ምስ ደቀይን ኣብ ሓዳርን እናሃለኹ ኣብ ቦታ ስርሐይ ምስ መሳርሕተይ ፍቕሪ ጀሚረ፡ በቲ ዝገበርክዎ ግና ኣይጠዓስን።

ዴቪድ* ኣብ ገዛኡ መከራ ክበልዕ፡ ኣብ ስርሑ ምስ መሳርሕቱ ፍቕሪ ምጅማሩ ካብቲ ዘለዎ ናይ ገዛ ጭንቀት ዕረፍቲ ረኺቡ። በዚ ከም ዘይጠዓስ ዝዛረብ ዴቪድ ዝገበሮ ነገር ስርሑ ክስእን እንተገበሮ'ኳ "ክነብርን ክዓብን" ከም ዝሓገዞ ይዛረብ።

ዴቪድ* ኣብ ስርሑ ምስ ካልእ ፍቕሪ ክጅምር'ከሎ በዓል ሓዳር'ዩ ነይሩ። ናይ ዉልቁ ነገርን ናይ ስራሕ ህይወቱን ዳግም ከም ዘይሓዋውስ ግና ይዛረብ። Source: Getty / Image Source

ኣብ መወዳእታ 30ታት ዕድመይ ከለኹ ፡ ካብ ዝምርዖ 10 ዓመት ገይረ ነይረ ፡ ሰለስተ ቘልዑ ድማ ነይሮምኒ ፣ ምስ ሓንቲ ኣብ ስራሕ መሳርሕተይ ሰበይቲ ድማ ፍቕሪ ጀሚረ።

ኣብቲ ግዜ እቲ ፡ ኣብ ሓደ ዓብዪ ኩባንያ ኣውስትራልያ እሰርሕ ስለ ዝነበርኩ ፡ ስራሐይ ጽቡቕ እዩ ነይሩ ።

ይኹን እምበር ፡ ኣብ ናይ ገዛ ህይወተይ ብዙሕ ስለ ዝግህይ ዝነበርኩ ፡ ብህይወት ምንባረይ ኣብ ሕቶ ኣውደቕክዎ ።

ኣብ ዘይጽወር ኵነታት ድማ ጠሓልኩ ።

እቲ ጉዳይ ካብ ካልእ ክፍሊ ሓላፊ ሓንቲ ማናጀር ምስኣ ቡን ንኽሰቲ ሕቶ ምስ ቀረበለይ እዩ እቲ ርክብ ጀሚሩ ።

ስለዚ ፡ ንኣስታት ሽዱሽተ ወርሒ ዝቐጸለ ርክብ ጀመረ ።

ክልተ ብርእሶም ዝመሓደሩን ኣብ ሞያኦም ዘተኰሩን ከምኡውን ክልቴና ሰብ ሓዳር ኢና ኔርና ፣ ብሃንደበት ናብ ባህ ዘብልን ተመኵሮ ዓለም ኣተና ።

ሞያ ስራሕን ስምዒትን ምስ ዝተሓዋወስ

ኣብ ስራሕ ፍቕራዊ ዝምድና ምህላው ጌጋ ድዩ ነይሩ ? ምልስ ኢለ ክሓስቦ ከለኹ ፡ 'እወ "ወይ' ኣይፋልን" ኢለ እየ ዝምልስ ።

ሰባት፡ ብጫማኡ ኽሳእ እትኸይድ ንሰብ ክትፈርድ ከም ዘይትኽእል ይዛረቡ ።

እዚ መገዲ እዚ ክጅምር ከለኹ፡ ናይ ገዛ ልቓህ (ሞርጌጅ) ናይ ነዊሕ ዕድመ መብጽዓ ዝኣተኹሉ ስድራ ቤት ፡ ውሉዳት ፡ ሃይማኖታዊ ኣተሓሳስባ ፡ ደገፍ ስድራ ቤት ምስ ኣን ከምኡውን ኰነ ኣዘውቲሩ ኣካላውን ስምዒታውን ማህሰይቲ ዘለዎ ሰብ ኮይነ እየ ነዚ ዝምድና ጀሚረዮ ።

ኣብቲ ግዜ እቲ ፡ መውጽኢ ዘይብሉ ኩነታት ኰይኑ ተሰምዓኒ ።

እቲ ቅኑዕ ንገር ዘይገብር እንተ ኾይነ ናተይ 'ሰበይቲ ክድወለላ' ምዃኑ ተነግረኒ።

እንተኾነ ኢደይ ብኢድ ኣፍቃሪተይ ብምትንካፍ ግን ኩሉ ነገር ዝተፈልየ ኮይኑ ይስምዓኒ ።

ኣብ ስራሕ ፡ ብህይወት ንምንባርን ከም ሰብ መጠን ንምዕባይን እቲ ፍቕራዊ ዝምድና ይገብሮ ከም ዝነበርኩ ሕጂ ተረዲኡኒ ኣሎ ።

ከምኡ ስለ ዝዀነ ድማ ፡ በዚ ነገር እዚ ኣይጠዓስን እየ ።

ኰይኑ ግና ፡ ሞያይን ብሕታዊ ስምዒተይን ንሓድሕዱ ፈጺሙ ኺተሓሓዝ ከም ዘይብሉ ተገንዘብኩ ።

'ሞያዊ ስርሐይ ኣብቂዑ'

ኣብ ስርሐይ ጽቡቕ ቦታ ነይሩኒ። እዚ ድማ በቲ ዘርኣኽዎ እምነት፡ ጽቡቕ ስምን ውፉይነትን ፡ ልዕሊ ኵሉ ምኽንያት ዓወተይ እዩ ነይሩ ። እቶም ብዛዕባ እዚ ጕዳይ እዚ ዝፈልጡኒ ኣካየድተይን መሳርሕተይን በቲ ዝጀመርክዎ ዝምድና ከመይ ገይሮም ብኣይ ከም ዘይኣምኑ ሕጂ ተረዲኡኒ ኣሎ ።

ኣብ ክንድ'ቲ ዝነበረኒ ሓላፍነት ፡ ንስምዒተይ ቀዳምነት ስለ ዝሃብኩ ፡ ኽእለተይ ኣብ ሓደጋ ኣተወ ።

እዚ ውሳነ እዚ ዘሕደረለይ ጽልዋ ነዊሕ ኸይጸንሐ እዩ ተረዲኡኒ ።

ኣብ መወዳእታኡ ድማ ተዋሪደን ስመይ ጸሊሙን ። "እቲ ቅኑዕ ንገር ዘይገብር እንተ ኾይነ ናተይ 'ሰበይቲ ክድወለላ' ምዃኑ ተነግረኒ።

ኣብቲ እዋን እቲ ፡ ብቕጽበት ስርሐይ ከም ዘብቅዕ ፈለጥኩ ።

ዴቪድ* ሓላፍነት ኣብ ዘለዎ ናይ ስራሕ ጽፍሒ እናሃለወ ኣብ ቦታ ስራሕ ምስ መሳርሕቱ ዝምድና ክገብር ከምዘይነበሮ ይገልጽ። Source: Getty / mapo/iStockphoto

ንነዊኅ ዓመታት ብዛዕባ እቲ ኵነታት ከስተንትን ድሕሪ ምጽናሕ ፡ እቲ ጕዳይ ኣብ ቦታ ስራሕ ምፍጻሙ ፡ ኣዝየ እጠዓስ እየ ።

ስምዒተይ ምቍጽጻር ስኢነ እየ ። ስርሐይን ስማተይን ቀዳምነት ስለ ዘይሃብክዎ ፡ ስራሐይ ክስእኖ ተገዲደ ።

ኣብ ገዛኹም ዘሎ ጸገም ንምጻሩ ኣብ ዘይትኽእልሉ ኩነት እንተኣቲኹም እሞ ካብ ሓዳርኩም ወጻኢ ርክብ እንተደሊኹም ፡ ኣብ ስራሕኩም ኣይትግበሩ ።

ሓላፍነት ዘለዎም ሰባት ፡ ማለት ካብ ሰበ ስልጣን መንግስቲ ፡ ኣካየድቲ ስራሕን ካልኦት መራሕትን ፡ ነቲ ሓላፍነት ብዘይ ሕቶ ኺድግፍዎ ትጽቢት ንገብር ኢና ።

ዝዀነ ኰይኑ ፡ ውልቃዊ ህይወትኩም ምስ ሞያዊ ህይወትኩም ክተሓዋወስ የብሉን ።

ኵሉ ነገራትካ ከኽፍለካ ይኽእል እዩ ።

* ስም ተቐዪሩ እዩ ።

Information and support with mental health is available at beyondblue.org.au and on 1300 22 4636.

Embrace Multicultural Mental Health supports people from culturally and linguistically diverse backgrounds.