Key Points
- کوئنز لینڈ اور جنوبی آسٹریلیا آسٹریلیا کی حکومتیں آسٹریلیا کے اگلے ورلڈ کپ گیم بڑی اسکرین پر دکھائیں گے۔
- آسٹریلیا کا مقابلہ ہفتہ کو دوحہ میں مقامی وقت کے مطابق رات 10 بجے ارجنٹائن سے ہوگا (اتوار کے 6 بجے AEDT)۔
- آسٹریلیا نے ڈنمارک کو 1-0 سے شکست دے کر 2006 کے بعد پہلی بار آخری 16 تک رسائی حاصل کی۔
آسٹریلیا سے 2022 کے فیفا ورلڈ کپ کے بعد فٹبال کے شائقین ٹیم کا اگلا میچ عوامی علاقوں میں بڑی اسکرینوں پر براہ راست دیکھ سکیں گے۔
شائقین گروپ میچز دیکھنے کے لیے گزشتہ ہفتے میلبورن کے فیڈریشن اسکوائر میں جمع ہوئے تھے، لیکن برسبین، سڈنی، کینبرا یا ایڈیلیڈ میں اس کے انتظامات نہیں تھے۔ مگر اب دیگر شہروں میں بھی انتظامات کئے جارہے ہیں۔
NSW حکومت نے اعلان کیا ہے کہ ڈارلنگ ہاربر اس اتوار ارجنٹائن کے خلاف Socceroos کے FIFA ورلڈ کپ کے ناک آؤٹ راؤنڈ میچ کو دیکھنے کے لیے سڈنی کی لائیو سائٹ کی میزبانی کرے گا۔ NSW کے پریمیئر ڈومینک پیروٹیٹ نے کہا کہ سڈنی میں اس تاریخی میچ کو دکھانے کی ایک بڑی اسکرین نصب کی جائے گی
ڈنمارک کے خلاف آسٹریلیا کی جیت کا جشن منانے کے لیے سینکڑوں افراد سدںی کی معروف جارج اسٹریٹ پر نکلے تھے۔اتوار کو پبلک ٹرانپورٹ صبح چار بجے سے مفت ہوگی اور شراب سے پاک وینیو میں داخلہ بھی مفت ہو گا۔
سڈنی کی لیورپول سٹی کونسل کے میئر نیڈ مانون نے بھی ارجنٹائین کے خلاف آسٹریلیا کے اس میچ کو لیورپول سی بی ڈی کے قلب میکوری مال سے صبح 5 بجے سے میں براہ راست نشر کرنے کا انتظام کیا ہے۔اس کے علاوہ اینمور پارک میں ایک بڑی اسکرین لگائے گی۔
برسبین کے لارڈ میئر ایڈرین شرینر نے جمعرات کو اس بات کی تصدیق کی کہ سنٹرل برسبین میں کھیل کو عوامی سطح پر دیکھنے کے لیے منصوبے بندی کر لی گئی ہے۔
انہوں نے ٹویٹر پر لکھا، "میں تصدیق کر سکتا ہوں کہ ہم اتوار کی صبح کنگ جارج اسکوائر اور کوئین اسٹریٹ مال میں ارجنٹائن کے خلاف اپنے تاریخی میچ کو براہ راست دکھانے کے بارے میں براڈکاسٹر سے بات کر رہے ہیں۔"
جنوبی آسٹریلیا کے پریمئیر پیٹر مالیناسکاس نے اس سے قبل ایڈیلیڈ میں بڑے اسکرین پر میچ دکھانے کی لائیو سائٹ کا اعلان کیا تھا۔ ریاستی حکومت ایڈیلیڈ اوول کے ساتھ مل کر ٹیلسٹرا پلازہ میں جگہ قائم کر رہی ہے۔
Canberrans آسٹرلیا کے میچ کو سوک اسکوائر پر لائیو سائٹ سے بھی دیکھ سکیں گے، اس میچ کو کینبرا تھیٹر سینٹر کے باہر ایک بڑی اسکرین پر دکھایا جائے گا۔
Access Canberra لائسنس یافتہ مقامات کو میچ کے لیے تجارتی اوقات میں توسیع کے لیے درخواست دے رہا ہے۔
وکٹوریہ کے پریمیئر ڈینیئل اینڈریوز نے بھی اشارہ دیا ہے کہ اتوار کی صبح کے میچ کے لیے ان کی ریاست میں زیادہ یا بڑے عوامی مقامات کھولنے کے لیے بات چیت جاری ہے۔
Football fans have been watching the Socceroos' group games on big screens at Federation Square in Melbourne. Source: AFP / William West
ایک پریس کانفرنس میں پریمئیر سے پوچھا گیا کہ کیا ان کی حکومت میلبورن کرکٹ گراؤنڈ یا دیگر بڑے مقامات سے لائیو سائٹس کے بارے میں بات کرے گی۔
مسٹر اینڈریوز نے کہا، "میرا خیال ہے کہ کچھ بات چیت چل رہی ہے، نہ صرف دوسرے مقامات کے بارے میں، بلکہ منصوبہ بندی کر کے اس بات کو یقینی بنانا ہے کہ Fed Square زیادہ سے زیادہ محفوظ اور ممکنہ حد تک ممکنہ ہجوم کےلئے موزوں ہو
آسٹریلیا اپنے راؤنڈ آف 16 کے میچ میں اتوار 4 دسمبر کو صبح 6 بجے AEDT (دوحہ میں مقامی وقت کے مطابق ہفتہ کے 10 بجے) ارجنٹائن سے مقابلہ کرے گا۔
فیفا ورلڈ کپ 2022 کا ہر میچ براہ راست اور مفت SBS پر دیکھیں۔
SBS News سے تازہ ترین خبروں کو www.sbs.com.au/news پر، یا iOS یا Android پر دستیاب SBS News ایپ پر فالو کریں۔
