ብመሰረት" ቲ ናይ "ቲ ዞባ ገዛኢ ህዝባዊ ግንባር ሓርነት ትግራይ (ህወሓት) ፈደራላዊ ሰራዊት ኢትዮጵያ ኣብ ልዕሊ ናይ ትግራይ ሓይልታት መጥቃዕቲ ብሰኑይ ጀሚሩ ፡ ።
ወሃቢ ቃል ህወሓት ጌታቸው ረዳ ንሮይተርስ ብቴሌፎን ኣብ ዝሃቦ ቃል፡ ሰራዊት ኢትዮጵያ ምስ ኩሎም ሓይልታት ብምዃን ብ ሰሜን ኣምሓራ ሰኑይ ንግሆ ሓይልታት ትግራይ ካብ ክልል ኣምሓራ ንምድፋእ መጥቃዕቲ ከምዝጀመረ ገሊጹ ።
ሮይተርስ ነቲ ናይ ኣቶ ጌታቸው ቃል ብኻልእ ኣካል ከረጋግፆ ኣይከኣለን ።
ወሃቢት ቃል ቀዳማይ ሚኒስተር ኢትዮጵያ ኣብዪ ኣሕመድ ቢለኔ ስዩም ፡ መንግስቲ ኢትዮጵያ ኣብ ኩሉ ክፋላት እታ ሃገር ንዝርከቡ ዜጋታቱ ካብ ዝዀነ ይኹን ግብረ-ሽበራ ናይ ምሕላው ሓላፍነት ከም ዘለዎ ገሊጻ ።
"መንግስቲ ኢትዮጵያ ነቲ ህወሓት ኣብ ክልል ኣምሓራን ኣብ ካልእ ቦታታትን ዘውረዶ ዕንወት: ዓመጽን ቅትለትን ብቐጻሊ ክቃወሞ እዩ" በለት ።
ኣምሓራን ትግራይን ንዓሰርተታት ዓመታት ዝጸንሐ ምስሕሓብ ኣለዎም ፡ ኣምሓራ ናይ ክልል ኣምሓራ ዝኾነ ልሙዕ ናይ ሕርሻ ቦታታት ኣብ ትሕቲ ትግራይ ኮይኑ ኢሎም ይሟጎቱ ።
ኣብ ወርሒ ሰነ ፡ ሓይልታት ትግራይ ንመብዛሕትኡ ክፋል ትግራይ ተቖጻጺሮምዎ ፡ ሃገራዊ ሰራዊት ካብ ሃገር ክወጽእ ተገዲዱ ። ሽዑ ትግራይ ኣብ ወርሒ ሓምለ ንጎረቤት ክልል ኣምሓራ ወሪራ ፡ እዚ ሕጂ ብሓይሊታት ትግራይ ዝካየድ ዘሎ ዉግእ ድማ ንሓይልታት ኣምሓራ ካብቲ ብዙሕ ወታደራት ሓይሊ ዘለዎ ዞባ ምዕራብ ትግራይ ብሓይሊ ንምውፃእ ዝግበር ሜላ እዩ ኢላ ።
ኣፈኛ ክልል ኣምሓራ ዝሓለፈ ሰሙን ኣብ ትዊተር ኣብ ዝዘርግሖ ሓበሬታ ፡ ኣብ ልዕሊ ሓይልታት ትግራይ ዝፍኖ መጥቃዕቲ ዘይተርፍ ምዃኑ ድሕሪ ምምልካት ፡ ካብ ዓርቢ ጀሚሩ ኣብ ሓያሎ ብትግራይ ተታሒዞም ዝነበሩ ከባቢታት ኣምሓራ ከቢድ ደብዳብ ነፈርቲ ከም እተኻየደ ዲፕሎማስያውያን ምንጭታት ሓቢሮም ።
People receive food donated by local residents at a reception centre for the internally displaced in Mekele, in the Tigray region of northern Ethiopia Source: AP
ኣቶ ጌታቸው ብሰኑይ ናይ መሬት ኲናት ከምዝተጀመረ ተዛሪቡ።
እቲ ብኣቶ ጌታቸው ዝምራጝ ቤት ፅሕፈት ኣብ ዘውጽኦ መግለጺ "ንግሆ 11 ጥቕምቲ ሰራዊት ኢትዮጵያ ምስ ፍሉያት ሓይልታት ኣምሓራ ተሓባቢሮም ኣብ ኩሉ ግንባራት መጥቃዕቲ ጀሚሮም ኣለዉ።"
ኣቶ ጌታቸው ኣብ ናይ ኣምሓራ ዞባ ወጌለንታ ፣ ወርጌሳን ከተማ ሃሮን ውግእ ከምዘሎን እቶም ሓይልታት ድማ ከበድቲ መዳፍዕ ፣ ተዋጋእቲ ነፈርቲ ፣ ድሮን ፣ ታንክታትን ሮኬታትን ተጠቒሞም የጥቅዑ ከምዘለው ተዛሪቡ ።
ናይ ኣምሓራ ክልላዊ መንግስቲ ርእይቶ ንክህብ ተሓቲቱ ንሮይተርስ ንፌደራል መንግስቲ ክውከስ ነጊርዎ።
እቲ ካብ ሕዳር 2020 ጀሚሩ ዝካየድ ዘሎ ኲናት ፡ ብሚልዮናት ዝቝጸሩ ህዝቢ ኣመዛቢሉ ፡ ብኣማእታት ኣሽሓት ዝቝጸሩ ህዝቢ ትግራይ ድማ ብጥሜት ክሞቱ ተገዲዶም ኣለዉ ፣ ውድብ ሕቡራት ሃገራት ፡ መንግስቲ ረዲኤት ናብ ትግራይ ከይኣቱ ይዓግት ከም ዘሎ ወቒሱ ኣሎ ። መንግስቲ ረዲኤት ኣይዓጸኹን ኢሉ ይኽሕድ ።
እቲ ኲናት ኣብ ትግራይ ከባቢ 5.2 ሚልዮን ማለት ልዕሊ 90 ሚኢታዊት ህዝቢ ክኸውን ከሎ ካልኦት 1.7 ሚልዮን ህዝቢ ዓፋርን ኣምሓራን ድማ ኣብ ናይ ምግቢ ረድኤት ዝምርኮሱ ጌርዎም ኣሎ።
