ኣብ ፓኪስታን ተኸሲቱ ዘሎ ናይ ዉሕጅ ጥፍኣት 'ሳዕቤን ከቢድ ዕንወት ክሊማ' ተባሂሉ።

ካብ መፋርቕ ሰነ ጀሚሩ ኣብ ፓኪስታን ብዘጋጠመ ምዕልቕላቕ ማይ ዝሞቱ ሰባት 1000 ከም ዝሓለፈን እዚ ድማ ኣብ ወቕቲ ሞንሱን "ከቢድ ዕንወት ክሊማ" ከም ዝዀነን ተገሊጹ ኣሎ ።

Pakistani army soldiers distribute food among flood victims after a flash flood in Hyderabad in the southern Sindh province, Pakistan on 28 August, 2022. Source: Getty / Anadolu Agency/Anadolu Agency via Getty Images

ቀንዲ ነጥቢታት

• ኣብ ፓኪስታን ብሰንኪ ምዕልቕላቕ ማይ ዝስዕብ ሞት ፡ ካብ መፋርቕ ሰነ ኣትሒዙ ልዕሊ 1000 በጺሑ ኣሎ ።
• ሚኒስተር ክሊማ እታ ሃገር ነቲ ቀታሊ ወቕቲ ሞንሱን "ከቢድ ዕንወት ክሊማ" ኢልዎ ኣሎ ።

ካብ መፋርቕ ሰነ ኣትሒዙ ኣብ ፓኪስታን ብዝሰፍሐ ምዕልቕላቕ ማይ ዝሞቱ ሰባት 1000 ከም ዝበጽሐ ተፈሊጡ። ሚኒስተር ክሊማ እታ ሃገር ነቲ ቀታሊ ወቕቲ ሞንሶን "ከቢድ ዕንወት ክሊማ" ኢሉ ጸዊዕዎ ኣሎ ።

ካብቲ ብርቱዕ ዝናም ብዝወቕዐ ዝተፈጥረ ውሕጅ ፡ ኣቝሻትን ኣእካልን ተሓጺቡ ከም እተወስደ ፡ ወተሃደራትነቶም ነበርቲ ናብ ረድኤት ክረኽብሉ ዝኽእሉ ዉሑስ ቦታታት ከም ዝወጹ ጌሮም፡ ንኣሽሓት ካብ መረበቶም እተመዛበሉ ፓኪስታናውያን ከኣ ምግቢ ከም ዝረኽቡ ከም እተገብረ ፡ ሰራሕተኛታት ህይወት ኣድሕን ገሊጾም ።

ሃገራዊ በዓል-ስልጣን ምሕደራ ሓደጋታት ፓኪስታን ብሰንበት ኣብ ዝዘርግሖ ጸብጻብ ፡ ወቕቲ ሞንሱን ካብቲ ንቡር ዝሓለፈ ዓመት ማለት ኣብ መፋርቕ ወርሒ ሰነ ካብ ዝጅምር ንደሓር ጥራይ ፡ ኣብ ክይበር ፓክቱንክዋን ደቡባዊ ኣውራጃታት ሲንድሃን ፡ 1033 ሰባት ሞይቶም ።

ሸሪ ረህማን ፓኪስታናዊት ሰንተርን ላዕለወይቲ በዓልቲ ስልጣን ክሊማ እታ ሃገርን ፡ ኣብ ትዊተር ኣብ ዝዘርግሓቶ ቪድዮ ፡ ፓኪስታን "ኣብ ውሽጢ ዓሰርተ ዓመት ካብ ዘጋጠማ ዝኸበደ ዕንወት ክሊማ" የጋጥማ ከም ዘሎ ገሊጻ ።

"ኣብዚ እዋን እዚ ፡ ካብቲ ከቢድ ኵነታት ኣየር ኣብ ቅድሚት ዝስራዕ ናይ ዜሮ መስመር ኢና ዘለና ፣ ኣብቲ ዘየቋርጽ ሙቐት ዝበዝሖ ቦታታት ፡ ኣብ ዱር ዘጋጥም ባርዕ ፡ ዕልቕልቕ ፡ ብዙሕ ኣኻውሕ በረድ ፡ ብርቱዕ ቍጥዓ ፡ ዕልቕልቕ ፡ ፍጻመታት ዕልቕልቕ ፡ ሕጂ ድማ እቲ ዓብዪ ሞንሱን ንዓሰርተታት ዓመታት ኣብ መላእ እታ ሃገር ፡ ዘየቋርጽ ዕንወት የስዕብ ኣሎ" በለት ።

እቲ ኣብ ካሜራ ዝቐረበ መግለጺ ፡ ኣምባሳደር እታ ሃገር ኣብ ኤውሮጳዊ ኅብረት ብትዊተር ዘርጊሕዎ ኣሎ ።

ቀዳም 27 ነሓሰ 2022 ሰራዊት ካብቲ ፡ ኣብ ራጃንፑር ፡ ኣውራጃ ፑንጃብ ፡ ፓኪስታን ፡ ብማይ ኣይሂ እተሃርመ ከባቢ ኣብ ኣድሕን ህዝቢ ። Source: AAP / AP

ቅድሚኡ ተራእዩ ዘይፈልጥ ወቕቲ ሞንሱን ንኣርባዕተ ኣውራጃታት እታ ሃገር ጸልይዎ እዩ ። ዳርጋ 300,000 ኣባይቲ ዓንዩ እዩ ፣ ሓያሎ መገዲታዘይሕለፉ ኮይኖም ኣለዉ፡ ሓይሊ ኤለክትሪክን ምቁራጽ ኣስፋሕፊሑ እዩ ፣ እዚ ንሚልዮናት ሰባት ይጸልዎም ኣሎ ።

ዓርቢ 26 ነሓሰ 2022 ፡ ኣብታ ኣብ ደቡባዊ ምዕራብ ባሉቺስታን እትርከብ ኣውራጃ ጃፋራባድ ፡ ህዝቢ ብማይ ዘዕለቕለቐ ከባቢ ይሓልፉ ። Source: AAP / AP

ሚስ ረህማን ን TRT ዎርልድ ዜና ቱርኪ ኣብ ዝሃበቶ ሓበሬታ ፡ እቲ ዝናም ዝባርየሉ እዋን ፡ "ሓደ ርብዒ ወይ ሓደ ሲሶ ካብ ፓኪስታን ኣብ ትሕቲ ማይ ኽንወድቕ ንኽእል ኢና" ።

"እዚ ኣብ መላእ ዓለም ዝርአ ዘሎ ቅልውላው እዩ ፡ ኣብ ባይታ ዝሓሸ ውጥንን ዘላቒ ምዕባለን ከድልየና እዩ ። ... ኵነታት ኣየር ዝጻወሩ ኣእካልን ህንጻታትን ክህልወና ኣለዎ "በለት ።

እቲ መንግስቲ ፡ ኣብ መላእ እታ ሃገር ኣብ ዝግበር ስርሒታት ምድሓንን ረድኤት ኣብ ምድሓንን ፡ ንምሕጋዝ ወተሃደራት ኣዋፊሩ ኣሎ ።

እዚ ከምዚ ኢሉ ከሎ ሰራዊት ፓኪስታን ኣብ ዘውጽኦ መግለጺ: ኣብ ሰሜናዊ ሸነኽ እታ ሃገር ኣብ ዝርከብ ሓደ ስንጭሮ ተቐርቂሮም ንዝነበሩ 22 በጻሕቲ ሃገር ከምዘድሓነ ገሊጹ።