தடுப்பூசி குறித்த செய்திகள்
- 18 வயது மற்றும் அதற்கு மேற்பட்ட வயதானவர்கள், Covid-19 தடுப்பூசியின் இரண்டாவது சுற்று தடுப்பூசியை ஆறு மாதங்களுக்கு முன்பு பெற்றிருந்தால், மூன்றாவது சுற்று (booster) தடுப்பூசியைப் பெறுமாறு NSW மாநில தலைமை சுகாதார அதிகாரி Dr Kerry Chant மக்களைக் கேட்டுக் கொண்டார்.
- முதல் இரண்டு சுற்றிலும் Astra Zeneca தடுப்பூசியை ஆறு மாதங்களுக்கு முன்பு போட்டுக் கொண்டவர்களுக்கும் இப்போது Pfizer booster தேவை என்று Dr Kerry Chant மேலும் கூறினார்.
- நாட்டிலே தடுப்பூசியை மிகக் குறைந்த அளவில் போட்ட மக்கள் வாழும் அதிகார வரம்பு என்ற பட்டத்தை மேற்கு ஆஸ்திரேலிய மாநிலத்திடமிருந்து எடுத்துக் கொண்டுள்ளது Northern Territory பிரதேசம். அங்கு வாழும் மக்கள் தொகையில் 63.9 சதவீதமானவர்கள் மட்டுமே தடுப்பூசியை முழுமையாகப் போட்டுக் கொண்டுள்ளார்கள்.
தற்காலிக விசா வைத்திருப்பவர்கள்
- தற்காலிக விசா வைத்திருப்பவர்கள் நாட்டை விட்டு வெளியேறவும் மீண்டும் நாட்டிற்குள் நுழையவும் அனுமதிக்க வேண்டும் என்று கோரும் 40,000ற்கும் மேற்பட்டவர்கள் கையெழுத்திட்டுள்ளார்கள்.
Covid-19 புள்ளிவிவரங்கள்
- விக்டோரிய மாநிலத்தில் சமூகப் பரவல் மூலம், புதிதாக 941 பேருக்குத் தொற்று இருப்பது உறுதியாகியுள்ளது. தொற்றினால் மேலும் எட்டுப் பேர் உயிரிழந்துள்ளார்கள்.
- New South Wales மாநிலத்தில் சமூகப் பரவல் மூலம், புதிதாக 190 பேருக்குத் தொற்று இருப்பது உறுதியாகியுள்ளது. தொற்றினால் மேலும் நான்கு பேர் உயிரிழந்துள்ளார்கள்.
தனிமைப்படுத்தல், பயணம், Covid சோதனை, மற்றும் தொற்றுநோய் இடர் கால மானியம்
தனிமைப்படுத்தல் மற்றும் Covid சோதனைகள் மாநில மற்றும் பிரதேச அரசுகளால் நிர்வகிக்கப்படுகின்றன:
ஆஸ்திரேலியர்கள் வெளிநாட்டு பயணம் மேற்கொள்வதற்குத் தடை விதிக்கப்பட்டுள்ள அதேநேரம் வெளிநாடு செல்ல வேண்டுமெனில் விதிவிலக்கு அனுமதி பெறவேண்டும். இது குறித்த மேலதிக விபரங்களுக்கு என்ற இணையத் தளத்திற்குச் செல்லவும். சர்வதேச விமானப் போக்குவரத்து குறித்த பிந்திய தகவல்கள் இணையத்தளத்தில் வெளியாகும்.
கொரோனா குறித்த தகவல்கள்
உங்களுக்கு சளி அல்லது flu அறிகுறிகள் ஏற்பட்டால் வீட்டிலேயே இருங்கள். மற்றும் உங்கள் மருத்துவரை அழைத்து சோதனைக்கு ஏற்பாடு செய்யுங்கள். அல்லது கொரோனா வைரஸ் உதவி மையத்தை 1800 020 080 என்ற எண்ணில் தொடர்பு கொள்ளவும்.
கொரோனா வைரஸ் தொற்று ஏற்பட்டால் மிகவும் இலேசான அறிகுறிகள் முதல் நிமோனியா வரை செல்லக் கூடும் என அரச இணையத்தளம் கூறுகின்றது. காய்ச்சல், தொண்டை நோவு, இருமல், உடற் சோர்வு, சுவாசிப்பதில் சிரமம் போன்ற அறிகுறிகள் முக்கியமானவை.
உங்களுக்கு கடுமையான உடல் நலக்குறைவு ஏற்பட்டால் அல்லது சுவாசிப்பதற்கு சிரமம் ஏற்பட்டால் 000 என்ற இலக்கத்தை அழையுங்கள்.
ஒவ்வொருவருக்கிடையிலும் 1.5 மீட்டர் சமூக இடைவெளியைப் பேணுங்கள்.
அரசால் அறிமுகப்படுத்தப்பட்டுள்ள COVIDSafe செயலியை உங்கள் கைபேசியில் தரவிறக்கிக்கொள்ளுங்கள்.
கொரோனா வைரஸ் (COVID-19) குறித்த முக்கிய தகவல்கள் என்ற எமது இணையத்தில் 63 மொழிகளில் கிடைக்கின்றன.
NSW Multicultural Health Communication Service-இன் மொழிபெயர்க்கப்பட்ட தகவல்களை பின்வரும் இணைப்புக்களில் பெற்றுக் கொள்ளலாம்:
Covid சோதனை எங்கே செய்யலாம் என்ற தரவுகளை இங்கே காணலாம்:
மாநில மற்றும் பிரதேச அரசு மற்றும் ஆதரவு நிறுவனங்கள் வழங்கும் இடர் கால மானியம் குறித்த தகவல்:
SBS தமிழ் ஒலிபரப்பை திங்கள், புதன், வெள்ளி மற்றும் ஞாயிறு ஆகிய நாட்களில் இரவு 8 மணிக்கு SBS Radio 2 வழியாக கேட்கலாம்.
உங்களது பிரதேசத்துக்குரிய அலைவரிசை என்னவென்று தெரிந்துகொள்ள எமது பக்கத்திற்குச் செல்லுங்கள்.
