COVID 19 update 20 Dec: NSW ප්‍රාන්තයේ මුව ආවරණ පැළඳීම අනිවාර්ය කිරීමට ප්‍රාන්ත අගමැති විරුද්ධ වෙයි

2021 දෙසැම්බර් 20 වනදා ඔස්ට්‍රේලියාවේ කොවිඩ් තත්ත්වය පිළිබඳ යාවත්කාලීන වන තොරතුරු මෙම ලිපියේ ඇතුළත් වේ.

NSW Premier Dominic Perrottet Source: AAP

Highlights

ගතවූ පැය 24 තුළ නිව් සවුත් වේල්ස් ප්‍රාන්තයෙන් අලුතින් කොවිඩ් ආසාදිතයින් 2,501 ක් හමුවී ඇති අතර කිසිදු කොවිඩ් මරණයක් වාර්තා වී නොමැත. එය ඊයේ දිනයේ සටහන්වූ ආසාදිතයින් 2,566 ට සාපේක්ෂව 65 ක අඩුවීමකි.
නිව් සවුත් වේල්ස් ප්‍රාන්තය ආරක්ෂිතව විවෘත කළ හැකි බවට තමාට විශ්වාසයක් ඇති බවත්, මුව ආවරණ පැළඳීම අනිවාර්ය කිරීමට සිදුකළ ඉල්ලීම්වලට තමන් විරුද්ධ බවත් නිව් සවුත් වේල්ස් ප්‍රාන්ත අගමැති Dominic Perrottet පැවසුවේය.
නව Omicron කොවිඩ් ප්‍රභේදය ශීග්‍රයෙන් සම්ප්‍රේෂණය වන බැවින් ඊට එරෙහිව හදිසි ක්‍රියාමාර්ගයක් අවශ්‍ය බව Westmead රෝහලේ ප්‍රතිශක්තිකරණ විද්‍යාඥයෙකු වන Dan Suan පවසයි.
සඳුදා ඔස්ට්‍රේලියාවේ සෙසු ප්‍රදේශවලට ප්‍රාන්ත සීමා නැවත විවෘත කිරීමත් සමඟ නිවාස අර්බුදය කොවිඩ් රෝගීන් සංඛ්‍යාව උග්‍ර කළ හැකි බව Northern Territory හි ප්‍රධානතම ඇබොර්ජීනියානු සෞඛ්‍ය කණ්ඩායම පවසයි.
ඔස්ට්‍රේලියාවේ ජනගහන වර්ධනය 2024/25 වර්ෂය වන විට 1.4% දක්වා ඉහළ යාමට පෙර 2021/22 වර්ෂයේදී 0.3% ක් පමණක් වනු ඇතැයි පුරෝකථනය කර ඇත.
පූර්ව කොවිඩ් වසංගත කාලයේ ඇස්තමේන්තුවලට සාපේක්ෂව වසර 10 කට පසු ඔස්ට්‍රේලියාවේ මුළු ජනගහනය මිලියන 1.5 ක් කුඩා වනු ඇතැයි පුරෝකථනය කර ඇත.
තම ප්‍රාන්තයේ කොවිඩ් රෝගීන් දළ වශයෙන් සෑම පැය 48 කට වරක් දෙගුණ වන අතර ජනවාරි මාසය වන විට කොවිඩ් රෝගීන් සංඛ්‍යාව සැලකිය යුතු ලෙස වැඩි වනු ඇතැයි අපේක්ෂා කරන බව ක්වීන්ස්ලන්ත ප්‍රාන්තයේ ප්‍රධාන සෞඛ්‍ය නිලධාරිනිය පවසයි.

COVID-19 සංඛ්‍යා දත්ත

ගතවූ පැය 24 තුළ වික්ටෝරියා ප්‍රාන්තයෙන් කොවිඩ් ආසාදිතයින් 1,302 ක් වාර්තා වන අතර කිසිදු කොවිඩ් මරණයක් වාර්තා නොවේ.
ගතවූ පැය 24 තුළ නිව් සවුත් වේල්ස් ප්‍රාන්තයෙන් අලුතින් කොවිඩ් ආසාදිතයින් 2,501 ක් හමුවී ඇති අතර කිසිදු කොවිඩ් මරණයක් වාර්තා වී නොමැත
ගතවූ පැය 24 තුළ ක්වීන්ස්ලන්ත ප්‍රාන්තයෙන් කොවිඩ් ආසාදිතයින් 59 ක් ද ACT වෙතින් 13 ක්ද ටස්මෙනියා ප්‍රාන්තයෙන් සහ Northern Territory වෙතින් ආසාදිතයින් තිදෙනා බැගින්ද හමුවී තිබේ.