ہنگامی خدمات کی وزیر جیکیلین سائمز نے چیف فائر آفیسر جیسن ہیفرنن کے بقول کہا ہے کہ بالخصوص بدھ کے روز موسم خاصا شدید ہوسکتا ہے۔ "نہ صرف خشک اور گرم موسم بلکہ ہم تیز ہوا کے بھی امکانات دیکھ رہے ہیں، جس باعث خدشہ ہے اموات ہوسکتی ہیں"۔
دوسری جانب محکمہ موسمیات تمام مغربی وکٹوریہ میں شدید موسم کے خطرات سے لوگوں کو آگاہ کیا ہے۔ محکمہ موسمیات کے عہدیدار انگس ہائنز کے بقول بہت زیادہ امکانات ہیں کہ مزید علاقے شدید گرمی اور خطرناک آگ کی لپیٹ میں آجائیں۔
گزشتہ ہفتے حکام نے تصدیق کی کہ بلاراٹ کے علاقے میں کم از کم چھ گھروں کو آگ کے شعلوں نے اپنی لپیٹ میں لے لیا۔ وزیر سائمز کے بقول یہ حالات کسی بھی خاندان کے لیے انتہائی افسوسناک اور خطرناک ہیں۔ انہوں نے وعدہ کیا کہ متاثرہ خاندانوں کی مدد کے لیے اقدامات کا اعلان کیا جائے گا۔
حکومت کی جانب سے امپھیٹ تھیٹر، ریگلین اور ایلمھورسٹ کے باسیوں کو فی الحال اپنے علاقوں میں واپس جانے سے خبردار کیا گیا ہے جہاں آگ کے شعلے پھیلنے کا خدشہ موجود ہے۔ اسی طرح بالارٹ کے بھی بیشتر مغربی قصبوں میں لوگوں کو چوکنا رہنے کا کہا گیا ہے۔
یاد رہے کہ قریب آگ بجھانے والے کم از کم 500 کارکن ان دنوں اس آگ کو قابو کرنے میں مصروف ہیں، جس نے قریب 17 ہزار ایکڑ زمین کو خاکستر کر ڈالا ہے۔
