COVID 19 update 07 Jan: NSW ප්‍රාන්තය elective සැත්කම් අත්හිටුවමින් කොවිඩ් නීති කිහිපයක් පනවයි

2022 ජනවාරි 07 වනදා ඔස්ට්‍රේලියාවේ කොවිඩ් තත්ත්වය පිළිබඳ යාවත්කාලීන වන තොරතුරු මෙම ලිපියේ ඇතුළත් වේ.

NSW Premier Dominic Perrottet (centre) speaks to the media during a press conference at South Western Sydney Vaccination Centre in Sydney, Wednesday, January 5. Source: AAP Image/Bianca De Marchi

Highlights

ගතවූ පැය 24 තුළ NSW ප්‍රාන්තය තුළ කොවිඩ් ආසාදන 38,625 ක් වාර්තා කිරීමෙන් පසු, පෙබරවාරි දක්වා හදිසි නොවන elective සැත්කම් අත්හිටුවනු ලැබීය.
එමෙන්ම NSW ප්‍රාන්තයේ ධනාත්මක rapid antigen ප්‍රතිඵල ලැබෙන පුද්ගලයින් ඒ බව ප්‍රාන්ත සෞඛ්‍ය දෙපාර්තමේන්තුව වෙත දැන්විය යුතුය. ඒ අනුව ඒවා ද ධනාත්මක PCR ප්‍රතිඵල සේම ගණනයට භාජනය කරනු ඇති බව NSW ප්‍රාන්ත අගමැති Dominic Perrottet පැවසීය.
ජනවාරි 27 තෙක් NSW ප්‍රාන්තයේ hospitality ස්ථානවල ගීත ගායනා කිරීම් සහ නර්තනය තහනම් කෙරේ.
කොවිඩ් එන්නත් ලබා ගැනීම අනිවාර්ය වන විට, ඒවාට බූස්ටර් එන්නත්ද ඇතුළත් කිරීමට සිදුවනු ඇති බව NSW ප්‍රාන්ත අගමැති Dominic Perrottet අද පැවති මාධ්‍ය හමුවකදී පැවසීය.
NSW ප්‍රාන්තයේ කොවිඩ් ආසාදිතයින් 1,738 ක් රෝහල් ගතකර ඇති අතර කොවිඩ් රෝගීන් 134 දෙනෙකු මේ වන විට දැඩි සත්කාර ඒකකවල සිටින බවද සඳහන්.
වික්ටෝරියා ප්‍රාන්තයේ කොවිඩ් ආසාදිතයින් 644 ක් රෝහල් ගතකර ඇති අතර රෝගීන් 58 දෙනෙකු මේ වන විට දැඩි සත්කාර ඒකකවල සිටින බවද තවත් 24 දෙනෙකු ශ්වසන ආධාරක මත සිටින බවද සඳහන්.
ඔමික්‍රොන් රෝගීන් වැඩිවීමත් සමඟ මධ්‍යම රජය විසින් ලබාදෙන වසංගත නිවාඩු ආපදා ගෙවීම් සඳහා තමන්ගේ සුදුසුකම් පරීක්ෂා කරන ලෙස අගමැති Scott Morrison ඔස්ට්‍රේලියානුවන්ගෙන් ඉල්ලා සිටී. පුද්ගලයෙකුට හුදකලා වීමට හෝ නිරෝධායනය වීමට පවසා ඇති සෑම දින හතක් සඳහාම එම ගෙවීම ඩොලර් 750ක් වේ.
Omicron කොවිඩ් ප්‍රභේදය පැතිරීම අයහපත් අතට හැරුණහොත් ක්වීන්ස්ලන්තයේ ප්‍රාථමික පාසල් සඳහා පළමු වාරය ආරම්භ කිරීම සති දෙකක් දක්වා ප්‍රමාද විය හැකි බව ක්වීන්ස්ලන්ත ප්‍රාන්ත අගමැතිනී Annastacia Palaszczuk අනතුරු ඇඟවූවාය.
Northern Territory රජය පූර්ණ කොවිඩ් එන්නත්කරණය නොලද පුද්ගලයින්ට නිවසේ රැඳී සිටීමේ නියෝග පනවා ඇත. මේ අනුව වයස අවුරුදු 16 ට වැඩි පුද්ගලයින්ට හේතු 3 ක් හැරුණුකොට තම නිවසේ සිට කිලෝමීටර් 30කට වඩා වැඩි දුරක් ගමන් කළ නොහැකිවේ.
Omicron කොවිඩ් ප්‍රභේදය මද අවදානමක් ඇති බවට ලෝක සෞඛ්‍ය සංවිධානය විස්තර කර ඇති අතර එය ලොව පුරා මිනිසුන් මරා දමන බවට අනතුරු අඟවා තිබේ.

ගතවූ පැය 24 තුළ ඔස්ට්‍රේලියාවේ ප්‍රාන්ත හා ටෙරිටරිවල කොවිඩ් ආසාදිතයින් සංඛ්‍යාව

ගතවූ පැය 24 තුළ නිව් සවුත් වේල්ස් ප්‍රාන්තයෙන් අලුතින් කොවිඩ් ආසාදිතයින් 38,625 ක් හමුවී ඇති අතර කොවිඩ් මරණ 11 ක් වාර්තා වේ.
ගතවූ පැය 24 තුළ වික්ටෝරියා ප්‍රාන්තයෙන් කොවිඩ් ආසාදිතයින් 21,728 ක් සමග කොවිඩ් මරණ 06 ක් වාර්තා වේ.
ක්වීන්ස්ලන්තයෙන් කොවිඩ් ආසාදිතයින් 10,953 ක් වාර්තා වන අතර දකුණු ඔස්ට්‍රේලියා ප්‍රාන්තයෙන් ආසාදිතයින් 3,070 ක් හමුවී තිබේ.
ගතවූ පැය 24 තුළ ටස්මේනියා ප්‍රාන්තයෙන් කොවිඩ් ආසාදිතයින් 1,489 ක් වාර්තා වන අතර ACT වෙතින් 1,246 ක් වාර්තා වේ.