Highlights
රෝග ලක්ෂණ නොමැති COVID ධනාත්මක රෝගීන් සඳහා ස්වයං නිරෝධායන කාලය සැප්තැම්බර් 9 පටන් දින හතේ සිට පහ දක්වා අඩු කිරීමෙන් පසු දකුණු ඔස්ට්‍රේලියාව සමීප ආශ්‍රිතයින් හා සම්බන්ධ නීති පැහැදිලි කර ඇත.
සමීප ආශ්‍රිතයින් ඔවුන් වයිරසයට නිරාවරණ වූ දිනයෙන් පසු දින හතක් සඳහා COVID-19 මාර්ගෝපදේශ අනුගමනය කළ යුතු බව එහි සඳහන් වේ.
ඔවුන් වෙනත් පුද්ගලයින් සමග ගැවසෙන විට මුව ආවරණයක් පැළඳිය යුතු අතර දින හතක් පුරා RAT පරීක්ෂණ පහක් සිදුකර ගත යුතුය.
ඊට අමතරව, ඔවුන් තම සේවා යෝජකයන්ට, පාසල්වලට හෝ childcare මධ්‍යස්ථාන වෙත දැනුම් දිය යුතු අතර රෝහල් වැනි ඉහළ අවදානම් ස්ථානවලට යාමෙන් වැළකී සිටිය යුතුය.
සමීප ආශ්‍රිතයින් පිළිබඳ නීති වෙනස් නොකළ යුතු බව ඔස්ට්‍රේලියානු සෞඛ්‍ය ආරක්ෂණ ප්‍රධාන කමිටුව පසුගිය සතියේ නිර්දේශ කළේය.
long COVID තත්ත්වය සතියකට ඩොලර් මිලියන 100 ක ආර්ථික බලපෑමක් ඇති කරන අතර එය වාර්ෂිකව ඩොලර් බිලියන 5.2 ක් පමණ වන බව The Australian Financial Review වාර්තා කළේය.
Jama Network හි ප්‍රකාශයට පත් කරන ලද නව අධ්‍යයනයකින් මානසික පීඩා ඇති පුද්ගලයින් long COVID සහ ඒ ආශ්‍රිත රෝග වර්ධනය වීමේ වැඩි අවදානමක් ඇති බව හෙළි විය.
මානසික පීඩාවට මානසික අවපීඩනය, කාංසාව, කනස්සල්ල,ආතතිය සහ තනිකම ඇතුළත් වේ.
මේ වසරේ residential aged care පහසුකම් වලදී ඔස්ට්‍රේලියානුවන් 3,000 කට වැඩි පිරිසක් COVID-19 නිසා මිය ගිය බව සෞඛ්‍ය දෙපාර්තමේන්තු දත්ත පෙන්වා දෙයි.
ඔස්ට්‍රේලියාවේ ඒ ඒ ප්‍රාන්තයේ සහ ටෙරිටරියේ Long COVID සායන ඇති ස්ථාන මෙතනින් සොයාගන්න
ඔස්ට්‍රේලියාවේ ඒ ඒ ප්‍රාන්තයේ සහ ටෙරිටරියේ COVID-19 පරීක්ෂාකරන ස්ථාන මෙතනින් සොයාගන්න
