COVID 19 update 08 Dec: සිඩ්නි වරායේ Cruise යාත්‍රාවක Omicron ආසාදිතයින් සිටි බවට සැකයක්

2021 දෙසැම්බර් 08 වනදා ඔස්ට්‍රේලියාවේ කොවිඩ් තත්ත්වය පිළිබඳ යාවත්කාලීන වන තොරතුරු මෙම ලිපියේ ඇතුළත් වේ.

Side view of Sydney Harbour bridge Opera House and city CBD at sunset.

面對加息大環境，投資者應當如歌部署？ Source: AAP

Highlights

කොවිඩ් ආසාදිතයින් පස් දෙනෙකු හඳුනාගැනීමෙන් පසු පසුගිය සිකුරාදා (03/12) රාත්‍රියේ සිඩ්නි වරායේ cruise යාත්‍රාවක සිටි පුද්ගලයින් 140 ක් පමණ සම්බන්ධ කරගැනීමට නිව් සවුත් වේල්ස් සෞඛ්‍ය බලධාරීහු උත්සාහ කරති. එයින් දෙදෙනෙකුට ඉතා ශීග්‍රයෙන් බෝවන Omicron ප්‍රභේදය තිබීමට ඉඩ ඇති බවට සැකයක් ඇත.
Omicron ප්‍රභේදය පෙර කොවිඩ් ප්‍රභේදවලට වඩා දරුණු රෝග ඇති කරන බවක් නොපෙන්වන නමුත් එයින් තවමත් ප්‍රවේශම් විය යුතු බව ලෝක සෞඛ්‍ය සංවිධානය පවසයි.
වයස අවුරුදු පහේ සිට 11 දක්වා ළමුන් සඳහා Pfizer එන්නත ලබාදීමේ අවසාන අනුමැතිය පිළිබඳව මෙම සතිය අවසානයේදී තීරණය කිරීමට ප්‍රතිශක්තීකරණය පිළිබඳ ඔස්ට්‍රේලියානු තාක්ෂණික උපදේශක කණ්ඩායම අපේක්ෂා කරයි. එය අනුමත වූ පසු අදාළ වයස් ඛාණ්ඩයේ දරුවන්ට නව වසරේ නැවත පාසලට පැමිණීමට පෙර ඔවුන්ගේ එන්නත් ලබා ගත හැකි බව අපේක්ෂා කෙරේ.

COVID-19 සංඛ්‍යා දත්ත

ගතවූ පැය 24 තුළ වික්ටෝරියා ප්‍රාන්තයෙන් කොවිඩ් ආසාදිතයින් 1,312 ක් සමග කොවිඩ් මරණ 5 ක් වාර්තා වේ.

ගතවූ පැය 24 තුළ සිදුකළ කොවිඩ් පරීක්ෂණ හරහා නිව් සවුත් වේල්ස් ප්‍රාන්තයේ ප්‍රජාව අතරින් අලුතින් කොවිඩ් ආසාදිතයින් 403 ක් හමුවී ඇති අතර එක් කොවිඩ් මරණයක් වාර්තා වේ.

ගතවූ පැය 24 තුළ ACT වෙතින් කොවිඩ් ආසාදිතයින් 8 දෙනෙක්ද ක්වීන්ස්ලන්ත ප්‍රාන්තයෙන් සහ Northern Territory වෙතින් ආසාදිතයින් දෙදෙනා බැගින්ද වාර්තා වේ.