ඔස්ට්‍රේලියාවේ ඉන්ධන මිල ගණන් ලබන සතියේ සිට යළි ඉහළ යාමට නියමිතය.
ඔස්ට්‍රේලියානු මධ්‍යම රජය ලබාදෙන තාවකාලික ඉන්ධන බදු සහනය ලබන සතියේ අවසන් වන වීම ඊට හේතුව වේ.
සැප්තැම්බර් 29 වැනිදා සිට ඔස්ට්‍රේලියාවේ පෙට්‍රල් ලීටරයක මිල ශත 25කින් ඉහළ යයි.
මීට පෙර පැවති මොරිසන් රජය මෝටර් රථ රියදුරන්ගේ ජීවන වියදම් පීඩනය අඩු කිරීම සඳහා මාස හයක තාවකාලික පියවරක් ලෙස 2022 මාර්තු මාසයේදී ඉන්ධන බද්ද හරි අඩකින් අඩු කළේය.
LISTEN TO
T 20 ලෝක කුසලාන ක්‍රිකට් තරඟාවලියේ විශේෂතා ගැන ICC සංවිධාන කමිටුවේ CEO, Michelle Enright SBS සිංහලට කියූ දෑ
SBS Sinhala
14:27
එම බදු සහනය මාස හයෙන් ඔබ්බට දීර්ග කරන ලෙස වත්මන් කම්කරු රජයෙන් ඉල්ලා සිටියද එම බදු නැවත පැනවීමට තීරණය කර තිබේ.
නමුත් මෙම මිල වැඩිකිරීම් එක රැයකින් සිදු නොවන බව වාර්තා වේ.
ඉන්ධන පිරවුම්හල් නව පිරිවැය සහිත ඉන්ධන තොග සම්පුර්ණයෙන් ගබඩා කරගන්නා තෙක් ඉන්ධනවල මිල වැඩිවීම ප්‍රමාද විය හැකි බව NSW සහ ACT හි මෝටර්රථ සංවිධානයක් වන NRMA පවසයි.
යුරෝපයේ බලශක්ති අර්බුදය සහ ශීත කාලය එළඹීමත් සමඟ, ඉන්ධන ඉල්ලුම ඉහළ යන බැවින් මිල ගණන් මෙහි තවත් වැඩි විය හැකිය.
එනිසාම ඔබේ එදිනෙදා පෙට්‍රල් වියදම අඩු කර ගත හැකි ආකාරය පිළිබඳ මෙම ලිපියෙන් ඉදිරිපත් කෙරේ.
Petrol prices in Australia will rise again from next week Source: AAP
ඉන්ධන මිල පරීක්ෂා කරන වෙබ් අඩවි සහ App
එකිනෙක ඉන්ධන පිරවුම්හල් වෙත ගොස් අඩුම පෙට්‍රල් මිල ඇත්තේ කොහෙද කියා සොයාගැනීම ඉතා අසීරු ක්‍රියාවක් බවත් එහිදී ඔබේ වාහනයේ ඉන්ධන ටැංකියේ තිබෙන ඉන්ධන ප්‍රමාණයද නිකරුනේ නාස්ති වේ.
නමුත් ඔබට එම ක්‍රියාව කිරීම සඳහා උපකාර කළ හැකි apps සහ වෙබ් අඩවි කිහිපයක් දැන් ඇත.
ඒවායින් සමහරක් රජය විසින් අනුමත කර ඇත.
LISTEN TO
ඕස්ට්‍රේලියානු ආචාර විධි වලට අනුව, ඔබ කළ යුතු සහ නොකළ යුතු දේ ගැන SBS සිංහල වෙතින්
SBS Sinhala
11:48
ඔබේ වාහනයට ඉන්ධන පිරවීමට පෙර මදක් අවට පරීක්ෂා කරන ලෙස NRMA ප්‍රකාශක Peter Khoury SBS ප්‍රවෘත්ති අංශයට පැවසුවේය.
NSW ප්‍රාන්ත රජයේ ඉන්ධන පිරික්සුම් වෙබ් අඩවිය වන Fuel Check වෙබ් අඩවිය ඔබට ළඟම ඇති ඉන්ධන පිරවුම් ස්ථානයෙන් හොඳම මිල සෙවීමට ඔබට ඉඩ සලසයි.
ඒ සඳහා Northern Territory හි MyFuel NT ඇති අතර බටහිර ඔස්ට්‍රේලියාවේ FuelWatch වෙබ් අඩවි ඇත.
දකුණු ඔස්ට්‍රේලියාවට සහ ක්වීන්ස්ලන්තයට මේ සඳහා තමන්ගේම වෙබ් අඩවි නොමැති නමුත් පාරිභෝගිකයින්ට ලාභම දේශීය ඉන්ධන මිල සොයා ගත හැකි බාහිර සේවා කිහිපයක් ඔවුන්ගේ වෙබ් අඩවිවල ලැයිස්තුගත කර තිබේ.
වික්ටෝරියා සහ ACT හි ද එවැනි වෙබ් අඩවි නොමැත.
———————————————————————————
ඩිජිටල් සහ සමාජ මාධ්‍ය ජාලයන්හි අපගේ SBS සිංහල සේවය හා සම්බන්ධ වීමට:
SBS Radio App: හෝ වෙතින් SBS Radio App නොමිලයේ Download කරගෙන සජීවීව SBS සිංහල වැඩසටහන සහ අපගේ අනෙකුත් podcast වලට සවන් දෙන්න.
———————————————————————————
නමුත් පහත සඳහන් ජාතික මට්ටමින් පෙට්‍රල් මිල නිරීක්ෂණ වෙබ් අඩවි සහ Mobile App ඇත.
- PetrolSpy - මෙහි මිලවල නිරවද්‍යතාව 0% කි.
- MotorMouth
- 7-Eleven’s fuel lock
මීට අමතරව ඕස්ට්‍රේලියාවේ ප්‍රධානතම සුපිරි වෙළෙඳ ජාලයන් දෙකෙන් භාණ්ඩ මිලටගත් පසු ලබාදෙන රිසිට් පතේ ඉන්ධන වවුචරය භාවිත කර ඉන්ධන වට්ටම් ලබාගත හැකිය.
Australian motorists will be paying more at the bowser when the fuel excise is reinstated at the end of the month. Source: AAP / BIANCA DE MARCHI/AAPIMAGE
පෙට්‍රල් මිල චක්‍ර (price cycles) නිරීක්ෂණය කරන්න
ඔස්ට්‍රේලියානු තරඟකාරී සහ පාරිභෝගික කොමිසම (ACCC) සිඩ්නි, මෙල්බර්න්, බ්‍රිස්බේන්, ඇඩිලේඩ් සහ පර්ත් සඳහා පෙට්‍රල් මිල චක්‍රය නිරීක්ෂණය කරයි.
පෙට්‍රල් සිල්ලර වෙළෙන්දන්ගේ මිල ප්‍රතිපත්ති නිසා ඇති විය හැකි පෙට්‍රල් මිල ඉහළ යාම වැළක්වීම මෙහි අරමුණ වේ.
එහි වෙබ් අඩවියේ ඇති ප්‍රස්ථාරවල මිල වැඩි වන හෝ අඩු වන ස්ථානය පෙන්වයි. එය ඔබේ වාහනයට ඉන්ධන කල්තියා පිරවීම සඳහා හොඳ දර්ශකයකි.
ප්‍රස්ථාර සඳුදා සිට සිකුරාදා දක්වා දිනපතා මධ්‍යම රාත්‍රියේ යාවත්කාලීන වන අතර පසුගිය දින 45 සඳහා සාමාන්‍ය දෛනික මිල ගණන් පෙන්වයි.
මෙම මිල චක්‍ර අවබෝධ කර ගැනීමෙන් මෝටර් රථ හිමියන්ට ලීටරයකට ශත 30ක් දක්වා ඉතිරි කර ගත හැකි බව NRMA ප්‍රකාශක Peter Khoury SBS ප්‍රවෘත්ති අංශයට පැවසුවේය.
