පසුගිය සතිය හා සසඳන විට ඔක්තෝබර් 6 න් අවසන් වූ සතිය සඳහා නිව් සවුත් වේල්ස් සහ වික්ටෝරියා ප්‍රාන්ත නව COVID-19 ආසාදන, රෝහල්ගත කිරීම්, මරණ සහ ICU ඇතුලත් කිරීම්වල අඩුවීමක් වාර්තා කළේය.
පූර්ව ඇඟවීම්වලින් පෙනී යන පරිදි BA.2.75 ආසාදන ප්‍රාන්තයේ වැඩිවෙමින් පවතින බව NSW Health පැවසීය.
කෙසේ වෙතත්, නිව් සවුත් වේල්ස් ප්‍රාන්තයේ දින හතක රෝහල්ගත වීමේ සාමාන්‍යය මේ වසරේ ආරම්භයේ සිට අඩුම අගයක් ගනී. ඉදිරි සති කිහිපය තුළ එය අඩු මට්ටමක පවතිනු ඇතැයි ද අපේක්ෂා කෙරේ.
ක්වීන්ස්ලන්ත විශ්ව විද්‍යාලයේ පර්යේෂකයන් විසින් COVID-19 හදවතට හානි කරන බව සොයාගෙන ඇත.
COVID ඉන්ෆ්ලුවන්සා රෝගය මෙන් නොවන බව ඔවුන් පෙන්වා දී තිබේ.
ඔස්ට්‍රේලියාව COVID-19 ස්වයං නිරෝධායනය කිරීමේ නීති ඉතා ඉක්මනින් ලිහිල් කළ බව ඔස්ට්‍රේලියානු වෛද්‍ය සංගමයේ සභාපති Steve Robson පැවසුවේය.
දැනට ඇති සියලු සලකුණු වලින් පෙන්නුම් කරන්නේ ඔස්ට්‍රේලියාව තවත් COVID රැල්ලක් අභියස සිටින බවත් නිවාඩු කාලය තුළ අපට තවත් කොවිඩ් රැල්ලක් තිබේ නම්, අපට එම පසුබෑම සමඟ කටයුතු කළ නොහැකි බැවින් එය රටට අයහපත් ආරංචියක් වන බවත් ඔහු පැවසීය.
ඔස්ට්‍රේලියාවේ ඖෂධ හා චිකිත්සක අධිකාරිය විසින් මාස හයේ සිට අවුරුදු පහ දක්වා ළමුන් සඳහා Pfizer එන්නතෙහි ළමා මාත්‍රාවක් තාවකාලිකව අනුමත කර ඇත.
මෙම එන්නත අනුමත කිරීම සඳහා ෆෙඩරල් සෞඛ්‍ය අමාත්‍යවරයාට නිර්දේශ කිරීමට පෙර ප්‍රතිශක්තිකරණය පිළිබඳ ඔස්ට්‍රේලියානු තාක්ෂණික උපදේශක කණ්ඩායම (ATAGI) විසින් දැන් සමාලෝචනය කරනු ලැබේ.
Moderna හි COVID-19 එන්නත මෙම වයස් කාණ්ඩයේ අවදානමට ලක්විය හැකි ළමුන් සඳහා අනුමත කරන ලද එකම කොවිඩ් එන්නත වේ.
ඔස්ට්‍රේලියාවේ ඖෂධ හා චිකිත්සක අධිකාරිය විසින් Moderna හට මුල් වයිරසය සහ Omicron හි BA.5/BA.4 උප ප්‍රභේදයන් ඉලක්ක කර ගනිමින් ද්විසංයුජ එන්නතක් සඳහා සිය අයදුම්පත ඉදිරිපත් කිරීමට අවසර දී ඇත.
තාවකාලික අනුමැතිය ලබා දීමට පෙර එන්නත සඳහා මානව සායනික පරීක්ෂණය සමාලෝචනය කරන බව ඔස්ට්‍රේලියාවේ ඖෂධ හා චිකිත්සක අධිකාරිය පැවසීය.
ඔස්ට්‍රේලියාව දැනටමත් වයස අවුරුදු 18 සහ ඊට වැඩි පුද්ගලයින් සඳහා මුල් වයිරසය සහ Omicron's BA.1 උප ප්‍රභේද ඉලක්ක කරන Moderna හි එන්නත තුන්වන සහ සිව්වන එන්නත ලෙස භාවිතා කිරීම අනුමත කර ඇත.
ක්වීන්ස්ලන්තය, වික්ටෝරියා සහ බටහිර ඔස්ට්‍රේලියාව COVID-19 ධනාත්මක රෝගීන් සඳහා නිරෝධායන පහසුකම් වසා දමා ඇත.
වසංගතය අතරතුර නිරෝධායනය පිණිස සාදන ලද පහසුකම් ඉදිකිරීම සඳහා ඩොලර් බිලියන 1 කට වඩා වියදම් කරන ලදී.
ගෝලීය නව සතිපතා COVID-19 රෝගීන් සහ මරණ සංඛ්‍යාව අඛණ්ඩව අඩුවෙමින් පවතී.
ලෝක සෞඛ්‍ය සංවිධානය ඔක්තෝබර් 2 න් අවසන් වූ සතිය සඳහා කොවිඩ් මරණ 8,300 ක් වාර්තා කළේය.
පසුගිය සතියේ වැඩිම නව රෝගීන් සංඛ්‍යාවක් වාර්තා වී ඇත්තේ ජර්මනිය, ඇමෙරිකාව, ජපානය, චීනය සහ ප්‍රංශයෙනි.
ඔස්ට්‍රේලියාවේ ඒ ඒ ප්‍රාන්තයේ සහ ටෙරිටරියේ Long COVID සායන ඇති ස්ථාන මෙතනින් සොයාගන්න
ඔස්ට්‍රේලියාවේ ඒ ඒ ප්‍රාන්තයේ සහ ටෙරිටරියේ COVID-19 පරීක්ෂාකරන ස්ථාන මෙතනින් සොයාගන්න
