සංචාරක ක්ෂේත්‍රයේ රැකියා බොහෝ දුරට කොවිඩ් වසංගතයට පෙර මට්ටමට පැමිණ ඇති බව ඔස්ට්‍රේලියානු සංඛ්‍යාලේඛන කාර්යාංශයේ නවතම දත්තවලට පෙන්වා දෙයි.
"පිරිමින්ගේ රැකියා ප්‍රකෘතිය කාන්තාවන්ට වඩා ඉහළ මට්ටමක පවතී. පිරිමින් විසින් කරනු ලබන රැකියා 2019 වසරේ පැවති මට්ටමෙන් 92.7% දක්වා යථා තත්ත්වයට පත් වී ඇති අතර කාන්තාවන් විසින් කරනු ලැබූ රැකියා ප්‍රමාණය සියයට 86.7 ක් විය," යනුවෙන් ඔස්ට්‍රේලියානු සංඛ්‍යාලේඛන කාර්යාංශය පවසයි.
නිවාඩු ගත කරන්නන් හා සම්බන්ධ රැකියා වඩාත් සැලකිය යුතු ප්‍රකෘතියක් පෙන්නුම් කළ බව ඔස්ට්‍රේලියානු සංඛ්‍යාලේඛන කාර්යාංශයේ සංඛ්‍යාලේඛන ප්‍රධානී Jonathon Khoo පැවසුවේය.
කෙසේ වෙතත්, අධ්‍යාපන හා පුහුණු අංශයේ වසංගතය තුළ අහිමි වූ රැකියාවල යථා තත්ත්වයට පත්වීම ඉතා මන්දගාමී බවද ඔහු පැවසීය.
නිව් සවුත් වේල්ස් ප්‍රාන්තයේ නව සතිපතා COVID රෝගීන් 8,905 ක් වාර්තා වූ අතර පසුගිය සතියේ එය 7,871 ක් විය.
වික්ටෝරියා ප්‍රාන්තයේ ද සතිපතා COVID රෝගීන්ගේ වැඩිවීමක් වාර්තා කළ අතර මෙම සතියේ රෝගීන් 3,319 සිට 3,960 දක්වා වර්ධනය විය.
පවුලේ සාමාජිකයෙකුට, උපස්ථායකකුට හෝ අවිධිමත් උපස්ථායකයෙකුට හමුවීම් සහ ප්‍රතිකාර ලබා ගැනීමේදී පැමිණීම වැළැක්වීමේ දැඩි නීති හේතුවෙන් වසංගතය අතරතුර පිළිකා ඇති පුද්ගලයින් සැලකිය යුතු ආතතියකට ලක් වූ බව සිඩ්නි විශ්ව විද්‍යාලය සහ ඇමෙරිකාවේ Duke විශ්ව විද්‍යාලය විසින් කරන ලද නව අධ්‍යයනයකින් හෙළි විය.
එය මීළඟ වසංගතය සඳහා සැලසුම් කිරීමට සහ වෛද්‍යවරයකු හමුවීම සඳහා උපස්ථායකකු ඇතුළත් කිරීම සඳහා තාක්ෂණය වඩා හොඳින් භාවිතා කිරීමට අත්වැලක් සපයයි.
වසංගතයේ මුල් අවධියේදී ඔස්ට්‍රේලියාවේ නිකොටින් පරිභෝජනය 30% කින් වර්ධනය වූ බව ක්වීන්ස්ලන්ත විශ්ව විද්‍යාලයේ පර්යේෂකයන් පැවසුවේය.
ඔස්ට්‍රේලියාවේ දුම්කොළ සහ නිකොටින් පරිභෝජනය අඩුවෙමින් පවතින නමුත් COVID-19 වසංගතය මෙම ප්‍රවණතාවය තාවකාලිකව කඩාකප්පල් කර ඇති බව සහකාර මහාචාර්ය Phong Thai පැවසුවේය.
2021 දී නිව් සවුත් වේල්ස් ඩෙල්ටා රැල්ල අතරතුර පනවන ලද දඩ මුදල් "යහපතට වඩා හානියක්" බව UNSW Sydney හි පර්යේෂකයන් පැවසුවේය.
මෙම දඩ මුදල් නිකුත් කිරීමෙන් මතු වූ ප්‍රධාන ප්‍රතිවිපාක දෙකෙන් පළමුවැන්න මිනිසුන්ගේ ජීවිතවලට අඛණ්ඩව දණ්ඩනීය බලපෑම් ඇති කරන ණය නිර්මාණය කිරීම බව ප්‍රධාන පර්යේෂක මහාචාර්ය Luke McNamara පැවසීය.
දෙවන ප්‍රතිවිපාකය නම්, වඩාත් තීව්‍ර ආකාරයේ පොලිස් සහ දඬුවම් නිවේදන නිකුත් කිරීම අත්විඳින ලද ප්‍රාන්තයේ එම ප්‍රදේශවල පොලිස්-ප්‍රජා සබඳතා පළුදු වීම බව ඔහු පැවසීය.
COVID-19 දඩ මුදල්වලට අනුකූල නොවීම අපරාධයක් බවට පත් කිරීමට නීති සම්පාදකයින් විසින් ගෙන ඇති ක්‍රියාමාර්ග සැලකිල්ලට නොගත් අතර ප්‍රජාවට ඒ සම්බන්ධ අධ්‍යාපනය ලබා දෙනවා වෙනුවට දඬුවම් කළ බව මහාචාර්ය McNamara වැඩිදුරටත් පැවසීය.
COVID-19 වයිරසයේ මූලාරම්භය අවබෝධ කර ගැනීම අත්‍යවශ්‍ය බව ලෝක සෞඛ්‍ය සංවිධානයේ තාක්ෂණික COVID-19 ප්‍රධානී වෛද්‍ය Maria Van Kerkhove පැවසුවාය.
"මෙම වසංගතය ආරම්භ වූ ආකාරය අවබෝධ කර ගැනීම අප සිටින වත්මන් තත්වය සඳහා පමණක් නොව එයට වඩා හොඳින් සූදානම් වීම සහ අනාගත වසංගත සහ වසංගත වැළැක්වීම සඳහා අතිශයින්ම තීරණාත්මක වෙනවා" වෛද්‍ය Kerkhove සඳහන් කළාය.
මේ වන විට, මෙම වසංගතය ආරම්භ වූයේ කෙසේද යන්න නිගමනය කිරීමට දත්ත නොමැති බවද ඇය පැවසුවාය.
පසුගිය දින 28 තුළ ඊට පෙර දින 28 ට සාපේක්ෂව ගෝලීය COVID රෝගීන්ගේ (මිලියන 4.1) 40% ක අඩුවීමක් සහ මරණ (28,000) 57% කින් අඩු වී ඇති බව ලෝක සෞඛ්‍ය සංවිධානය මාර්තු 16 වන දින සිය නවතම වාර්තාවේ සඳහන් කළේය. .
ඇමෙරිකාව, ජපානය, චීනය, රුසියාව සහ ජර්මනිය රටවල් මට්ටමින් වැඩිම COVID රෝගීන් වාර්තා කර ඇත.
ඔස්ට්‍රේලියාවේ ඒ ඒ ප්‍රාන්තයේ සහ ටෙරිටරියේ Long COVID සායන ඇති ස්ථාන මෙතනින් සොයාගන්න
ඔස්ට්‍රේලියාවේ ඒ ඒ ප්‍රාන්තයේ සහ ටෙරිටරියේ COVID-19 පරීක්ෂාකරන ස්ථාන මෙතනින් සොයාගන්න
