو اسمتھ پر بھی اسی اسکینڈل میں بال سے چھیڑ چھاڑ پر پابندی لگ چکی ہے۔
پیرا میٹا اسکوائیر سڈنی میں ہونے والے میڈیا پبلک ایونٹ میں ڈیوڈ وارنر پر مچل جانسن کی تنقید اور پاکستانی کرکٹ ٹیم کے دورہ آسٹریلیا پر متعدد سوالات کئے گئے۔ مگر ہلکی پھیلکی بات چیت کے دوران عثمان خواجہ نے ڈیوڈ وارنر کے ساتھ بچپن کی یادیں بانٹتے ہوئے بتایا کہ عثمان کی والدہ وارنر کو شیطان کہا کرتی تھیں۔ جبکہ وسیم اکرم نے مچل جانسن کو عالمی کپ جیتنے پر مبارباد دیتے ہوئے کہا کہ آسٹریلین ٹیم پاکستانیوں کا پلان بی تھی جس پر حاضرین نے قہقہے لگائے۔ روی شاستری نے کہا عالمی کپ کے فائینل میں بھارتی شائیقین کی بلیو ویو (Blur wave ) کوآخر میں یلو فیور (yellow fever) ہو گیا۔
ڈیوڈ وارنر نے مچل کے بیان کو یہ کہہ کر نظر انداز کیا کہ ہر ایک اپنی رائے دینے کا حق رکھتا ہے مگر ان کے ساتھی عثمان خواجہ , بریٹ لی اور آسٹریلین کپتان پیٹ کمنز سمیت کئی کرکٹرز ، وارنر کی حمایت میں سامنے آئے ہیں۔
سڈنی کے پیراماٹا اسکوائیر میں شائیقین اور کرکٹ اسٹار کے پروگرام میں سابقہ پاکستانی کرکٹر وسیم اکرم، سابقہ بھارتی کھلاڑی روی شاستری، عثمان خواجہ، مائیکل ہسّی، ڈیویڈ وارنر، بریٹ لی اورکرکٹ کے کئی معروف کھلاڑیوں نے میڈیا ٹاک میں حصہ لیا اور ایس بی ایس اردو سے بات کرتے ہوئے پاکستان اور آسٹرلیا کی ٹسٹ سیریز کے دلچسپ ہونے کی امید ظاہر کی۔
وسیم اکرم اور عثمان خواجہ کمنٹری باکس کی طرف اور بڑیٹ لی اور مائیک ہّسی کو پاکستان کے خلاف اچھی سیریز کی توقع
پوڈکاسٹ کو سننے کے لئے نیچے دئے اپنے پسندیدہ پوڈ کاسٹ پلیٹ فارم سے سنئے:
