آسٹریلیا دنیا بھر کے طلباء کو خوش آمدید کہہ رہا ہے اور بین الاقوامی طلباء کے لئے آسٹریلیا ترجیحی مقام بنانے کے لئے کچھ آسانیوں کا اعلان بھی کیا گیا ہے ۔
19 جنوری 2022 سے 19 مارچ 2022 کے درمیان آسٹریلیا آنے والے بین الاقوامی طلباء کو ان کی ویزہ فیس واپس کر دی جائے گی ۔
آسٹریلیا آنے والے طلباء اپنے کورس کے آغاز کا انتظار کئے بغیر کام کر سکیں گے ۔
آن لائن تعلیم گریجویٹ ویزہ کے لئے شمار ہوگی ۔
"دی مائیگریشن" میں ریجسٹرڈ مائیگریشن ایجنٹ ناصر نواز کا کہنا ہے کہ عالمی وبا نے بین الا قوامی طلباء کی ذہنی صحت اور معاشی حالت پر گہرا اثر ڈالا ہے جس کے باعث ان کی تعلیم متاثر ہوئی ہے ۔
ناصر نواز نے وضاحت سے بتایا کہ بین الاقوامی سرحدی پابندیوں کا مطلب تھا کہ طلباء اور دیگر عارضی ویزہ رکھنے والے افراد ایک مرتبہ ملک چھوڑنے کے بعد دوبارہ یہاں داخل نہیں ہو سکتے ۔ جس کے باعث کئی (لوگوں ) کے ویزے ایکسپائز ہو گئے ۔
International students are Australia's largest services export sector. Source: Getty Images
انہوں نے مزید کہا کہ جو بھی اپنے ملک میں تھا وہاں پھنس کر رہ گیا ۔ بہت سے (لوگوں کے ) ویزے ایکسپائز ہو گئے اور ان (افراد) کو اپنے مستقبل کا بھی علم نہیں تھا ۔
ویزہ فیس میں چھوٹ
دسمبر 2021 میں آسٹریلیا نے مکمل ویکسین حاصل کرنے والے طلباء کے لئے اپنی سرحدیں کھول دیں اور ویزہ فیس میں چھوٹ کا اعلان بھی کیا گیا ۔ وہ طالبعلم جورواں سال 19 جنوری سے 19 مارچ کے درمیان آسٹریلیا آئیں گے وہ اپنی ویزہ فیس واپس لے سکتے ہیں ۔
Students were among the first to be allowed to enter Australia. Source: AAP
طالبعلمویزہ پر کنڈیشن 8105 (کام کے حقوق) کا مطلب ہے کہ کوئی بھی ایسا شخص جس کے ویزہ پر یہ کنڈیشن موجود ہے اپنے کورس کے آغاز سے پہلے کام کرنا شروع نہیں کر سکتا ۔ لیکن فی الحآل ، آسٹریلیا آنے والی بین الاقوامی طالبعلم اپنے کورس کے آغاز کا انتظار کئے بغیر پندرہ دن کے دوران چالیس گھنٹے تک کام کر سکتے ہیں ۔
تاہم یہ ایک عارضی انتظام ہے اور حکومت اپریل 2022 میں اس پر نظر ثانی کرے گی ۔
چین سے میڈیسن اور سرجری میں اپنی بیچلرز ڈگری مکمل کرنے والے عمران خان سرحدی پابندیوں کے باعث آسٹریلیا نہ آسکے اور مجبورا مارچ 2022 تک اپنی تعلیم کو موخر کیا ۔ پبلک ہیلتھ میں اپنا ماسٹرز مکمل کرے کے لئے عمران حال ہی میں آسٹریلیا پہنچے ہیں ۔
انہوں نے آسٹریلیا آنے والے طلباء کے لئے کام کے قوانین میں نرمی کو سراہا ، ان کا کہنا تھا کہ طلباء کو ان کا کورس شروع ہونے سے قبل کام کی اجازت دینا حکومت کا بہترین قدم ہے ۔
آن لائن تعلیم گریجویٹ ویزہ میں شامل
عالمی وبا سے پہلے ، گریجویٹ ویزہ سب کلاس 485 حاصل کرنے کے لئے آن کیمپس (یعنی تعلیمی ادارے میں بالمشافہ ) تعلیم حاصل کرنا لازمی تھا ، لیکن اب وہ آن لائن تعلیم جو آسٹریلیا سے باہر رہ کر حآصل کی گئی ہے میں شامل ہو گی ۔ ناصر نے بتایا ۔
International students line up for coaches after arriving at Sydney Airport in Sydney, Monday, December 6, 2021. Source: AAP/Bianca De Marchi
اب آن لائن تعلیم اور آن کیمپس تعلیم (دونوں ہی ) گریجوٹ ویزہ کے لئے تصور کی جا سکتی ہے اور گریجویٹ ویزہ کی شرط کو پورا کرتی ہے ۔ سو یہ اب نیا معمول ہے ۔
جامعات فیس میں کٹوتی کی پیشکش کریں
اب جبکہ حکومت نے طلباء کے لئے ویزہ شرائط میں نرمی کی ہے ، ناصر کا کہنا ہے کہ جامعات کے لئے بھی ضروری ہے کہ بین الاقوامی طلباء کی واپسی میں حوصلہ افزائی کے لئے فیس کم کرنے کا ارادہ کریں ۔ مثال کےطور پر ان کا خیال ہے کہ آنلائن تعلیم کی فیس نسبتا کم ہونی چاہیئے ۔
"اسٹیپ اپ پروفیشن " سے تعلق رکھنے والے مزمل رضوان کی رائے میں جامعات کی فیس کم ہونے سے بین الاقوامی طلباء اپنی تعلیم رکھنے کے لئے دیگر ترقی یافتہ ممالک کے بجائے آسٹریلیا کو ترجیح دیں گے ۔
تمام مسافروں کو اس ریاست یا علاقے کے قوانین کی تعمیل کی ضرورت ہے جہاں وہ سفر کا ارادہ رکھتے ہیں
