འདི་ལོར་སིཌ་ནི་དང་ཨོ་སི་ཊོ་ལི་ཡ་ཁྱོན་དུ་ལོ་གསར་སྲུང་བརྩི་མ་འདྲ་བ་ཞུ་རྒྱུ་དང་སྐབས་དེར་ཆོག་པ་དང་མི་ཆོག་པ་ག་རེ་ཡོད་མེད་སྐོར།

ནེའུ་སོ་ཐི་ཝལ་མངའ་སྡེའི་ནང་སིཌ་ནི་བྱང་ཕྱོགས་མཚོ་མཐའ་ཁུལ་དུ་ཏོག་དབྱིབས་ན་ཚ་སླར་ཡང་འཕར་བའི་རྐྱེན་གྱིས། འདི་ལོར་ལོ་གསར་སྐབས་ཨོ་སི་ཊོ་ལི་ཡ་ཁྱོན་དུ་དམ་བསྒྲགས་ཐད་གནས་ཚུལ་ཁག་ཅིག་འགྲེལ་བརྗོད་བྱས་ཡོད།

The midnight fireworks seen from Mrs Macquarie's Chair during New Year's Eve celebrations in Sydney, 31 December, 2019. Source: AAP

ཏོག་དབྱིབས་ན་ཚའི་རྐྱེན་པས་དམ་བསྒྲགས་འོག་ཨོ་སི་ཊོ་ལི་ཡའི་མི་རྣམས་ཕྱི་ལོ་ ༢༠༢༡ ལོའི་ལོ་གསར་དེ་བཞིན་རྒྱུན་ལྡན་ལྟར་རོལ་ཐུབ་ཀྱི་མེད་པ་རེད། ནེའུ་སོ་ཐི་ཝལ་མངའ་སྡེའི་ནང་ཏོག་དབྱིབས་ན་ཚ་སླར་ཡང་ཡར་འཕར་ཡོད་པའི་རྐྱེན་གྱིས་འགོ་ཁྲིད་ཚོས་གལ་སྲིད་སུ་ཞིག་ཏོག་དབྱིབས་ན་ཚའི་ནད་རྟགས་ལྟར་བུར་ཐོན་ཚེ། ཐག་ཉེ་ཤོས་ཀྱི་སྨན་ཁང་ལ་འགྲོ་ནས་ཏོག་དབྱིབས་ན་ཚ་འགོས་ཡོད་མེད་བརྟག་དཔྱད་བྱེད་དགོས་པའི་སྐུལ་འདེད་གནང་ཡོད།

ལོ་གསར་ཚུན་པའི་གུང་སེང་སྐབས་སྨན་ཁང་ཁག་སྒོ་ཕྱེས་ཡོད་པ་དང་། ནེའུ་སོ་ཐི་ཝལ་མངའ་སྡེའི་ནང་ཏོག་དབྱིབས་ན་ཚ་བརྟག་དཔྱད་བྱེད་ས་སྨན་ཁང་ཁག་ ༣༥༠ ཡོད་ཅིང་མང་ཆེ་བ་བདུན་ཕྲག་གཅིག་ནང་ཉིན་བདུན་རིང་སྒོ་ཕྱེ་བཞིན་ཡོད་པ་རེད། ཁྱེད་རང་དང་ཐག་ཉེ་ཤོས་ཀྱི་སྨན་ཁང་འཚོལ་ས་དྲ་ཚིགས་ https://t.co/LmeATIQK4Z དང་ཡང་ན་ཁྱེད་རང་གི་རྒྱུན་བསྟེན་སྨན་པར་བཀའ་འདྲི་ཞུ་དགོས།

འདིར་ཨོ་སི་ཊོ་ལི་ཡ་ཁྱོན་དུ་ལོ་གསར་སྐབས་སྤྱི་ཚོགས་རྒྱང་བཀྱེད་ཐེ་བའི་ཁྱེད་རང་གིས་བྱེད་ཆོག་པ་ག་རེ་ཡོད་མེད་དང་མི་ཆོག་པ་ག་རེ་ཡོད་མེད་སྐོར་བསྟན་ཡོད། 

བྱང་ཕྱོགས་མཚོ་མཐའ་ཁུལ། Northern Beaches

ཨོ་སི་ཊོ་ལི་ཡའི་གྲོང་ཁྱེར་སིཌ་ནི་ཁུལ་ཏོག་དབྱིབས་ན་ཚ་སླར་ཡང་འཕར་ས་བྱང་ཕྱོགས་མཚོ་མཐའ་ཁུལ་ལ་དམ་བསྒྲགས་ཤུགས་ཆེ་བྱས་ཡོད། བྱང་ཁུལ་དང་བྱང་ཁུལ་མཚོ་མཐའ་ཁུལ་གྱི་མི་རྣམས་ཉུང་མཐའ་ཕྱི་ཟླ་ ༡ ཚེས་ ༩ བར་མཐུ་མཐུད་ནང་ལ་སྡོད་དགོས་པའི་དམ་བསྒྲགས་བྱས་ཡོད། འོན་ཀྱང་ལོ་གསར་སྲུང་བརྩི་བྱེད་ཆོག་གི་ཡོད་པས་མ་ཚད་ས་གནས་གཅིག་ལ་སྡོད་མཁན་ཡིན་ན་ཕྲུ་གུ་ཐེ་བའི་མི་གྲངས་ ༥ མཉམ་དུ་ལོ་གསར་གཏོང་ཆོག་གི་ཡོད་པ་རེད། 

ཕྱི་ལོ་ ༢༠༢༠ ཟླ་ ༡༢ ཚེས་ ༣༡ རེས་གཟའ་ཕུར་བུའི་ཕྱི་དྲོ་ཆུ་ཚོད་ ༤ པ་ནས་ཕྱི་ལོ་ ༢༠༢༡ ཟླ་ ༡ ཚེས་ ༡ རེས་གཟའ་པ་སངས་ཉིན་བར་གལ་སྲིད་ཁྱེད་རང་བྱང་ཁུལ་མཚོ་མཐའ་ཁུལ་དུ་གནས་སྡོད་བྱེད་མཁན་ཡིན་ཚེ། གཤམ་གསལ་གྱི་དམ་བསྒྲགས་ཐད་སྙན་ཞུ་འབུལ་དགོས་པ་ཡིན། 

ས་གནས་དེ་ག་ནས་བྱིས་པ་ཐེ་བའི་མགྲོན་པོ་མི་གྲངས་ ༥ ནང་ལ་ཡོང་གི་ཡོད་པ། ས་གནས་དེ་ག་རུ་བྱིས་པ་ཐེ་བའི་མི་གྲངས་ ༥ མཉམ་དུ་འདུ་འཛོམས་བྱེད་ཀྱི་ཡོད་པ། གཤམ་གསལ་དྲ་ཐག་དེའི་ཐོག་ནས་བརྡ་ལམ་སྙན་ཞུ་འབུལ་དགོས་པ་ཡིན།  pic.twitter.com/Fs50eqreG6

— NSW Health (@NSWHealth) December 29, 2020

བྱང་ཁུལ་མཚོ་མཐའ་ Northern Beaches ནང་གསེས་ལྷོ་ངོས་ Southern zone སུ་ས་གནས་གཅིག་པ་ཡིན་པ་བྱིས་པ་ཐེ་བའི་ཁྱོན་མི་གྲངས་ ༥ ནང་ལ་འདུ་འཛོམས་ཆོག་གི་ཡོད། འོན་ཀྱང་ས་གནས་གཞན་ Greater Sydney ནས་ཡིན་པ་མཉམ་འཛོམས་བྱེད་ཆོག་གི་མེད་པ་རེད། 

བྱང་ཁུལ་མཚོ་མཐའི་ས་གནས་ཁག་གཉིས་ཀ་ནས་ཆང་ཁང་དང་། ཟ་ཁང་སོགས་མུ་མཐུད་སྒོ་ཕྱེ་རྒྱུ་ཡིན་ཡང་བཟའ་གཏུང་རིགས་འཁྱེར་ནས་འགྲོ་དགོས་ཀྱི་ཡོད་པ་རེད། 

གྷེར་ཊར་ Greater Sydney

ནེའུ་སོ་ཐི་ཝལ་ NSW མངའ་སྡེ་གཞུང་གིས་འདི་ལོའི་ལོ་གསར་ཤོག་སྦག་སྤར་སྐབས་མི་རྣམས་ནང་ལ་སྡོད་དགོས་པ་དང་། བརྙན་འཕྲིན་བརྒྱུད་མཚན་གུང་དུ་དུས་ཡུན་སྐར་མ་ ༧ རིང་ཤོག་སྦག་སྤར་བའི་ལྟད་མོ་ཐད་གཏོང་བྱ་རྒྱུ་ཡིན་སྐོར་བརྗོད་འདུག

སིཌ་ནི་ཁུལ་དུ་ཉེན་རྟོག་པས་བལྟ་སྲུང་འོག་དམ་བསྒྲགས་ཤུགས་ཆེ་བྱ་རྒྱུ་མ་ཟད། དེ་སྔོན་འདུ་འཛོམས་ཀྱི་ཚད་བཀག་མི་གྲངས་ ༡༠༠ ནས་ད་ཆ་མི་གྲངས་ ༥༠ ལ་མར་བཅག་ཡོད་འདུག 

ནང་ལ་བྱིས་པ་ཐེ་བའི་གཞན་མགྲོན་པོ་མི་གྲངས་ ༥ འགྲོ་འོངས་བྱེད་ཆོག་གི་ཡོད།

རེས་གཟའ་ཟླ་བ་ཉིན་བཟོས་པའི་ལོ་གསར་གྱི་ཤོག་སྦག་སྤར་བའི་བྱེད་སྒོ་སྐབས་ཏོག་དབྱིབས་སྔོན་འགོག་མདུན་བསྐྱོད་མི་སྣའི་འཆར་གཞི་དེ་ཕྱིར་འཐེན་བྱས་ཡོད་ཅིང་། ནེའུ་སོ་ཐི་ཝལ་མངའ་སྡེའི་སྤྱི་ཁྱབ་བློན་ཆེན་ལྕམ་  Berejiklian ལགས་ཀྱིས་འདུ་འཛོམས་དེ་ནི་སི་ཌི་ནིང་དང་ས་གནས་ནས་ཡོང་བའི་མི་རྣམས་ཀྱི་འཕྲོད་བསྟེན་བདེ་འཇགས་ཐད་ཧ་ཅང་ཉེན་ཁ་ཅན་ཞིག་ཡིན་སྐོར་འགྲེལ་བརྗོད་གནང་འདུག

 ཝི་ཊོ་རི་ཡ། Victoria

འདི་ལོར་ཨོ་སི་ཊོ་ལི་ཡའི་མངའ་སྡེ་ནང་ཝི་ཊོ་རི་ཡ་ནི་ཁྱིམ་སྡོད་བཀའ་རྒྱ་འོག་དུས་ཡུན་རིང་ཤོས་དང་དཀའ་ངལ་ཆེ་ཤོས་མྱངས་མཁན་དེ་ཡིན་ཡང་། བར་སྐབས་ནས་དུས་ཡུན་ཉིན་གྲངས་ ༦༠ རིང་ཏོག་དབྱིབས་ནད་པ་གསར་པ་ཐོན་མེད་སྟབས་ལོ་གསར་ལྷོད་ལྷོད་བྱེད་ནས་གཏོང་ཆོག་གི་ཡོད་པ་རེད། 

ལོ་གསར་སྐབས་ཁྱིམ་ཚང་ནང་ཁྱོན་མི་གྲངས་ ༣༠ འདུ་འཛོམས་བྱེད་ཆོག་གི་ཡོད་པས་མ་ཚད། ཁང་པའི་ཕྱི་རོལ་དུ་ཁྱོན་མི་གྲངས་ ༡༠༠ མན་མཉམ་དུ་འདུ་འཛོམས་བྱེད་ནས་ལོ་གསར་གཏོང་ཆོག་གི་ཡོད་པ་རེད། 

ཆང་ཁང་དང་། ཟ་ཁང་། དེ་བཞིན་མཚན་ཚོགས་ཁང་བཅས་མུ་མཐུད་སྒོ་ཕྱེ་ཆོག་གི་ཡོད། འོན་ཀྱང་ནང་ལ་འོངས་མཁན་མི་གྲངས་ཚད་གཞི་བཟོས་ཡོད། 

མེལ་བྷོན་ནང་རྒྱུན་དུ་ལོ་གསར་སྐབས་ཡཱ་རཱ་གཙང་པོ་ Yarra River ཐོག་ཤོག་སྦག་སྤར་བའི་བྱེད་སྒོ་དེ་འདི་ལོར་མེད་པ་བཟོས་ནས། མངའ་སྡེ་གཞུང་གིས་མི་རྣམས་རྫོང་གི་ཚོང་ཚོགས་ལྟེ་གནས་ CBD  ནས་བར་ཐག་རིང་ཙམ་སྡོད་དགོས་པའི་འབོད་སྐུལ་དང་། གྲོང་ཁྱེར་ནང་ཁོ་ནར་མཛད་སྒོ་ཐོ་འགོད་བྱེད་ཆོག་གི་ཡོད་སྐོར་འགྲེལ་བརྗོད་བྱས་འདུག

آتش‌بازی شب سال نو بر فراز دریای یارا در ملبورن Source: AAP

ཁུན་སི་ལན་ཌི། Queensland

ཁུན་སི་ལན་ཌི་ཡང་མངའ་སྡེ་གཞན་ལྟར་དུས་ཡུན་རིང་པོར་ཏོག་དབྱིབས་ན་ཚ་འགོས་མཁན་གསར་པ་བྱུང་མེད་སྟབས། ལོ་གསར་སྐབས་ཁྱིམ་ཚང་ནང་མི་ཐེ་བའི་ཁྱོན་མི་གྲངས་ ༥༠ མན་འདུ་འཛོམས་ཆོག་གི་ཡོད་པས་མ་ཚད། ཁང་པའི་ཕྱི་རོལ་ཏུ་མི་གྲངས་ ༡༠༠ མན་མཉམ་འཛོམས་ཆོག་གི་ཡོད་པ་རེད། 

ལྷོ་ཕྱོགས་མངའ་སྡེ། South Australia

ཨོ་སི་ཊོ་ལི་ཡའི་ལྷོ་ཕྱོགས་མངའ་སྡེའི་ནང་ཁྱིམ་ཚང་ནང་ཁྱོན་མི་གྲངས་ ༥༠ མན་འདུ་འཛོམས་ཆོག་གི་ཡོད་པ་དང་། ས་ཁྱོན་རྨིད་གྲུ་བཞི་མ་ ༢ ནང་ཁྱོན་གཅིག་ལས་མང་བ་མཉམ་སྡོད་ཆོག་གི་མེད་པ་རེད།

དེ་བཞིན་སྒེར་གྱི་བྱེད་སྒོ་དེ་འདྲ་མི་གྲངས་ ༢༠༠ མན་འདུ་འཛོམས་ཆོག་གི་ཡོད་ཀྱང་། སྡོད་ས་བར་སྟོང་རྨིད་གྲུ་བཞི་མ་གོང་གསལ་ལྟར་ལག་བསྟར་བྱེད་དགོས་ཀྱི་ཡོད་པ་རེད། 

ནུབ་ཕྱོགས་མངའ་སྡེ། Western Australia        

ནུབ་ཕྱོགས་མངའ་སྡེའི་ནང་མི་གྲངས་མང་ཤོས་འདུ་འཛོམས་ཀྱི་ཚད་བཀག་བཟོས་མེད་རུང་། མི་རེའི་སྡོད་ས་བར་སྟོང་ས་ཁྱོན་རྨིད་གྲུ་བཞི་མ་ ༢ རེ་དགོས་ཀྱི་ཡོད་པ་རེད། 

ཏཱ་སི་མ་ནིང་ཡ Tasmania

ཏཱ་ས་མ་ནི་ཡ་མངའ་སྡེའི་ནང་རྨིད་གྲུ་བཞི་མ་གཉིས་རེ་དགོས་ཀྱི་ཡོད་པའི་སྒྲིག་གཞི་གཅིག་མཚུངས་ཡིན་ཡང་། བཅད་བགོས་བྱས་མེད་པའི་ཁང་པའི་ནང་མི་གྲངས་མང་ཤོས་ ༢༥༠ ལས་མང་བ་འདུ་འཛོམས་ཆོག་གི་མེད་པ་རེད། 

ཁང་པའི་ཕྱི་རོལ་ཏུ་མི་གྲངས་ ༡༠༠༠ མན་མཉམ་དུ་འདུ་འཛོམས་ཆོག་གི་ཡོད་པ་རེད། 

བྱང་ཁུལ་མངའ་སྡེ་དང་རྒྱལ་ས་མངའ་ཁུལ། Northern Territory and ACT  

བྱང་ཁུལ་མངའ་སྡེའི་ནང་ཁང་པའི་ནང་དང་ཕྱི་རོལ་ཏུ་མི་གྲངས་ག་ཚོད་འདུ་འཛོམས་ཆོག་གི་ཡོད་མེད་གསལ་མེད་ཀྱང་། རྒྱུན་དུ་མི་གཞན་ལས་བར་ཐག་རྨིད་ ༡་༥ བཞག་དགོས་ཀྱི་ཡོད་པ་རེད། 

རྒྱལ་ས་མངའ་ཁུལ་དུ་ཁྱིམ་ཚང་ནང་མི་གྲངས་ག་ཚོད་ཡོང་ཆོག་གི་ཡོད་མེད་ཀྱི་དམ་བསྒྲགས་མེད་པ་དང་། རྒྱལ་ས་ཁེམ་བྷེ་ར་ནང་ཕྱི་རོལ་ཏུ་འདུ་འཛོམས་ཚད་གཞི་མི་གྲངས་ ༥༠༠ མན་དང་། མི་གཞན་དང་བར་སྟོང་རྨིད་གྲུ་བཞི་མ་ ༢ བཞག་དགོས་པའི་སྒྲིག་གཞི་ལག་བསྟར་བྱེད་དགོས་ཀྱི་ཡོད་པ་རེད།

ཨོ་སི་ཊོ་ལི་ཡའི་ནང་རྣམས་ངེས་པར་དུ་མི་གཞན་ལས་བར་ཐག་རྨིད་ ༡་༥ བཞག་དགོས་པ་དང་། ཁྱེད་རང་གི་ས་གནས་སུ་དམ་བསྒྲགས་དང་འདུ་འཛོམས་ཚད་བཀག་སྐོར་རྒྱུན་དུ་ཞིབ་འཇུག་བྱེད་དགོས། གལ་སྲིད་ཁྱེད་རང་ཆམ་པ་དང་རིམས་ཆམ་གྱི་ནད་རྟགས་ཐོན་ཚེ་ནང་ལ་བསྡད་ནས་ཁྱེད་རང་གི་སྨན་པར་ཁ་པར་གཏོང་བའམ་ཡང་ན་ཛ་དྲག་ཏོག་དབྱིབས་འཕྲོད་བསྟེན་འབྲེལ་གཏུགས་ཁ་པར་ཨང་གྲངས་ 1800 020 080 ཐོག་འབྲེལ་བ་གནང་དགོས།

SBS གསར་ཁང་གི་གསར་འགྱུར་དང་ཏོག་དབྱིབས་ནད་དུག་སྐོར་སྐད་ཡིག་ཁག་ ༦༣ ནང་ཡོད་ཅིང་བོད་ཡིག་ཐོག་དྲ་ཚིགས་འདི་ནས་གཟིགས་ https://www.sbs.com.au/language/tibetan/coronavirus-updates

ཁྱེད་རང་སྡོད་སའི་ས་གནས་མངའ་སྡེ་དང་ས་ཁུལ་གྱི་གནས་ཚུལ་ཁག་སོ་སོ་འདི་ནས་གཟིགས་ ནེའུ་སོ་ཐི་ཝལ་ NSW, ཝི་ཊོ་རི་ཡ་Victoria, ཁུན་སི་ལན་ཌི་ Queensland, ནུབ་ཕྱོགས་མངའ་སྡེ་ Western Australia, ལྷོ་ཕྱོགས་མངའ་སྡེ་ South Australia, བྱང་ཕྱོགས་མངའ་སྡེ།་ Northern Territory, རྒྱལ་ས་མངའ་ཁུལ་ ACT, ཏཱ་སི་མ་ནིང་ཡ་ Tasmania.