ኮቪድ-19 እዋናዊ ሓበሬታ: ኣውስትራልያ ዝለዓለ ቁጽሪ ምውታት ኣብ መዓልቲ ኣብ ዘመዝገበትሉ ቪክቶርያ መጠንቀቕታ ሕብሪ ንሆስፒታላታ ቀይራ

እዚ ናይ ጥሪ 18፡ 2022 እዋናዊ ሓበሬታ ብዛዕባ ኮሮናቫይረስ ኣብ ኣውስትራልያ እዩ።

Paramedics are seen tending to their ambulance outside St Vincent hospital in Melbourne. Source: AAP

ዝለዓለ ክብረወሰን ኣብ መዓልታዊ መዝገባት ሞት ለበዳ ኣውስትራልያ ዝኾነ 74 መወትቲ ብሰንኪ ኮቪድ-19 ናብ ሎሚ ዘውግሕ ኣብ ኒው ሳውዝ ዌልስ፡ ቪክቶርያን ኲንስላንድን ተመዝጊቦም።
ቪክቶርያ ማዕበል ኦሚክሮን ኣገልግሎታት ጥዕና ኣብ ምጽላው ይቕጽለሉ ኣብ ዘሎ እዋን ኣብ መላእ ሆስፒታላት መጠንቀቕታ ህጹጽ ኩነታት 'ኮድ ብራውን' ኣዊጃ።
ምክትል ፕሪምየር ቪክቶርያ ጀይምስ መርሊኖ ኣብ ስርዓተ ክንክን ጥዕናና ዝኸፍአ ሕጽረታት ዓቕሚሰብ ነመቓርሓሉ ነጥቢ ኢና በጺሕና ዘለና ኢሉ።
እዚ ኣዋጅ ወይ መምርሒ ኣብ ሽዱሽተ ዞባዊ ሆስፒታላት'ውን ዝትግበር ኮይኑ ገለ ሰራሕተኛታት ወይ ኣባላት ሆስፒታል ካብ ዕረፍቶም ክጽውዑ ይኽእሉን ኣገዳሲ ዘይኮነ ክንክን ከኣ ናብ ካልእ እዋን ክሰጋገር ይኽእል።
ኒው ሳውዝ ዌልስ 29 830 ሓደስቲ መልከፍታት - ዝበዝሑ ብመንገዲ መመርመሪ ፒሲኣር ዝተመዝገቡ - ጸብጺባ፡ ኣብ ርእሲ'ዚ 2 850 ሰባት ኣብ ሆስፒታል ክህልዉ እንከለዉ 209 ካብኦም ኣብ ክፍሊ ጽዑቕ ክንክን (ኣይሲዩ) ይርከቡ።
ጋዜጣ ዘ ሲድኒ ሞርኒንግ ሄራልድ ከምዝጸብጸበቶ ናይ'ታ ግዝኣት 1.2 ሚልዮን ተመሃሮ፡ ኣብ ትሕቲ ሓደ ምምላስ ናብ ቤት ትምህርቲ ዝዓለመ እማመ፡ ክልተ ግዜ ኣብ ሰሙን መርመራ ራፒድ ኣንቲጀን ቴስት (ኣርኤቲ) ክገብሩ'ዮም።
ኣብ ታዝመንያ፡ ካብ ፍርቂ ለይቲ ኣትሒዙ ምሉእ ብምሉእ ዝተኸትቡ ተጓዓዝቲ/ገያሾ እቲ ጉዕዞኦም/መገሽኦም ክምዝግብዎ ወይ ከኣ ቅድሚ መገሽኦም መርመራ ኮቪድ ክገብሩ ኣይክሕተቱን'ዮም፡ እንተኾነ ግን እዞም መምርሒታት ነቶም ዘይተኸትቡ ሰባት ኣይቅየሩን'ዮም።
ኣብ ኲንስላንድ ሰብ መዚ ጥዕና ብምኽንያት'ዚ ህሉው ኩነታት ከደናግይዎ ድሕሪ ምውሳኖም ሓድሽ ዓመተ ትምህርቲ ክልተ ሰሙን ዶንግዩ ክጅመር'ዩ።
ኲንስላንድ 16 ዝመቱ ሰባት ኣብ ዝመዝገበትሉ ኣብ ዙርያ መሳለጥያታት ጥዕና ተኽእሎ ምስፍሕፋሕ ናይ'ቲ ቫይረስ ንምቕናስ ሚኒስተር ጥዕና ይቨት ዳ'ት ኣብ መምርሒታት በጻሕቲ ናብ ሆስፒታላት ምቅይያራት ከምዝተገብሩ ኣፍሊጣ።
ሕብረት ኤውሮጳ ብምኽንያት ምውሳኽ ቁጽሪ መልከፍትታት ንዘይተኸትቡ ገየሽቲ ካብ ኣውስትራልያ፡ ኣርጀንቲናን ካናዳን መምርሒታት መገሻ ኮቪድ-19 ከትርሮ'ዩ።

ብዙሓት ግዝኣታት ንመርመራ ራፒድ ኣንቲጀን ቴስት (ራት) ዝኸውን መመዝገቢ ቅጥዒ ኣዳልየን ኣለዋ።