እስራኤል፡ ብታንክታት ዝተዓጀበ ኣብ ቓዛ ናይ መሬት ኲናት ጀሚራ፡ ዛጊት 7,000 ተቐቲሎም።

ነቲ ሓማስ ኣብ 7 ጥቕምቲ ኣብ ልዕሊ እስራኤል ዘውረዶ መጥቃዕቲ ስዒቡ እስራኤል ኣብቓዛ ትገብሮ ደብዳብ መራሕቲ ሃገራት ዓረብ ኣብ ዝኹንንሉ ዘለዉ እዋን፡ ሓይልታት እስራኤል ኣብ ቓዛ ናይ መሬት መጥቃዕቲ ፈጸሙ ።

An Israeli mobile artillery unit fires a shell from southern Israel towards the Gaza Strip, in a position near the Israel-Gaza border. Source: AAP / Tsafrir Abayov/AP

ሓይልታት እስራኤል ፡ እቲ ዝዓበየ ናይ ኣጋር መጥቃዕቲ ቓዛ ፈጺሞም ።

ቀዳማይ ሚኒስተር በንያሚን ናታንያሁ ፡ ሰራዊት እስራኤል መጠነ ሰፊሕ መጥቃዕቲ ኣብ ባይታ ንምግባር ይዳለዉ ከም ዘለዉ ክገልጽ ከሎ ፡ ኣመሪካን ካልኦት ሃገራትን ድማ ፡ እስራኤል ኣብ ልዕሊ ካልኦት ሃገራት ማእከላይ ምብራቕ ተጻብኦታት ከየጋጥማ ብምስጋእ ፡ እቲ መጥቃዕቲ ክደናጐ ተማሕጺነንኦ ነይረን ።

ኣብ ጋዛ ንዝነበሩ ፍልስጤማውያን ሰላማውያን ሰባት ሓገዝ ዝህብ ትካል ውድብ ሕቡራት ሃገራት ከም ዝሓበሮ ፡ ኣብ ቀረባ ግዜ ናብቲ ብሓማስ ዝግዛእ ግዝኣት ፡ መጽለልን ማይን ምግብን ሕክምናዊ ኣገልግሎትን ኣብ ዘድልየሉ እዋን ፡ ነዳዲ እንተ ዘይረኺቡ ፡ ነቲ ዝህቦ ኣገልግሎት ክዓጽዎ ይኽእል እዩ ።

Iእስራኤል ድሕሪ እቲ ብ7 ጥቅምቲ ሓማስ ኣብ ልዕሊ ማሕበረሰባት እስራኤል ዘውረዶ መጥቃዕቲ ፡ ነቲ ህዝቢ ብብዝሒ ዝነብረሉ ወሽመጥ ቓዛ ብቐጻሊ ትድብድቦ ኣላ ። እስራኤል ፡ ሓማስ ቈልዑ ዝርከብዎም 1,400 ሰባት ከም ዝቐተለን ልዕሊ 200 ዝዀኑ ጅሆ ከም ዝሓዘን ፡ ገለ ካባታቶም ድማ ህጻናትን ዓበይትን ከም ዝነበሩ ገሊጻ እያ ።

ኣገልግሎት ጥዕና ጋዛ ብሓሙስ ከም ዝሓበሮ ፡ ኣብቲ ሕነ ንምፍዳይ ብእስራኤል እተገብረ መጥቃዕቲ ፡ 2,913 ህጻናት ዝርከብዎም 7,028 ፍልስጤማውያን ተቐቲሎም ኣለዉ ።

Palestinians cry outside a hospital in Deir Al-Balah, south of the Gaza Strip. Source: AAP / Hatem Moussa/AP

ኣመሪካ ንኽልተ ቦታታት ሶርያ ኣጥቂዓ

ሰራዊት ኣመሪካ ፡ ኣብ ምብራቓዊ ሶርያ ፡ እስላማዊ ኣኽራሪ ሰራዊት ኢራን ኣብ ልዕሊ ዝጥቀመለን ክልተ መሳለጥያታት ፡ ብሓሙስ መጥቃዕቲ ከም ዝፈጸመ ፡ ፔንታጎን ሓቢሩ ።

ጸሓፊ ምክልኻል ኣመሪካ ሎይድ ኣውስቲን ኣብ ዝሃቦ መግለጺ ፡ "እዚ ኣብ ልዕሊ እቶም ኣብ ዒራቕን ሶርያን ዝነበሩ ኣመሪካውያን ወተሃደራት ፡ ብኢራናውያን ዝድገፉ ሚሊሻታት ፡ ብቐጻሊን ዘይዕወትን መጥቃዕቲ ናይ ርእሰ ምክልኻል መጥቃዕቲ እዩ " በለ ።

ኦስቲን "እዚ ብኢራን ዝድገፍ ኣብ ልዕሊ ሓይልታት ኣመሪካ ዝፍጸም መጥቃዕቲ ዘይቅቡልን ደው ክብል ዘለዎን እዩ" ኢሉ ።

ባይደን ንኢራናዊ ላዕለዋይ መራሒ ኣያቶላህ ዓሊ ኻመኒ ነቲ ኣብ ማእከላይ ምብራቕ ንዝርከቡ ኣመሪካውያን ዒላማ ዝገብር መጥቃዕቲ ደው ክብል መጠንቀቕታ ከምዝለኣኸሉ ዋይት ሃውስ ኣቐዲሙ ብሓሙስ ሓቢሩ ነይሩ ።

ሃገራት ኣዕራብ ንደብዳብ እስራኤል ይኹንና

ናይ ወጻኢ ጉዳያት ሚንስትራት ባሕሬን ፡ ግብጺ ፡ ዮርዳኖስ ፡ ኩወይት ፡ ሞሮኮ ፡ ዖማን ፡ ቀጠር ፡ ስዑዲ ዓረብን ሕቡራት ኢማራት ዓረብን ነቲ ኣብ ቓዛ ዝፍጸም ዘሎ መጥቃዕቲ ን ንስቪላት ዒላማ ዝገበረን ንኣህጉራዊ ሕጊ ዝጠሓሰን እዩ ብምባል ኮኒኖሞ ።

እቲ ሓባራዊ መግለጺኦም ፡ እስራኤል ንርእሰ-ምክልኻል ዘለዋ መሰል ንመሰል ፍልስጤማውያን ብምግሃስ ኣህጉራዊ ሕጊ ንምጥሓስ ምኽንያት ክኸውን ኣይክእልን እዩ ይብል ። እቶም ናይ ዓረብ ሚኒስተራት ኣብ ቓዛ ዝነበሩ ፍልስጤማውያን ብግዲ ናብ ካልእ ቦታ ምግዓዝን ብሓባር ምቕጻዕንን ኮኒኖም ።

ነቲ እስራኤል ኣብ ፍልስጤም ትገብሮ ምግባት መሬት እውን ነቒፎምዎ እዮም ፣ ነቲ ንዓሰርተታት ዓመታት ዝቐጸለ ግጭት ፡ ማለት ነቲ ንነዊኅ እዋን ዝቐጸለ ሰላም ንምስፋን ፡ ክልተኣዊ ፍታሕ ንምትእትታው ዝያዳ ጻዕሪ ክግበር እውን ጸዊዖም እዮም ።

ዮቸቨድ ሊፍሽትዝ ፡ ብ24 ጥቅምቲ 2023 ኣብ ቴልኣቪቭ ፡ እስራኤል ፡ ብሓማስ ምስ ተፈትሐት ፡ ካብ ሆስፒታል ኢኪሎቭ ወጻኢ ንመራኸቢ ብዙሃን ተዛረበት ። ፡ ብ7 ጥቅምቲ ብሓማስ እተወስዳ ክልተአን ፡ ኑሪት ኩርን ዮቸቨድ ሊፍሽትስን ፡ ካብ ጋዛ ብቀይሕ መስቀል ኣቢለን ናብ እስራኤል ተመሊሰን ።. (Photo by Alexi J. Rosenfeld/Getty Images) Source: Getty / Alexi J. Rosenfeld