آسٹریلیا اگلے مہینے بین الاقوامی سرحدوں کو دوبارہ کھولنا شروع کر رہا ہے ، جس سے لوگوں کو ملک چھوڑنے کے لیے حکومتی اجازت نامہ لینے کے قانون کا خاتمہ کر دیا جائے گا۔
بیرونی سفر کی پُرجوش واپسی کا فیصلہ ، جس کی تصدیق سرکاری ذرائع نے ایس بی ایس نیوز کو کی ہے ، فیصلہ اس وقت آیا ہے جب ریاستیں اور علاقے کوویڈ 19 کے اہم ویکسینیشن اہداف کے قریب پہنچ رہے ہیں۔
توقع ہے کہ وزیر اعظم سکاٹ موریسن جمعہ کو ایک نیوز کانفرنس کریں گے۔
ملک کی سرحدیں گذشتہ سال مارچ میں تمام غیر شہریوں اور غیر رہائشیوں کے لیے بند کردی گئی تھیں ، آسٹریلین شہریوں اور مستقل رہائشیوں کے لیے ضروری ہے کہ وہ بیرون ملک سفر کے لیے حکومت کی جانب سے جاری کردہ اجازت حاصل کریں۔
اس فیصلے سے وہ لوگ بڑے پیمانے پرمتاثر ہوئے ہیں جو بیرون ملک مقیم ہیں اور گھر واپس آنے کے خواہاں ہیں ، جنہوں نے آنے والے مسافروں پر پابندیوں کا سامنا کیا ہے۔
مسٹر موریسن نے عندیہ دیا ہے کہ سرحدیں کھولنے کا قومی منصوبہ لوگوں کو 80 فیصد ڈبل خوراک ویکسینیشن کی شرح پر دوبارہ سفر کرنے کی سہولت فراہم کرے گا۔
بین الاقوامی سرحدی پابندی فی الحال 17 دسمبر تک نافذ ہے۔
- نیچے دئے اپنے پسندیدہ پوڈ کاسٹ پلیٹ فارم سے سنئے
- , ,
- یا کو اپنا ہوم پیج بنائیں۔
- اردو پروگرام ہر بدھ اور اتوار کو شام 6 بجے (آسٹریلین شرقی ٹائیم) پر نشر کیا جاتا ہے
