ማሕበረሰባት ኒው ሳውዝ ወልስ 'ንህይወት ዘስግእ ኩነታት ኣየር' ፡ ብርቱዕ ዝናብን ምዕልቕላቕን ከጋጥሞም ትጽቢት ይግበር።

ብዕልቕልቕ ማይ ኣብ ዝተጠቕዐ ከባቢታት NSW ዝነብሩ ተቐማጦ ፡ ዝኸፍአ ሓደጋ ትጽቢት ዘግብር ውጥን ከውጽኡ ከም ዘለዎም ተነጊርዎም ኣሎ። እዚ ድማ ኣብገለ ክፋላት እታ ክፍለ-ሃገር ነቲ ኣዝዩ ጽንኩር ኩነታት ኣየር ክመጽእ ከምዝኽእል ዘጠንቅቕ ፡ ብዝያዳ ከሐይል ትጽቢት ይግበር ።

An aerial view of the flooding at Manning Valley on NSW's mid-north coast. Source: Westpac Rescue Helicopter

ኣብ መላእ NSW ዝርከቡ ማሕበረሰባት ፡ "ንህይወት ዘስግእ ኵነታት ኣየር" የጋጥሞም ኣሎ ፣ ዝወረደ ብርቱዕ ዝናም ንሓያሎ መዓልታት ኣፍላጋት መሊኡ ወይ ኣብ ሓደጋ ከይወድቕ ዘስግእ እዩ ።

ብዙሕ ናይ ምዕልቕላቕ መጠንቀቕታታት ከምዘመልክቶ ፡ ካብቲ ቦታ ናይ ምውጻእን ነቲ ትእዛዝ ናይ ምግዓዝን መስርሕ ኣብ መላእ ኒው ሳውዝ ወልስ ተዋሂቡ ኣሎ። መንግስታትን ፈደራልን ኣብቲ ኣብ ማእከላይ ፡ ማእከልን ሰሜንን ገማግም ባሕሪ ብዕልቕልቕ እተሃሰየ ቦታታት ባህርያዊ ሓደጋ ከም ዘሎ ክእውጃ ከለዋ ፡ ነቲ ሓደጋ ዝኸውን ኣብ እዋን ህጹጽ ኩነታት ዝፍቀድ ምወላ ከምዝፍቀድ ኣግቢሩ ኣሎ።

ኣብ መላእ እታ ግዝኣት ዝርከቡ ክሳዕ 1,500 ዝዀኑ ወለንተኛታት ፡ ሓገዝ ክወሃቦም ንዚቐርበሎም ናይ 7,000 ጻውኢት ተቐቢሎም ፡ ካብ ሓሙስ ኣትሒዞም ን650 ሰባት ዘዕለቕለቐ ማይ ከም ዘናገፉ ተሓጋጋዚ ኮሚሽነር ዲን ስቶሪ ፡ ብሰንበት ንመራኸቢ ብዙሃን ሓቢሩ።

"ኣብዚ እዋን እዚ ፡ ከቢድን ህይወት ዝፈታተን ኵነታት ኣየር የጋጥመና ኣሎ ፣ እዚ ከኣ ነቲ ኣብ ዝመጽእ ዘሎ መዓልትታት እውን እንተ ኰነ ፡ ኣብ መብዛሕትኡ ክፋል እቲ ግዝኣት ጽልዋ ኣለዎ" ኢሉ።

"ኣብዚ እዋን እዚ እቲ ቀንዲ መልእኽቲ ናይ ህጹጽ እዋን ኣገልግሎት ፡ ኵሉ ማሕበረ ሰብ ብዛዕባ ሓደጋታቱ ክፈልጥ ከም ዘለዎ ፡ ውጥን ድማ ኣውጺኡ ብእኡ መሰረት ክዳሎ ከም ዘለዎ ዝገልጽ እዩ ።"

[videocard video="1875964483630"]

ሚስተር ድኳን ፡ ኣብ ከቢድ ጸገም ዘለዎ ከባቢ ዝነብሩ ሰባት ፡ ገዛእ ርእሶም ፡ ስድራ ቤቶምን ካብ ከባቢኦም ክወጹ ንዚኽእሉ እንስሳታትን ከዳልዉ ፡ ወይ ከኣ ካብቲ ቦታ ክግዕዙ ትእዛዝ ተዋሂብዎም ከምዘሎ ብምግላጽ ፡ "ቀልጢፎም ክወጹ" ፡ መምርሒ ሰበ ስልጣን ክከታተሉ ተማሕጺኑ።

ቤት ፅሕፈት ሜትሮሎጂ ከምዝሓበሮ እቲ ዝናም ኣብ ዝመጽእ መዓልትታት ኣብ ሰሜናዊ ገማግም "ኣዝዩ ከሐይል" ትጽቢት ይግበር።

"እቲ ሎሚ ኣብ ሰሜናዊ ገማግም ዘሎ እንደገና ይሃርም ኣሎ ። ጽባሕ ሰንበትእቲ ኩነታት ከምዝብርትዕን ኣብቲ ከባቢ ዝርከቡ ማሕበረሰብ ክጥንቀቑ ኣለዎም። "