གདོད་མའི་མི་རིགས་ཀྱི་དགོས་འདུན་སྐོར་མི་མང་འོས་བསྡུ་བྱ་རྒྱུ་གྲོས་ཚོགས་གོང་མའི་ནང་ཐག་གཅོད་བྱུང་།

ཨོ་གླིང་གྲོས་ཚོགས་གོང་མའི་ནང་དེ་རིང་ནས་བཟུང་སྟེ་མ་འོངས་ཟླ་བ་ ༢ ནས་ ༦ ནང་ཚུད་ངེས་པར་དུ་གདོང་མའི་མི་རིགས་ཀྱི་ཁེ་དབང་སྐོར་མི་མང་འོས་བསྡུ་བྱ་རྒྱུ་ཐག་གཅོད་བྱུང་ཡོད་པ་རེད།

The legislation on the Indigenous Voice referendum question has passed federal parliament, a development that moves the nation closer to a referendum date being determined. Source: AAP / Lukas Coch

KEY POINTS:

• More than 17 million Australians are registered to vote in the referendum later this year.
• The passage of the Voice referendum bill triggers the process of setting a firm date for the vote.
• The date must be set within two months and six months from today.

ཨོ་སི་ཊོ་ལི་ཡའི་གདོད་མའི་མི་རིགས་ཀྱི་དགོས་འདུན་སྐོར་མི་མང་གི་ཐད་ཀར་མང་མོས་འོས་བསྡུ་བྱེད་དགོས་མིན་ཐད་ཨོ་སི་ཊོ་ལི་ཡའི་གྲོས་ཚོགས་གོང་མའི་ནང་རྒྱབ་སྐྱོར་འོས་གྲངས་ ༥༢ དང་དགག་བྱ་འོས་གྲངས་ ༡༩ བྱུང་སྟེ། གནད་དོན་དེའི་ཐད་འོས་བསྡུ་བྱ་རྒྱུ་རྒྱལ་ཁ་ཐོབ་པར་གྲོས་ཚོགས་འོག་མར་འབོད་སྐུལ་ཆེད་མ་འོངས་ཟླ་བ་ ༦ གི་ནང་མི་མང་འོས་བསྡུ་བྱ་རྒྱུ་ཡིན་པ་རེད།

རེས་གཟའ་ཟླ་བ་ཉིན་གྲོས་ཚོགས་གཞུང་འབྲེལ་གྱི་ཐོག་ནས་གདོད་མའི་མི་རིགས་ཀྱི་གནད་དོན་སྐོར་མི་མང་འོས་བསྡུ་ཐད་གོམ་པ་སྤོས་པ་དང་། ད་ནི་ཨོ་སི་ོཊོ་ལི་ཡའི་རྩ་ཁྲིམས་ནང་གཙོ་བོར་དེ་སྔོན་ཕྱི་ལོ་ ༢༠༡༧ ལོར་གདོད་མའི་མི་རིགས་ཀྱི་དགོས་འདུན་འབོད་སྒྲ་<<ཨུ་ལུ་རུའི་སེམས་ཀྱི་བསྒྲགས་གཏམ་>>དེ་ཡང་སྙིང་རྩ་ཁྲིམས་ནང་བཀོད་དགོས་མིན་ཐག་གཅོད་བྱ་རྒྱུའི་དུས་ལ་སླེབས་ཡོད་པ་རེད།

འོས་བསྡུ་རྒྱབ་སྐྱོར་ལས་འགུལ་བ་ཚོས་<<གྲོས་ཚོགས་ཀྱི་ལས་དོན་གྲུབ་པ་རེད་>>ད་ནི་རྩ་ཁྲིམས་འགྱུར་བ་གཏོང་ཕྱོགས་ཐད་གཞི་རིམ་གྱི་བགྲོ་གླེང་ལ་ཤུགས་སྣོན་རྒྱག་གི་ཡོད་པ་རེད།

• Key architect answers your questions on the Voice
• Not all Liberals oppose the Voice. Here's where they stand
• We asked mining giants whether they'll follow the Voice's advice

ཨོ་སི་ཊོ་ལི་ཡའི་གདོད་མའི་མི་རིགས་ཀྱི་བློན་ཆེན་ལིན་ཌ་བྷུར་ནེ་ Linda Burney ལགས་ཀྱིས་ཨོ་སི་ཊོ་ལི་ཡ་འཕེལ་རྒྱས་ཀྱི་ལམ་དུ་བསྐྱོད་ནས་རྩ་ཁྲིམས་ནང་གདོད་མའི་མི་རིགས་ངོས་འཛིན་བྱེད་པར་གོམ་པ་གཅིག་མདུན་དུ་སྤོས་ཡོད་པས། དེས་ཨོ་སི་ཊོ་ལི་ཡ་སྔར་ལས་ཀྱང་རླབས་ཆེན་དུ་གྱུར་ཡོད་སྐོར་བརྗོད།

ཁོ་མོས་དེ་རིང་ནས་ཆབ་སྲིད་ཀྱི་བགྲོ་གླེང་མཇུག་སྒྲིལ་བ་རེད། ད་ནས་རྒྱལ་ཡོངས་སུ་གཞི་རིམ་སྤྱི་ཚོགས་རང་བཞིན་གྱི་ཁ་བརྡ་འགོ་བཙུགས་ཆོག་གི་རེད་ཅེས་གསུངས།

ཁོ་མོས་"ཡང་དག་མིན་པའི་ལམ་ལུགས་ཤིག་གི་འོག དུས་ཡུན་ཧ་ཅང་རིང་པོ་ཞིག་གི་རིང་ཨོ་སི་ཊོ་ལི་ཡའི་གདོད་མའི་མི་རིགས་རྣམས་ནི་གདོད་མའི་མི་རིགས་མིན་པའི་ཨོ་སི་ཊོ་ལི་ཡའི་མི་མང་གཞན་ལས་གནས་སྟངས་སྐྱོ་བ་ལྷག་ཡོད་པ་དང་། འབོད་སྒྲ་ནི་དགེ་སྐྱོན་ཡོང་སྲང་བྱེད་པའི་གོ་སྐབས་ཡག་ཤོས་ཤིག་རེད། གང་ཡིན་ཟེར་ན་ང་ཚོས་གཞི་རིམ་མི་མང་གི་བསམ་ཚུལ་ཉན་པ་དང་ས་གནས་མི་མང་དང་བསམ་ཚུལ་བརྗེ་ལེན་བྱེད་པའི་སྐབས་སུ་ཁོང་ཚོ་ལས་ཐག་གཅོད་ཡག་པོ་ཞིག་དང་གྲུབ་འབྲས་བཟང་པོ་ཞིག་ཡོང་ངེས་རེད་"ཅེས་གསུངས་འདུག

འབོད་སྒྲ་དེའི་ཐད་དམིགས་བསལ་སློབ་སྟོན་ཚོགས་ཆུང་ཞིག་དགོས་སྐོར་ཨོ་སི་ཊོ་ལི་ཡའི་གཞུང་འཛིན་ངལ་རྩོལ་ཚོགས་པར་གནོན་ཤུགས་སླེབས་བཞིན་པ་དང་། ཚོགས་ཆུང་དེའི་ཐོག་ནས་་ཨོ་སི་ཊོ་ལི་ཡའི་གདོད་མའི་མི་རིགས་རྣམས་ལ་ཨོ་སི་ཊོ་ལི་ཡའི་གཞུང་དང་གྲོས་ཚོགས་ལ་ལམ་སྟོན་བྱེད་པའི་གོ་སྐབས་དང་དམིགས་བསལ་གནད་དོན་དེར་ཤུགས་རྐྱེན་ཐེབས་སྲིད་ཀྱི་ཡོད་པ་རེད།

ཡིན་ན་ཡང་སྐྱོན་བརྗོད་བྱེད་མཁན་ཁག་ཅིག་གིས་གྲོས་གཞི་དེ་ནི་ཉེན་ཁ་ཅན་ཞིག་དང་། དེས་ཨོ་སི་ཊོ་ལི་ཡའི་གདོད་མའི་མི་རིགས་རྣམས་ལ་ཁེ་དབང་ཐོབ་པར་ཕན་ཐོགས་མེད་སྐོར་བརྗོད་བཞིན་ཡོད།

དུས་རབས་ཕྱེད་ཀ་ཙམ་གྱི་དུས་ཡུན་ནང་གདོད་མའི་རིགས་ཀྱི་གནད་དོན་སྐོར་མང་མོས་འོས་བསྡུ་བྱེད་པར་ཐོག་མ་དེ་ཆགས་རྒྱུ་ཡིན་པ་དང་། མི་མང་འོས་བསྡུ་དེ་ཉེ་ཆར་རེས་གཟའ་ཟླ་བ་ནས་བརྩིས་པའི་ཟླ་བ་ ༢ ནས་ ༦ ནང་ཚུད་ངེས་པར་དུ་ལག་བསྟར་བྱེད་དགོས་ཀྱི་ཡོད་པ་དང་། ཨོ་སི་ཊོ་ལི་ཡའི་སྲིད་བློན་ཨན་ཐོ་ནེ་ཨལ་བྷ་ནེ་སེ་ Anthony Albanese མཆོག་གིས་ལས་དོན་དེ་འདི་ལོར་བརྩམས་ཐུབ་པ་བྱ་རྒྱུ་ཡིན་སྐོར་བརྗོད་འདུག

སྐབས་དེར་ཁོང་གིས་"འདི་ནི་ང་ཚོའི་མི་ཚེའི་ནང་ང་ཚོའི་རྒྱལ་ཁབ་འདི་སྔར་ལས་གཟི་བརྗིད་ཇེ་ཆེར་གཏོང་བའི་གོ་སྐབས་གཅིག་པུ་ཙམ་རེད་"ཅེས་བསྒྲགས་གཏམ་སྤེལ།

Independent Senator Lidia Thorpe reacts after the passing of the Voice to Parliament in the Senate chamber at Parliament House. Source: AAP / Lukas Coch

ཁོང་གིས་"དོན་དངོས་སུ་མི་མང་པོ་ཞིག་བལྟས་ནས་བསྡད་ཡོད་པ་རེད། གནད་དོན་འདིས་ཁོང་ཚོའི་འཚོ་བར་ཁ་ཐུག་ཤུགས་རྐྱེན་ཐེབས་མི་ཐུབ་ཀྱང་ད་ལྟའི་ཆར་ཨོ་སི་ཊོ་ལི་ཡའི་ནང་གོ་སྐབས་ཉུང་ཤོས་ཅན་གྱི་མི་རྣམས་ཀྱི་འཚོ་བར་ཡར་རྒྱས་འགྲོ་ངེས་རེད། གལ་སྲིད་ཁྱེད་རང་གི་འབད་བརྩོན་ཞིག་བྱས་ཚེ་དེ་ལ་དཔག་པའི་གྲུབ་འབྲས་བཟང་པོ་ཞིག་ལ་རེ་བ་རྒྱག་ཆོག"

"འདི་ནི་ཨོ་སི་ཊོ་ལི་ཡའི་གདོད་མའི་མི་རིགས་རྣམས་ཀྱི་ཆེད་དུ་ལས་ཀྱང་ཨོ་སི་ཊོ་ལི་ཡའི་གདོད་མའི་མི་རིགས་རྣམས་དང་ལྷན་དུ་ཨོ་སི་ཊོ་ལི་ཡའི་མ་འོངས་པའི་ཆེད་དུ་ལས་དོན་རླབས་ཆེན་ཞིག་སྒྲུབ་པའི་གོ་སྐབས་ཤིག་རེད་"ཅེས་གསུངས།

ཆབ་སྲིད་ཚོགས་པ་མཉམ་གཅིག་ཏུ་མང་མོས་འོས་བསྡུའི་གྲོས་གཞིར་ཐག་གཅོད་བྱུང་བ།

དགག་བྱ་བྱེད་མཁན་ཡོད་མེད་ལ་མ་བལྟོས་པར་རེས་གཟའ་ཟླ་བ་ཉིན་གྲོས་གཞི་དེར་རྒྱབ་སྐྱོར་ཐག་གཅོད་བྱུང་།

ཨོ་སི་ཊོ་ལི་ཡའི་གུ་ཡངས་ Liberal ཚོགས་པའི་གྲོས་ཚོགས་འཐུས་མི་མེ་ཤལ་ཁེ་ཤེ་ Michaelia Cash ལགས་ཀྱིས་འོས་བསྡུ་བྱས་ཚེ་ཨོ་སི་ཊོ་ལི་ཡའི་རྩ་ཁྲིམས་ལ་"ལྡོག་ཐབས་མེད་པའི་འགྱུར་ལྡོག་"ཅིག་ཡོང་རྒྱུ་ཡིན་པ་དང་། གཞུང་འཛིན་ངལ་རྩོལ་ཚོགས་པར་འཆར་གཞི་ཞིབ་ཕྲ་གང་ཡང་མི་འདུག་ཅེས་སྐྱོན་བརྗོད་བྱས།

ཁོ་མོས་"ཡིན་ན་ཡང་རྒྱལ་ཁབ་འདིའི་མི་མང་རྣམས་ལ་གནད་དོན་འདིའི་ཐད་སྐད་ཆ་ཞིག་བཤད་རྒྱུ་ནི་ཁོང་ཚོའི་ཐོབ་ཐང་ཡིན་པ་ང་ཚོས་ཡིད་ཆེས་བྱེད་བཞིན་ཡོད།" གལ་ཏེ་ཁྱོད་ཀྱིས་འབོད་སྒྲ་དེས་ཕན་ཐོགས་གང་འདྲ་ཞིག་ཆགས་རྒྱུ་ཡིན་མིན་མ་ཤེས་ན། ངའི་ཁེངས་སྐྱུང་སྤངས་པའི་རེ་སྐུལ་ནི་འོས་ཤོག་"མིན་ No"་ཞེས་འཕེན་རྒྱུ་དེ་རེད་ཅེས་བརྗོད་འདུག

ཨོ་སི་ཊོ་ལི་ཡའི་གདོད་མའི་མི་རིགས་ཀྱི་མགྲིན་ཚབ་མ་ཇཱ་ཤིན་ཏཱ་ཕི་རེ་སི་ Jacinta Price ལགས་ཀྱིས་གྲོས་ཚོགས་ལ་མི་མང་འོས་བསྡུ་རྗེས་སུ་གནས་ཚུལ་ཞིབ་ཕྲ་མེད་པ་ནི་བཅའ་ཁྲིམས་ཀྱི་ཉེན་ཁ་ཧ་ཅང་ཆེན་པོ་ཡིན་སྐོར་བརྗོད་འདུག

ཁོ་མོས་"སྲིད་བློན་གྱིས་ང་ཚོས་མིག་བཙུམ་ནས་ཁོང་ལ་ཡིད་ཆེས་ཀྱིས་ཡིག་འཛིན་སྟོང་པར་ས་ཡིག་རྒྱག་ཏུ་བཅུག་འདོད་ཡོད་པ་རེད། ཁོང་གི་ཉེན་ཁ་ཆེ་བའི་གྲོས་གཞི་དེར་གཏན་དུ་རྩ་ཁྲིམས་ནང་བཀོད་ཆོག་པར་བཟོ་དུ་བཅུག་འདོད་ཡོད་ཀྱང་དེའི་ཐད་ཁོང་གིས་ཁག་ཐེག་གང་ཡང་བྱེད་ཐུབ་ཀྱི་མ་རེད་"ཅེས་གསུངས་འདུག

མཉམ་འབྲེལ་ཆབ་སྲིད་ཚོགས་པའི་ཚོགས་མི་ཉུང་ཤས་ཤིག་གིས་ཁྲིམས་དོན་གྲོས་གཞི་དེར་དགག་བྱའི་འདེམས་ཤོག་འཕངས་ནས་ཁོང་ཚོས་དོན་དངོས་སུ་མི་མང་གིས་འོས་བསྡུ་ཐག་གཅོད་བྱེད་པའི་དེབ་ཐེར་ནང་བྱས་ཉེས་གང་ཡང་མེད་པར་བཟོ་བའི་ཐབས་ཇུས་ཤིག་ཡིན་པ་རེད།

ལྗང་གུ་ཚོགས་པས་"ལོ་རྒྱུས་ཀྱི་དོན་སྙིང་ལྡན་པའི་ཉིན་མོ་"དེར་དགའ་བསུ་ཞུས་པ།

ལྗང་གུ་ཚོགས་པའི་གདོད་མའི་མི་རིགས་ཀྱི་མགྲིན་ཚབ་མ་དྷོ་རེན་དྷ་ཁོ་སི་ Doringda Cox ལགས་ཀྱིས་ཨོ་སི་ཊོ་ལི་ཡའི་མི་སེར་དང་པོ་རྣམས་ཀྱི་བདེན་དོན་ཆེད་འབོད་སྒྲའི་སྔོན་ལ་"ལོ་རྒྱུས་ཀྱི་དོན་སྙིང་ལྡན་པའི་ཉིན་མོ་"ཞིག་བྱུང་བ་རེད། གྲོས་ཚོགས་ཀྱི་ལས་དོན་གྲུབ་ཡོད་ཅིང་། ད་ནི་འོས་འདེམས་རྒྱབ་སྐྱོར་གྱི་ལས་འགུལ་དེ་སྤྱི་ཚོགས་ནང་སྤེལ་ནས་ཨོ་སི་ཊོ་ལི་ཡའི་མི་ཚང་མར་མི་མང་གི་བསམ་ཤོག་འོས་བསྡུ་དེ་གལ་ཆེན་པོ་གང་འདྲ་ཡིན་མིན་དང་གྲོས་ཚོགས་ལ་འབོད་སྒྲ་དེ་གལ་ཆེན་པོ་གང་འདྲ་ཆགས་ཀྱི་ཡོད་མེད་འགྲེལ་བརྗོད་བྱེད་དགོས་ཀྱི་ཡོད་པ་རེད་"ཅེས་བརྗོད་འདུག

Ms Burney, seated left, was present for the debate. Source: AAP / Lukas Coch

ཁོ་མོས་"འདི་ནི་ཐོག་མ་འགོ་འཛུགས་སྐབས་ག་རེ་དགོས་མིན་དེ་གཅིག་པུ་དེ་རེད། ང་ཚོས་རྒྱལ་ཁབ་འདིའི་ནང་གི་མི་རིགས་དང་པོ་ཚོའི་ཐོབ་ཐང་བསྐྱར་གསོ་བྱེད་དགོས་པ་རེད། མ་ཚད་ང་ཚོ་བདེན་པ་དང་ཆིངས་དོན་གྱི་ཕྱོགས་སུ་མདུན་བསྐྱོད་བྱེད་དགོས་པ་རེད་"ཅེས་གསུངས།

གྲོས་ཚོགས་འཐུས་མི་ཁོ་སེ་ Cox ཡིས་འབོད་སྒྲ་དེས་གདོད་མའི་མི་རིགས་རྣམས་ཀྱི་བདག་དབང་ལ་གཏོར་བརླག་བྱ་རྒྱུ་མེད་ཚུལ་བརྗོད་སྐབས། རང་དབང་ལྡན་པའི་གྲོས་ཚོགས་འཐུས་མི་ལིན་ཌ་ཐོར་ཕེ་ Lidia Thorpe ཡིས་ཁོ་མོའི་གཏམ་བཤད་ཡང་ཡང་བར་ཆད་བཟོས་པ་དང་ཁོ་མོས་ལྗང་ཁུ་ཚོགས་པའི་ངོས་ནས་རྒྱབ་སྐྱོར་ལས་འགུལ་ནས་ཕྱིར་འཐེན་བྱ་རྒྱུ་ཡིན་སྐོར་བརྗོད། གྲོས་ཚོགས་འཐུས་མི་ཐོར་ཕེ་ཡིས་ཁོ་མོར་"བདེན་དཔངས་"བྱེད་དགོས་ཅེས་ཡང་ཡང་བཤད། ཁོ་མོས་མང་མོས་བསམས་ཤོག་འོས་བསྡུ་དེར་རྒྱབ་སྐྱོར་བྱ་རྒྱུ་མིན་"No"ཞེས་བསམ་ཤོག་འཕེན་རྒྱུ་ཡིན་སྐོར་བརྗོད།

Minister for Indigenous Australians Linda Burney poses for a photo with 40 members of Jawun at Parliament House in Canberra. Source: AAP / Mick Tsikas

ཁོ་མོས་རྒྱལ་ཁབ་འདིའི་ནང་མི་རིགས་དང་པོ་རྣམས་ཀྱི་བདག་དབང་ལ་མི་སེར་སྤེལ་ཡུལ་མེད་པ་བཟོ་དགོས་པ་དང་། ང་ཚོ་ཚང་མ་ད་ལྟ་དྲག་ཤུགས་ཀྱི་སྒྲོམ་གཞི་འོག་ཏུ་གནས་ཡོད། ང་འདིར་ཡོང་དོན་ནི་མི་རིགས་དཀར་པོ་མཆོག་འཛིན་རྩ་མེད་གཏོང་ཆེད་དུ་ཡིན་ཞེས་བརྗོད།

("Gammin"གྷ་མིན་ནི་གདོད་མའི་མི་རིགས་ཀྱི་སྤྱི་ཚོགས་ནང་རྒྱུན་དུ་སྤྱོད་བཞིན་པའི་"སྐྱག་རྫུན་"ཞེས་པའི་དོན་ཡིན།) ང་ཚོས་ཤེས་གསལ་ལྟར་འདི་ནི་སྐྱག་རྫུན་དང་འཁྲབ་སྟོན་རེད། ང་ཚོའི་འཚོ་གནས་ཀྱི་དཀའ་ངལ་སེལ་བར་ང་ཚོས་སྐད་ཆ་སྙིང་རྗེ་མོ་དང་སེམས་འགུལ་ཐེབས་པའི་སྒྲུང་མང་པོ་ཞིག་གོ་བཞིན་ཡོད་པ་དང་། དཀའ་ངལ་ཚང་མ་སེལ་འགྲོ་རྒྱུ་རེད་བསམས་ཡང་། མང་མོས་བསམས་ཤོག་འདིའི་རྗེས་ནས་གང་ཡང་ཡོང་གི་མ་རེད་ཅེས་བརྗོད།

རེས་གཟའ་ཟླ་བ་ཉིན་གྲོས་ཚོགས་ནང་བགྲོ་གླེང་སྐབས་ངལ་རྩོལ་ཚོགས་པའི་གྲོས་ཚོགས་འཐུས་མི་མཱ་ལར་ཌ་རེ་མེ་ཀཱ་ཐེ་ Malarndirri McCarthy ཡིས་"མ་འོངས་པའི་གྲུབ་འབྲས་བཟང་པོ་ཡོང་བར་"ཨོ་སི་ཊོ་ལི་ཡི་མི་རྣམས་ཀྱིས་རྒྱབ་སྐྱོར་"Yes" ཞེས་འོས་འཕེན་དགོས་པའི་རེ་སྐུལ་དང་། འབོད་སྒྲ་དེས་གདོད་མའི་མི་རིགས་རྣམས་ལ་ཕན་ཐོགས་རླབས་ཆེན་ཡོད་སྐོར་བརྗོད།

ཐེངས་འདིར་ཨོ་སི་ཊོ་ལི་ཡའི་མི་ཚང་མས་ང་ཚོའི་རྒྱལ་ཁབ་ཀྱི་ལོ་རྒྱུས་ནང་གདོད་མའི་མི་རིགས་རྣམས་ནི་སྤོབས་པ་སྐྱེ་འོས་པ་ཞིག་ཡིན་པ་སེམས་ལ་འཚོ་ཐུབ་པ་བྱ་རྒྱུ་དང་། ང་ཚོས་གཅིག་གིས་གཅིག་ཡར་བཀྱག་ཐུབ་པ་བྱེད་དགོས་ཞེས་བརྗོད།

ཕལ་ཧན་སུན་གྱི་སྐད་ཆ་ལས་རྩོད་གླེང་།

རྒྱལ་ཁབ་གཅིག་ One Nation ཞེས་པའི་ཆབ་སྲིད་ཚོགས་པ་དེའི་གྲོས་ཚོགས་འཐུས་མི་ཕལ་ཧན་སུན་ Pauline Hanson གྱིས་ཨོ་སི་ཊོ་ལི་ཡའི་མི་རྣམས་ལ་ག་རེ་བྱས་ནས་མི་རབས་ནས་མི་རབས་བར་བརྐུ་འཁྱེར་གྱི་གནས་ཚུལ་ལྷག་པ་རེད་ཅེས་དྲིས་སྐབས། གྲོས་ཚོགས་འཐུས་མི་མེ་ཁེ་ཁར་ཐེ་ McCarthey མ་འོངས་ཟླ་བ་འགའི་ནང་དེའི་སྐོར་རྩོད་གླེང་ཡོང་སྲིད་པའི་སེམས་འཚབ་ཡོད་སྐོར་བརྗོད། གྲོས་ཚོགས་འཐུས་མི་མེ་ཁེ་ཁར་ཐེ་ McCarthey ཡིས་ཨོ་སི་ཊོ་ལི་ཡའི་མི་རྣམས་ཀྱིས་རྩོད་གླེང་སྐབས་སུ་ཁྱེད་རང་ཚོ་སོ་སོ་རང་ངོས་ནས་བཟང་ཕྱོགས་ཀྱི་ཆ་ནས་ཉན་དགོས་ཀྱི་ཡོད་སྐོར་འབོད་སྐུལ་བྱས།

Senator McCarthy conceded concern over the tenor of the debate, just moments after Pauline Hanson's (pictured) comments. Source: AAP / Lukas Coch

མེ་ཁེ་ཁར་ཐེ་ McCarthey ཡིས"ངས་ད་དུང་ཨོ་སི་ཊོ་ལི་ཡའི་མི་རྣམས་ལ་གནས་ཚུལ་གཏིང་རིམ་དུ་སྔོག་ནས་རྩོད་གླེང་འདིའི་བརྒྱུད་ཁྱེད་རང་གི་ངོས་ནས་བཟང་ཕྱོགས་ནས་ཉན་དགོས་པའི་འབོད་སྐུལ་དང་རིམ་པ་དེ་ཡང་གུས་ཞབས་ལྡན་པ་ཞིག་ལ་གནས་ཐུབ་པ་དགོས་ཀྱི་རེད། དེ་ལྟར་བྱས་ན་ད་གཟོད་ང་ཚོ་རྒྱལ་ཁབ་ཅིག་ཡིན་པའི་ཆ་ནས་རང་ཉིད་ཀྱི་ཆ་ཤས་དེ་བས་ལེགས་པ་དང་། ང་ཚོ་ཨོ་སི་ཊོ་ལི་ཡའི་མི་སེར་ཞིག་ཡིན་པའི་ཆ་ནས་ཆ་ཤས་དེ་བས་ལེགས་པར་ཞིག་ཆགས་རྒྱུ་རེད།

གྲོས་ཚོགས་འཐུས་མི་ཧན་སུན་ Hanson ཡིས་དེ་སྔོན་མི་རབས་མང་པོ་ཞིག་བརྐུ་འཁྱེར་གནས་དོན་མེད་པ་མ་བཟོས་ན་གསོན་གནས་བྱེད་མི་ཐུབ་ཅེས་བཤད་མྱོངས་ཡོད། ཁོ་མོས་ཁྱེད་རང་གིས་ཤེས་གསལ་ལྟར་ཁྱེད་ཀྱིས་མི་རབས་བརྐུ་འཁྱེར་སྐོར་བཤད་བཞིན་འདུག ད་ལྟའི་ཆར་དེ་འདྲའི་གནས་ཚུལ་ལྷག་གི་མེད་ལ་ཁྱེད་རང་ཉིད་ལ་དྲི་བ་ཐོངས་"ཞེས་བཤད།

དེ་སྔོན་ཕྱི་ལོ་ ༡༩༩༧ ལོར་ནང་སྲིད་སྙན་ཐོ་ཞིག་གི་ནང་གདོད་མའི་མི་རིགས་རྣམས་ཀྱི་ཕྲུ་གུ་ཕ་མ་རྩ་ནས་འཁྲིད་འགྲོ་བཞིན་པ་ནི་འགྲོ་བ་མིའི་ཐོབ་ཐང་ལ་རྩིས་མེད་རྡོག་རོལ་བཏང་བ་དང་། དེ་ནི་བཙོན་ཁང་ནང་བཅུག་པ་ལྟར་བུ་དང་། ཁོང་ཚོའི་འཕྲོད་བསྟེན་ལ་དཀའ་ངལ་འཕྲད་བཞིན་པ། ད་དུང་ཁོང་ཚོར་ལས་ཀའི་གོ་སྐབས་གཞབ་ལས་ཉུང་བ་རག་གི་ཡོད་སྐོར་གསལ་ཡོད།

སྲིད་བློན་ཨན་ཐོ་ནིང་གིས་ཁོང་གིས་གྲོས་ཚོགས་འཐུས་མི་ཧན་སུན་གྱི་སྐད་ཆ་གོ་མྱོངས་མེད་སྐོར་དང་། ཁོང་མོས་དེ་སྔོན་བཤད་པའི་སྐད་ཆ་དང་གཅིག་པ་ཡིན་པའི་དབང་དུ་བཏང་ན་ངས་ལན་འདེབས་བྱེད་རྩིས་མེད། གང་ཡིན་ཟེར་ན། སྲིད་བློན་གྱི་གནས་བབས་ཐོག་ནས་ལན་འདེབས་དགོས་པ་ཞིག་མ་མཐོང་། ངས་ཚང་མས་གུས་ཞབས་ལྡན་པའི་ཐོག་ནས་བགྲོ་གླེང་གནང་རོགས་ཞེས་འབོད་སྐུལ་ཞུ་རྒྱུ་ཡིན། མི་ཚོས་འོས་ཤོག་གང་འདྲ་འཕེན་ཡང་རུང་འདོད་ཚུལ་འཛིན་མཁན་གྱིས་དོན་དངོས་རྒྱུན་འཁྱོངས་བྱ་དགོས་པ་ལས། ཁོང་ཚོས་ཤེས་པའི་གནས་ཚུལ་དེ་བདེན་པ་མ་རེད་ཅེས་བཤད་མི་རུང་གསུངས།

གདོད་མའི་མི་རིགས་རྣམས་ཀྱིས་གྲོས་ཚོགས་ལ་ཕུལ་བའི་འབོད་སྒྲ་དེ་ནི་དེ་སྔོན་ཕྱི་ལོ་ ༢༠༡༧ ལོར་གདོད་མའི་མི་རིགས་ཚོས་"ཨུ་ལིུ་རུའི་སེམས་ཀྱི་བསྒྲགས་གཏམ་"ཞེས་པའི་བསྒྲགས་གཏམ་དེ་ཆགས་ཀྱི་ཡོད། འདི་ལོའི་ལོ་མཇུག་ཏུ་ཨོ་སི་ཊོ་ལི་ཡའི་མི་མང་གིས་འབོད་སྒྲ་དེར་རྒྱབ་སྐྱོར་ཡོད་ Yes དང་མེད་ No ཞེས་བསམས་ཤོག་འཕེན་རྗེས། གྲོས་ཚོགས་ནང་རྩ་ཁྲིམས་ལ་འགྱུར་བ་བཏང་རྗེས་གཏན་འཇགས་རང་དབང་ལྡན་པའི་ལྷན་ཚོགས་ཤིག་བཟོ་ནས་དེས་ཨོ་སི་ཊོ་ལི་ཡའི་གདོད་མའི་མི་རིགས་རྣམས་ཀྱི་གནད་དོན་ཐད་ལ་དབུས་གཞུང་གིས་ལམ་སྟོན་གནང་དགོས་ཀྱི་ཡོད་པ་རེད།

མི་མང་གི་བསམ་ཤོག་ལེགས་གྲུབ་བྱུང་རྗེས་གྲོས་ཚོགས་ནང་གྲོས་ཚོགས་འཐུས་མི་ཚོས་སྒྲོམ་གཞི་དང་འཆར་གཞི་ཞིབ་ཕྲ་གཏན་འབེབས་བྱ་རྒྱུ་ཡིན་པ་རེད། གྲོས་ཚོགས་འཐུས་མི་ལྕམ་བྷུར་ནེ་ལགས་ཀྱིས་གྲོས་གཞི་དེ་གཙོ་བོར་ཨེ་བྷོ་རེ་ཇེ་ནར་དང་ཐ་རེ་སི་གླིང་ཕྲན་གྱི་མི་རྣམས་ཀྱི་འཕྲོད་བསྟེན་དཀའ་ངལ་དང་། སྤྱི་ཚོགས་དཔལ་འབྱོར། མི་ཚེ་འཚོ་བ་བཅས་ལ་གཞིར་བཅོལ་དགོས་ཀྱི་ཡོད་སྐོར་བརྗོད།

རྒྱལ་ཡོངས་ཆབ་སྲིད་ཚོགས་པའི་འགོ་ཁྲིད་ཌེ་ཝེ་ཌི་ David ཡིས་ན་ནིང་ཕྱི་ཟླ་ ༡༡ པའི་ནང་ཁོང་གི་ཆབ་སྲིད་ཚོགས་པས་གྲོས་ཚོགས་ལ་ཕུལ་བའི་འབོད་སྒྲ་དེའི་ཐད་རྒྱབ་སྐྱོར་མེད་ No ཅེས་པའི་ལས་འགུལ་སྤེལ་ཡོད་སྐོར་དང་། ཁོང་གི་ད་ལྟ་ཡང་གྲོས་གཞི་དེས་བར་སྟོང་སྐོང་ཐུབ་པའི་ཡིད་ཆེས་མེད་སྐོར་བརྗོད་འདུག

ཁོང་གིས་ ABC རླུང་འཕྲིན་ཁང་ལ་གཞུང་གིས་བར་སྟོང་འདི་སྐོང་ཆེད་དཀའ་ངལ་སེལ་ཐབས་སུ་སྒྲོ་ལོ་ཐེར་འབུམ་བཏང་ཡོད་ཀྱང་ང་ཚོས་ལམ་ཁ་ནོར་འཁྲུལ་ཞིག་ལ་བསྐྱོད་བཞིན་ཡོད་པ་རེད། འདྲ་མཉམ་ནི་ག་དུས་ཡིན་རུང་དེར་ཡོད་པ་ཞིག་རེད། འོན་ཀྱང་དེ་ནི་ལག་བསྟར་བྱ་རྒྱུ་ཙམ་རེད་ཟེར།

ང་ཚོས་ད་བར་གནད་དོན་དེ་སེལ་བར་ལམ་ལྷོང་མ་བྱུང་བ་རེད། ངས་གཞུང་གི་དེའི་ཐད་ཀྱི་ལས་དོན་ཚང་མ་ལམ་ལྷོང་བྱུང་མེད་ཅེས་བཤད་རྒྱུར་སྐྲག་གི་མི་འདུག གལ་སྲིད་དཔོན་ཉམས་རིང་ལུགས་དེ་ལས་ཐོན་སོང་ན། ང་ཚོས་བར་སྟོང་ཇེ་ཆུང་དུ་གཏོང་ཐུབ། དཀའ་རྙོག་དེ་སྤྱི་ཚོགས་རང་བཞིན་གྱི་རིམ་པ་ནས་སེལ་ཐུབ་པ་ལས་གྲོས་ཚོགས་ལ་འབོད་སྒྲ་དེ་དགོས་དོན་མེད་ཅེས་གསུངས་འདུག