Prosopagnosia හෙවත් මුහුණු හඳුනා ගැනීමට නොහැකි වීමේ රෝගය සමග COVID-19 සම්බන්ධයක් ඇති බව ඇමෙරිකාවේ Dartmouth විද්‍යාලයේ පර්යේෂකයන් විසින් සොයාගෙන තිබේ.
"long COVID සහිත පුද්ගලයින් 54 දෙනෙකුගේ ස්වයං-වාර්තා සමීක්ෂණ දත්ත පෙන්නුම් කළ පරිදි බහුතරයක් රූප හඳුනාගැනීමේ සහ සංචලන හැකියාවන් අඩු කිරීම් වාර්තා කර ඇති බව ඔවුන් සිය පර්යේෂණයේ සඳහන් කර ඇත.
long COVID සහිත පුද්ගලයින් තුළ ඉහළ මට්ටමේ දෘශ්‍යාබාධිතයන් බහුලව දක්නට ලැබෙන බව පෙනී ගොස් ඇතැයිද ඔවුහු පැවසුහ.
"ආරම්භක ආසාදනයෙන් මාස තුනකට පසු නව රෝග ලක්ෂණ දිගටම පැවතීම හෝ වර්ධනය වීම, මෙම රෝග ලක්ෂණ වෙනත් පැහැදිලි කිරීමක් නොමැතිව අවම වශයෙන් මාස දෙකක්වත් පවතිනු ඇත." යනුවෙන් ලෝක සෞඛ්‍ය සංවිධානය (WHO) long COVID නිර්වචනය කර තිබේ.
long COVID හි වඩාත් පොදු රෝග ලක්ෂණ වන්නේ තෙහෙට්ටුව, හුස්ම ගැනීමේ අපහසුතාව සහ මතකය පිළිබඳ ගැටළු ('brain fog') ය.
Griffith විශ්ව විද්‍යාලයේ පර්යේෂකයන් විසින් long COVID සහ නිදන්ගත තෙහෙට්ටුව සින්ඩ්‍රෝමය ඇති පුද්ගලයින්ගේ මොළයේ ව්‍යුහයේ සමාන වෙනස්කම් සොයාගෙන ඇත.
නිදන්ගත තෙහෙට්ටුව සින්ඩ්‍රෝමය සහ long COVID ඇති පුද්ගලයින්ගේ මොළයේ ක්‍රියාකාරිත්වය අඩපණ වීම ඔවුන්ගේ ස්නායු, හෘද ශ්වසන රෝග ලක්ෂණ සහ චලන ආබාධ සඳහා දායක විය හැකි බව ප්‍රධාන පර්යේෂක වෛද්‍ය Kiran Thapaliya පැවසුවේය.
———————————————————————————
ඩිජිටල් සහ සමාජ මාධ්‍ය ජාලයන්හි අපගේ SBS සිංහල සේවය හා සම්බන්ධ වීමට:
SBS Audio App: හෝ වෙතින් SBS Radio App නොමිලයේ Download කරගෙන සජීවීව SBS සිංහල වැඩසටහන සහ අපගේ අනෙකුත් podcast වලට සවන් දෙන්න.———————————————————————————
පසුගිය සතියේ 8,905 ට සාපේක්ෂව අද දිනය වන විට මේ සතිය තුළ නිව් සවුත් වේල්ස් ප්‍රාන්තයේ නව සතිපතා COVID රෝගීන් 8,563 ක් වාර්තාවිය.
කෙසේ වෙතත්, මාර්තු 3 සිට නිව් සවුත් වේල්ස් ප්‍රාන්තයේ රෝහල්ගත වූ සංඛ්‍යාව වර්ධනය වෙමින් පවතී. එය පසුගිය සතියේ 834 ට සාපේක්ෂව මේ සතියේදී 873 කි.
වික්ටෝරියා ප්‍රාන්තයේ කොවිඩ් රෝගීන් පසුගිය සතියේ 3,960 ක්ව සිට මේ සතියේදී 4,467 දක්වා වර්ධනය වූ අතර රෝහල්ගත වූ සංඛ්‍යාව 114 සිට 152 දක්වා වැඩි විය.
රට තුළට ආපසු පැමිණි සංචාරකයින් අතර සරම්ප ආසාදනය වැඩිවීමත් සමඟ පාස්කු නිවාඩුවට පෙර සරම්ප එන්නත ලබා ගන්නා ලෙස Northern Territory රජය ඒ සඳහා සුදුසුකම් ලත් වැසියන්ගෙන් ඉල්ලා තිබේ.
ඇමරිකාවේ සහ යුරෝපයේ සරම්ප පැතිරීම සිදුවෙමින් පවතින අතර ආසියාව, අප්‍රිකාව සහ මැදපෙරදිග පුරා රටවල එම වයිරසය බහුලව පවතින බව එම නිවේදනයේ සඳහන් වේ.
ක්වීන්ස්ලන්ත විශ්ව විද්‍යාලයේ පර්යේෂකයන් දෙවන පරම්පරාවේ COVID එන්නත සඳහා මිනිස් අත්හදා බැලීම් ආරම්භ කර ඇත. පර්යේෂකයෝ එන්නත පරීක්ෂා කිරීම සඳහා නිරෝගී ස්වේච්ඡා සේවකයන් 70 දෙනෙකු සොයමින් සිටිති.
2022 සැප්තැම්බර් 30 දක්වා මාස 12 තුළ ඔස්ට්‍රේලියාවේ ජනගහනය 1.6% කින් (හෝ 418,500) වර්ධනය වී ඇති අතර එය COVID-19 වසංගතයට පෙර වසරවල වාර්තා වූ වර්ධනයට තරමක් සමාන බව ඔස්ට්‍රේලියානු සංඛ්‍යාලේඛන කාර්යාංශය පැවසුවේය.
කොවිඩ් සම්භවය පිළිබඳ ඇමෙරිකාවේ බුද්ධි තොරතුරු වර්ගීකරණය කිරීම සම්බන්ධ රිපබ්ලිකන් නායකත්වයෙන් යුත් පනත් කෙටුම්පතකට ඇමෙරිකානු ජනාධිපති Joe Biden අත්සන් කර ඇත.
“Wuhan වයිරස් විද්‍යා ආයතනයට ඇති සම්බන්ධතා ඇතුළුව අපිට COVID-19 හි මූලාරම්භයේ පහළට යා යුතුයි ...” ඇමෙරිකානු ජනාධිපති Joe Biden පැවසීය.
පසුගිය දින 28 තුළ ඊට පෙර දින 28 ට සාපේක්ෂව ගෝලීය COVID රෝගීන්ගේ (මිලියන 3.7) 31% ක අඩුවීමක් සහ මරණ (26,000) 46% කින් අඩු වී ඇති බව ලෝක සෞඛ්‍ය සංවිධානය මාර්තු 23 වන දින සිය නවතම වාර්තාවේ සඳහන් කළේය.
ඇමෙරිකාව, ජපානය, චීනය, රුසියාව සහ ජර්මනිය රටවල් මට්ටමින් වැඩිම COVID රෝගීන් වාර්තා කර ඇත.
ඔස්ට්‍රේලියාවේ ඒ ඒ ප්‍රාන්තයේ සහ ටෙරිටරියේ Long COVID සායන ඇති ස්ථාන මෙතනින් සොයාගන්න
ඔස්ට්‍රේලියාවේ ඒ ඒ ප්‍රාන්තයේ සහ ටෙරිටරියේ COVID-19 පරීක්ෂාකරන ස්ථාන මෙතනින් සොයාගන්න
