Breaking

ඔස්ට්‍රේලියානු මධ්‍යම බැංකුව අඛණ්ඩව දහවැනි වරටත් පොලී අනුපාත ඉහළ නංවයි, නිවාස ණයට සිදුවන බලපෑම මෙන්න

අඛණ්ඩව 10 වැනි වරටත් සිදුකළ මෙම ඉහළ නැංවීම වසර 11ක් තුළ ඔස්ට්‍රේලියාවේ පොලී අනුපාත ඉහළම අගයට ගෙන එයි.

Reserve Bank of Australia sign on black marble

The Reserve Bank has been hiking interest rates aggressively to tackle inflation, which came in at a hotter-than-expected 7.8 per cent in the December quarter - its highest level since 1990. Source: AAP / Bianca De Marchi

ඔස්ට්‍රේලියාවේ මධ්‍යම බැංකුව තවත් 0.25% කින් පොලී අනුපාත වැඩි කරන බව මාර්තු 07 දැනුම් දුන් අතර ඒ අනුව නිල මුදල් අනුපාතිකය 3.6% දක්වා ඉහළ නංවා ඇත.

අඛණ්ඩව 10 වැනි වරටත් සිදුකළ මෙම ඉහළ නැංවීම වසර 11ක් තුළ ඔස්ට්‍රේලියාවේ පොලී අනුපාත ඉහළම අගයට ගෙන එයි.
LISTEN TO
Investing a property Web image

RBA පොලී අනුපාත ඉහළ දැමීම සමග ඔස්ට්‍රේලියාවේ දේපළ වෙළඳාම් ක්ෂේත්‍රයේ ආයෝජනය කරන ඔබ සැලකිලිමත් විය යුතු කරුණු

SBS Sinhala

10:33
මෙම පොලී අනුපාත වැඩිවීම දැනටමත් ජීවන වියදම් සහ පොලී අනුපාත ඉහළ යාමේ පිරිවැය හේතුවෙන් පීඩාවට පත් නිවාස ණය හිමියන්ට වැඩි පීඩනයක් ඇති කරනු ඇත.

2022 අප්‍රේල් මාසයේ තත්ත්වය හා සසඳන විට මේ වන විට ඩොලර් ලක්ෂ 5 ක නිවාස ණයක් හිමි අයෙකුට මසකට ඩොලර් 1000කට වඩා වැඩිපුඅර ගෙවීමට සිදුවනු ඇතැයි මුල්‍ය සංසන්දනාත්මක වෙබ් අඩවියක් වන Finder විශ්ලේෂණයක් පෙන්නුම් කරයි.
Inflation_Jan21-23.png
Inflation has soared in the past two years. Credit: SBS News
ඔස්ට්‍රේලියාවේ උද්ධමනය මැඩපැවැත්වීම සඳහා ඔස්ට්‍රේලියානු මධ්‍යම බැංකුව (RBA) ආක්‍රමණශීලී ලෙස පොලී අනුපාත ඉහළ නංවා ඇති අතර, දෙසැම්බර් කාර්තුවේ දී බලාපොරොත්තු වූවාට වඩා උද්ධමනය 7.8% ක ඉහළ අගයකට පැමිණ ඇත. එය 1990 සිට එහි ඉහළම මට්ටම වේ.

———————————————————————————

ඩිජිටල් සහ සමාජ මාධ්‍ය ජාලයන්හි අපගේ SBS සිංහල සේවය හා සම්බන්ධ වීමට:

SBS සිංහල වෙබ් අඩවිය:
www.sbs.com.au/sinhalese


SBS සිංහල Facebook පිටුව:
www.facebook.com/SBSSinhala


SBS Audio App:
App Store 
හෝ
Google Play 
වෙතින් SBS Radio App නොමිලයේ Download කරගෙන සජීවීව SBS සිංහල වැඩසටහන සහ අපගේ අනෙකුත් podcast වලට සවන් දෙන්න.
———————————————————————————
පෙබරවාරි මස තම ප්‍රකාශයේදී පොලි අනුපාත ඉහළ දමන බවට ප්‍රකාශ කිරීමෙන් පසුව, මුදල් ප්‍රතිපත්තිය තවදුරටත් දැඩි කිරීමට අපේක්ෂා කරන බව ඔස්ට්‍රේලියානු මධ්‍යම බැංකුවේ අධිපති Philip Lowe පැවසුවේය.
Fixed_vs_VariableRates.png
How fixed and variable rates compare over time. Credit: SBS News
උද්ධමනය [2-3%] ඉලක්කයට ආපසු පැමිණීම සහතික කිරීම සඳහා මුදල් ප්‍රතිපත්තිය තවදුරටත් දැඩි කිරීම අවශ්‍ය වනු ඇතැයි මධ්‍යම බැංකු මණ්ඩලය අපේක්ෂා කරන බවත් මෙම ඉහළ උද්ධමනයේ කාලසීමාව තාවකාලික බවත් ඔහු පැවසීය.
LISTEN TO
SINHALA INT MIGRANT WOMEN 07/03 image

ඔස්ට්‍රේලියාවේ ව්‍යවසායිකාවක් වීමට සංක්‍රමණික කාන්තාවන්ට ඇති අභියෝග සහ ඒවා ජයගත හැකි අයුරු

SBS Sinhala

11:16
"තවත් පොලී අනුපාත වැඩි කළ යුත්තේ කවදාද සහ කොපමණ දැයි තක්සේරු කිරීමේදී, මණ්ඩලය ගෝලීය ආර්ථිකයේ වර්ධනයන්, ගෘහස්ත වියදම්වල ප්‍රවණතා සහ උද්ධමනය සහ ශ්‍රම වෙළඳපොළ පිළිබඳ ඉදිරි දැක්ම කෙරෙහි දැඩි අවධානයක් යොමු කරනු ඇති." යනුවෙන් ඔහු වැඩි දුරටත් පැහැදිලි කළේය.
HousePricesAus_Dec22.png
How capital city house prices have changed in value over time. Credit: SBS News
පහළ උද්ධමනයේ ඉලක්කයට ආපසු පැමිණීමේ අරමුණ තුළ මධ්‍යම බැංකු මණ්ඩලය අධිෂ්ඨානශීලීව සිටින අතර එය සාක්ෂාත් කර ගැනීම සඳහා අවශ්‍ය දේ කරනු ඇතැයිද ඔස්ට්‍රේලියානු මධ්‍යම බැංකුවේ අධිපති Philip Lowe පැවසුවේය.
LISTEN TO
SINHALA INT STEM Sisters - 07/03 image

ඕස්ට්‍රේලියාවේ විද්‍යා සහ තාක්ෂණ අංශ වල කාන්තා නියෝජනය වැඩි කරන්න වෙහෙසෙන, ආචාර්ය රුවංගි SBS සිංහලට කියූ දෑ

SBS Sinhala

30:55
පෙබරවාරි ප්‍රකාශයට අනුව ඇඟවෙන පරිදි උද්ධමනය [2-3%] ඉලක්කගත පරාසයකට ආපසු පැමිණීමට සහ ඉහළ උද්ධමනය ශක්තිමත් වීම නැවැත්වීමට අවම වශයෙන් තවත් පොලී අනුපාත ඉහල දැමීම් දෙකක් හෝ අවශ්‍ය වනු ඇති බවය.
UnitPricesAus_Dec22.png
How the price of units have changed in capital cities. Credit: SBS News
නමුත් එතැන් සිට, නිල දෙසැම්බර් කාර්තුවේ වැටුප් සහ ජාතික ගිණුම් දත්ත බලාපොරොත්තු වූවාට වඩා මෘදු වී ඇති අතර, පොලි අනුපාත ඉහළ දැමීමේ විරාමයක් මුලින් සිතුවාට වඩා ආසන්න යැයි අනුමාන කරයි.
Share
Published 7 March 2023 4:58pm
By Madhura Seneviratne
Source: AAP

Share this with family and friends