གཙོ་དོན་ཁག
- ནེའུ་སོཐི་ཝལ་མངའ་སྡེའི་ནང་། འོས་ཆོས་ཚང་མཁན་ཚོས་དབུས་གཞུང་གི་འོས་བསྡུ་དང་མངའ་སྡེ་གཞུང་གི་འོས་བསྡུ། དེ་བཞིན་ས་གནས་འོས་བསྡུའི་ནང་ངེས་པར་དུ་ཆ་ཤས་ལེན་དགོས་པ་རེད།
- ནེའུ་སོཐི་ཝལ་མངའ་སྡེའི་འོས་བསྡུ་ལས་ཁུངས་ཀྱིས་འོས་བསྡུ་དང་འབྲེལ་བའི་གནས་ཚུལ་ཁག་དབྱིན་ཡིག་སོགས་སྐད་ཡིག་གཞན་ ༢༠ ལྷག་གི་ནང་འགྲེམ་སྤེལ་བྱེད་ཀྱི་ཡོད་པ་རེད།
- iVote འོས་བསྡུ་བྱེད་ཐབས་དེ་ཐེངས་འདིའི་འོས་བསྡུའི་ནང་བེད་སྤྱོད་བྱེད་ཀྱི་མེད་པ་རེད།
མངའ་སྡེའི་སྤྱི་ཁྱབ་བློན་ཆེན་ལས་ཐོག་ཌོ་མེ་ནེ་ཁུ་པེ་རོ་ཊད་ཊི་ (Dominic Perrottet) ཡིས་སྣེ་ཁྲིད་པའི་མཉམ་འབྲེལ་ཚོགས་པས་བསྟུད་མར་སྐབས་བཞི་པའི་གཞུང་འཛིན་བྱེད་པར་འོས་འགྲན་བྱེད་ཀྱི་ཡོད་པ་རེད།
སྤྱི་ཁྱབ་བློན་ཆེན་ལས་ཐོག་ཌོ་མེ་ནེ་ཁུ་པེ་རོ་ཊད་ཊི་ (Dominic Perrottet) ཡི་ཐེངས་འདིའི་འོས་བསྡུའི་སྐབས་ཀྱི་ཁ་གཏད་གཙོ་བོ་ནི་ངལ་རྩོལ་ཚོགས་པའི་འགོ་ཁྲིད་ཁི་རི་སི་མིན་སི་ (Chris Minns) ཡིན་པ་དང་། ཁོང་གིས་ཕྱི་ལོ་ ༢༠༢༡ ལོའི་ཟླ་ ༦ པའི་ནང་ངལ་རྩོལ་ཚོགས་པའི་འགོ་ཁྲིད་ཀྱི་ལས་འགན་འཁུར་རྗེས་འོས་འགྲན་བྱས་པ་ཐེངས་དང་པོ་ཡིན་པ་རེད།
ནེའུ་སོ་ཐི་ཝལ་མངའ་སྡེའི་གྲོས་ཚོགས་ནི་གྲོས་ཚོགས་གཉིས་ལྡན་གྱི་ལམ་ལུགས་ཅན་ཡིན་པ་དང་། དེ་ལ་གྲོས་ཚོགས་གོང་འོག་གཉིས་ཡོད་པ་རེད།
ནེའུ་སོཐི་ཝལ་མངའ་སྡེ་ལ་པ་ནས་གྲོས་ཚོགས་འོག་མའི་ནང་འོས་ཁུངས་རེ་རེ་ནས་འཐུས་མི་རེ་རེ་བདམས་ཐོན་ཡོང་གིན་ཡོད་པ་རེད།
གྲོས་ཚོགས་གོང་མའི་ནང་འཐུས་མི་གྲངས་ ༤༢ ཡོད་པ་དང་། མངའ་སྡེའི་འོས་བསྡུའི་སྐབས་རེ་རེའི་ནང་དུ་འོས་མི་གྲངས་ ༢༡ འདེམ་སྟེ། གྲོས་ཚོགས་འཐུས་མི་སྐབས་གཉིས་རིང་ལས་འཁུར་བྱེད་དགོས་པ་རེད། དེ་ནི་མང་མཐར་ལོ་ངོ་བརྒྱད་རིང་ལས་འཁུར་བྱ་དགོས་པ་རེད།
གལ་སྲིད། མི་ཞིག་གིས་འོས་བསྡུའི་ས་ཚུགས་སུ་སོང་ནས་འོས་ཤོག་འཕེན་མི་ཐུབ་པའི་གནས་ཚུལ་བྱུང་ཚེ། ཆ་ཤས་ལེན་ཆོག་སྲིད་པ་རེད།
སྦྲགས་ཁང་བརྒྱུད་ནས་འོས་ཤོག་འཕེན་པ་ལ་ཟླ་ ༣ ཚེས་ ༣༠ ཉིན་གྱི་ཕྱི་དྲོའི་ཆུ་ཚོད་ ༥ པ་སྔོན་ཚུད་ནས་ནེའུ་སོཐི་ཝལ་མངའ་སྡེའི་འོས་བསྡུ་ལས་ཁུངས་ལ་སྙན་ཞུ་འབྱོར་དགོས་པ་རེད།
ཁྱེད་ཀྱི་འོས་ཤོག་དང་སྦྲགས་ཁང་བརྒྱུད་ནས་འོས་བསྡུ་བྱས་པའི་ཡིག་ཆ་ཁག དུ་ནེའུ་སོཐི་ཝལ་མངའ་སྡེའི་འོས་བསྡུ་ལས་ཁུངས་ལ་འབྱོར་དགོས་པ་རེད།
ཁི་རི་སི་མིན་སི་ (Chris Minns) ཡིས་ཕྱི་ལོ་ ༢༠༢༡ ལོའི་ཟླ་ ༦ པའི་ནང་ངལ་རྩོལ་ཚོགས་པའི་འགོ་ཁྲིད་ཀྱི་ལས་འགན་འཁུར།. པར་ཁུངས།: AAP / BIANCA DE MARCHI/AAPIMAGE
ཟླ་ ༣ ཚེས་ ༢༥ ཉིན་ཏེ། འོས་བསྡུ་ཉིན་མོ།
མངའ་སྡེའི་ཁྱོན་ཡོངས་ཀྱི་ཡི་ཤུའི་ལྷ་ཁང་དང་སློབ་གྲྭ། སྤྱི་བའི་ཚོགས་ཁང་དང་ས་གནས་གཞན་གྲངས་ ༢༤༥༠ ལྷག་གི་ནང་འོས་བསྡུའི་ས་ཚུགས་གྲ་སྒྲིག་བྱས་ཡོད་པ་རེད།
འོས་བསྡུའི་ས་ཚུགས་དེ་དག་སྔ་དྲོའི་ཆུ་ཚོད་ ༨ ནས་ཕྱི་དྲོའི་ཆུ་ཚོད་ ༦ བར་དུ་སྒོ་འབྱེད་ཀྱིན་ཡོད་པ་རེད།
ས་ཚུགས་གང་དུ་འོས་འཕེན་ཐུབ་མིན་གྱི་གནས་ཚུལ་རྒྱས་པ་བརྒྱུད་ནས་ཤེས་ཐུབ།
འོས་བསྡུའི་ས་ཚུགས་སུ་འབྱོར་མ་ཐག འབྲེལ་ཡོད་ལས་བྱེད་ཞིག་གིས་ཁྱེད་ཀྱི་མིང་དང་སྡོད་གནས་ཁ་བྱང་། འོས་ཁུངས་གང་ནས་ཡིན་མིན་དང་སྔོན་ཆད་འོས་ཤོག་འཕངས་མྱོང་ཡོད་མེད་འདྲི་བ་རེད།
ཁྱེད་ཀྱི་གནས་ཚུལ་དེ་དག་གཏན་འཁེལ་བྱས་རྗེས། ཁྱེད་ལ་འོས་ཤོག་སྤྲོད་པ་རེད།
གལ་སྲིད། འབྲེལ་ཡོད་ལས་བྱེད་ཚོས་ཁྱེད་ཀྱི་གནས་ཚུལ་འོས་བསྡུའི་མིང་ཐོ་ནང་མ་རྙེད་ཚེ། ཁྱེད་ཀྱི་མིང་ཁ་སྣོན་བྱེད་དགོས་པ་རེད།
ནེའུ་སོཐི་ཝལ་མངའ་སྡེའི་སྤྱི་ཁྱབ་བློན་ཆེན་ལས་ཐོག་ཌོ་མེ་ནེ་ཁུ་པེ་རོ་ཊད་ཊི་ (Dominic Perrottet) ། པར་ཁུངས།: AAP / Bianca De Marchi
འོས་བསྡུའི་ནང་ངེས་པར་དུ་ཆ་ཤས་ལེན་དགོས་པ་ཡིན།
ནེའུ་སོཐི་ཝལ་མངའ་སྡེའི་ནང་། འོས་ཆོས་ཚང་མཁན་དང་དེབ་སྐྱེལ་བྱས་པའི་མི་དག་གིས་དབུས་གཞུང་གི་འོས་བསྡུ་དང་མངའ་སྡེ་གཞུང་གི་འོས་བསྡུ། དེ་བཞིན་ས་གནས་འོས་བསྡུའི་ནང་ངེས་པར་དུ་ཆ་ཤས་ལེན་དགོས་པ་ཡིན།
གལ་སྲིད། སྡོད་ཁྱིམ་མེད་པར་སྲམ་ལམ་དུ་གནས་མཁན་ཞིག་དང་། དབང་བོ་སྐྱོན་ཅན་ཞིག་ཡིན་པ། མངའ་སྡེ་གཞན་དང་རྒྱལ་ཁབ་གཞན་གྱི་ནང་ཡོད་ཚེ་འོས་ཤོག་འཕེན་ཐབས།
ནེའུ་སོཐི་ཝལ་མངལ་སྡེའི་ནང་དུ་ཞིག་ཡིན་ནའང་། འོས་བསྡུའི་ནང་ཆ་ཤས་ལེན་ཐུབ་པ་རེད།
གལ་སྲིད། གོང་གི་གནས་སྟངས་འོག་ཁྱེད་ཀྱིས་འོས་ཤོག་འཕེན་མ་ཐུབ་ཚེ། ཉེས་ཆད་མི་ཕོགས་པ་རེད།
འོས་ཤོག་འཕེན་པ་ལ་རོགས་རམ་དགོས་མཁན་གྱི་ཞིག་ཡིན་ཚེ། རང་ཉིད་ཀྱི་ངོ་ཤེས་དང་ཁྱིམ་མིས་རོགས་རམ་བྱས་ཆོག་པ་དང་། ཡང་། འོས་བསྡུ་དང་འབྲེལ་ནས་རོགས་རམ་བྱེད་མཁན་གྱིས་ཀྱང་རོམས་རམ་བྱེད་པ་རེད།
གལ་སྲིད། འོས་བསྡུ་ཉིན་མོར་དངོས་སུ་འོས་བསྡུ་ས་ཚུགས་སུ་ཡོང་ནས་འོས་འཕེན་མི་ཐུབ་ཚེ། ཁྱེད་ཀྱི་འོས་ཤོག་དེ་འོས་བསྡུའི་ཉིན་གྱི་སྔོན་ནས་འོས་ཤོག་འཕེན་པ་དང་། སྦྲགས་ཁང་བརྒྱུད་ནས་འོས་ཤོག་འཕེན་པ། དེ་བཞིན་ཁ་པར་བརྒྱུད་ནས་འོས་འཕེན་ཆོག་པ་རེད།
གལ་སྲིད། ཁྱེད་རང་ལ་བརྟེན་ནས་རང་ཉིད་ཀྱི་མངའ་སྡེའི་འོས་བསྡུའི་ནང་ཆ་ཤས་ལེན་ཐུབ་ཀྱི་མེད་ཚེ།འམ་སྦྲགས་ཁང་བརྒྱུད་ནས་འཕེན་ཆོག་པ་རེད།
ནེའུ་སོཐི་ཝལ་མངའ་སྡེའི་ནང་འོས་བསྡུའི་དེབ་སྐྱེལ་བྱས་པའི་མི་ཞིག་འོས་བསྡུའི་སྐབས་སུ་ཚེ། སྦྲགས་ཁང་བརྒྱུད་ནས་འོས་འཕེན་དགོས་པ་རེད།
འོས་བསྡུ་དང་འབྲེལ་བའི་གནས་ཚུལ་ཁག་སྐད་ཡིག་སྣ་མང་ནང་འགྲེམ་སྤེལ་བྱེད་ཀྱི་ཡོད་པ་རེད།
ནེའུ་སོཐི་ཝལ་མངའ་སྡེའི་འོས་བསྡུ་ལས་ཁུངས་ཀྱིས་ཇི་ལྟར་འོས་བསྡུའི་དེབ་སྐྱེལ་བྱེད་པ་དང་འོས་ཤོག་འཕེན་པ། དེ་བཞིན་འོས་གཞི་རྣམས་ཀྱི་སྐོར་ལ་འགྲེལ་སྤེལ་བྱེད་ཀྱི་ཡོད་པ་རེད།
འོས་ཤོག་འཕེན་སྐབས་འོས་བསྡུའི་ལས་བྱེད་ཚོས་རང་ཉིད་ཀྱི་སྒྲིག་ཆས་ཀྱི་ཐོག་ཏུ་སྐད་ཡིག་སོ་སོའི་མིང་བྲིས་ནས་སྐད་ཡིག་དེའི་ནང་འོས་བསྡུའི་གནས་ཚུལ་ཁག་འགྲེམ་སྤེལ་བྱེད་པ་རེད།
གལ་སྲིད། ཁྱེད་ཀྱི་སྐད་ཡིག་དེའི་ནང་ཚུད་མེད་ཚེ། འོས་བསྡུ་ལས་ཁུངས་ཀྱིས་ཁ་པར་བརྒྱུད་ནས་རིན་མེད་ཀྱི་ཐོག་ནས་སྐད་བསྒྱུར་བའི་མཐུན་རྐྱེན་སྐྲུན་གྱི་ཡོད་པ་རེད།
གལ་སྲིད། འོས་བསྡུ་ས་ཚུགས་ཤིག་ལ་ཡིག་བསྒྱུར་དང་སྐད་བསྒྱུར་གྱི་མཐུན་རྐྱེན་འཕར་མ་དགོས་གལ་བྱུང་ཚེ། འབྲེལ་ཡོད་ལས་བྱེད་ཀྱིས་རྒྱལ་ཡོངས་ཀྱི་སྐད་བསྒྱུར་ལས་ཁུངས་ལ་འབྲེལ་མཐུད་བྱེད་པ་རེད།
ནེའུ་སོཐི་ཝལ་མངའ་སྡེའི་འོས་བསྡུ་ལས་ཁུངས་ཀྱིས་འོས་བསྡུ་དང་འབྲེལ་བའི་གནས་ཚུལ་རྫུན་མའི་ཉེན་ཁ་ཆུང་དུ་གཏོང་ཐབས་སུ་སྤྱི་ཚོགས་ནང་གི་བཟོས་ཡོད་པ་རེད།
འོས་ཤོག་ཇི་ལྟར་འཕེན་དགོས་སྐོར་གྱི་གནས་ཚུལ་རྒྱས་པ་ཤེས་འདོད་ཚེ། དྲ་རྒྱ་ འདི་ནས་གཟིགས་རོགས། དེ་མིན། ཨང་གྲངས་ 1300 135 736 ཐོག་ལ་ཁ་པར་གཏོང་རོགས།
