COVID 19 update 17 November: නොදර්න් ටෙරිටරියේ Katherine සහ Robinson River ප්‍රදේශ වල තත්වය දරුණු අතට

2021 නොවැම්බර් 17 වනදා ඔස්ට්‍රේලියාවේ කොවිඩ් තත්ත්වය පිළිබඳ යාවත්කාලීන වන තොරතුරු මෙම ලිපියේ ඇතුළත් වේ.

The spike in cases has triggered a lockdown extension for Katherine and Robinson River region until at least 6pm on Monday

The spike in cases in the NT has triggered a lockdown extension for Katherine and Robinson River region until at least 6pm on Monday. Source: AAP

Highlights

නොදර්න් ටෙරිටරියේ තත්වය
වික්ටෝරියා ප්‍රාන්තයේ යෝජිත වසංගත පනත සම්බන්ධයෙන්
Pfizer සමාගම COVID-19 සඳහා වන වන ඖෂධ පෙත්තක් සම්බන්ධයෙන් ගිවිසුමක් අත්සන් කිරීම

නොදර්න් ටෙරිටරියෙන් නව කොවිඩ් ආසාදිතයින් 8 දෙනෙකු වාර්තා වීමත් සමග නොදර්න් ටෙරිටරිය මේ වනවිට දැඩි අවධානයකින් පසු වේ. මෙම නව ආසාදිතයින්ගෙන් 5 දෙනෙකු එම ටෙරිටරියේ ප්‍රාදේශීය ප්‍රදේශයක් වන Robinson River ප්‍රදේශයෙන් හමුව තිබේ. මේ වනවිට Katherine සහ Robinson River යන ප්‍රදේශ සඳහා අවම වශයෙන් ලබන සඳුදා සවස 6 දක්වාවත් ක්‍රියාත්මක වන පරිදි lockdown තත්වයක් ප්‍රකාශයට පත්කොට ඇති අතර සමස්ත ප්‍රාන්තය සඳහාම බලපාන පරිදි මුහුණු ආවරණ පැළඳීමද අනිවාර්ය කොට තිබේ.

වික්ටෝරියා ප්‍රාන්තයේ යෝජිත වසංගත පනත සම්බන්ධයෙන් විරෝධය දැක්වීමට වික්ටෝරියානු පාර්ලිමේන්තුව ඉදිරිපිට එක් වූ කණ්ඩායම් සම්බන්ධයෙන් වික්ටෝරියානු ප්‍රාන්ත අග්‍රාමාත්‍ය Daniel Andrews විවේචනය කොට තිබේ. මෙම පනත පිළිබඳව වන විවාදය හෙට පැවැත්වීමට නියමිතව තිබේ.

COVID-19 සඳහා වන වන ඖෂධ පෙත්තක් සම්බන්ධයෙන් Pfizer සමාගම ගිවිසුමක් අත්සන් කොට තිබේ. මෙම ඖෂධ පෙත්ත නිවසේදී ලබාගැනීමට හැකියාව හිමිවන අතර ඒ ඔස්සේ COVID-19 වෛරසය හේතුවෙන් වන රෝහල්ගත වීම සහ මරණ වැලැක්වීම සඳහා උපකාරී වේ.

COVID-19 සංඛ්‍යා දත්ත

ගතවූ පැය 24 තුළ වික්ටෝරියා ප්‍රාන්තයෙන් කොවිඩ් ආසාදිතයින් 916 ක් සමග කොවිඩ් මරණ 9 ක් වාර්තා වේ.
ගතවූ පැය 24 තුළ සිදුකළ කොවිඩ් පරීක්ෂණ හරහා නිව් සවුත් වේල්ස් ප්‍රාන්තයේ ප්‍රජාව අතරින් අලුතින් කොවිඩ් ආසාදිතයින් 231 ක් හමුවී ඇති අතර මරණ වාර්තා නොවේ.
ගතවූ පැය 24 තුළ ඕස්ට්‍රේලියානු කැපිටල් ටෙරිටරියෙන් කොවිඩ් ආසාදිතයින් 6 ක් වාර්තා වේ.
ගතවූ පැය 24 තුළ ක්වීන්ස්ලන්ත ප්‍රාන්තයෙන් කිසිදු කොවිඩ් ආසාදිතයකු වාර්තා නොවේ.