ඔක්තෝබර් 14 සිට, COVID-19 සඳහා ධනාත්මක බව පරීක්‍ෂා කරන ඔස්ට්‍රේලියානුවන් තවදුරටත් ස්වයං නිරෝධායනය වීමට අවශ්‍ය නොවේ.
ඔස්ට්‍රේලියානු අග්‍රාමාත්‍ය Anthony Albanese ගේ ප්‍රධානත්වයෙන් අද පැවති ජාතික කැබිනට් රැස්වීමේදී ඒකමතිකව මෙම තීරණය ගෙන ඇත.
ඒ අනුව වසංගත නිවාඩු ආපදා ගෙවීම් ද එදින සිට අවසන් වනු ඇත.
නමුත් කොවිඩ් ආශ්‍රිතව ඉහළ අවදානම් සේවා ස්ථානවල සිටින සේවකයින්ට එහිදී විශේෂ සහායක් ලබා දිය යුතු බව අගමැති Albanese පැවසීය.
දැනට, රෝග ලක්ෂණ නොමැති ඔස්ට්‍රේලියානුවන්ට දින පහක් ස්වයං නිරෝධායනය වීමට අවශ්‍ය වේ.
කොවිඩ් වසංගතයට ඔස්ට්‍රේලියාවේ හදිසි ප්‍රතිචාරය බොහෝ විට අවසන් වී ඇති බව ඔස්ට්‍රේලියාවේ ප්‍රධාන වෛද්‍ය නිලධාරී Paul Kelly පැවසුවේය.
කෙසේ වෙතත්, වසංගතය අවසන් වී නොමැති බවත්, ඔස්ට්‍රේලියාවේ අනාගත කොවිඩ් රැළි මේ වසර මුලදී දක්නට ලැබුණු රැළිවලට සමාන විය හැකි බවත් ඔහු අනතුරු ඇඟවීය.
මේ වන විට ඔස්ට්‍රේලියාවේ අඩු COVID ආසාදන, රෝහල්ගත කිරීම්, ICU ඇතුළත් කිරීම් සහ aged-careවල පැතිරීම් අඩු බව ද ඔස්ට්‍රේලියාවේ ප්‍රධාන වෛද්‍ය නිලධාරී Paul Kelly පැවසුවේය.
මේ අවස්ථාවේ ස්වයං නිරෝධායනය ඉවත් කිරීම මහජන සෞඛ්‍ය දෘෂ්ටි කෝණයෙන් ක්‍රියා කිරීමට සාධාරණ හේතුවක් බව තමා විශ්වාස කරන බව ද ප්‍රධාන වෛද්‍ය නිලධාරී Paul Kelly සඳහන් කළේය.
පළමු දින දෙක තුන තුළ මිනිසුන්ට වඩාත් බෝවන බවත් රෝග ලක්ෂණ ඇති විට ආසාදනය වීමට වැඩි ඉඩක් ඇති බවත් ස්වේච්ඡාවෙන් ස්වයං නිරෝධායනය වීම පිළිබඳ ප්‍රශ්නයකට පිළිතුරු දෙමින් මහාචාර්ය කෙලී පැවසුවේය.
ss"අපි දැන් බෝවන පුද්ගලයින් ප්‍රජාවට යාම නවත්වන්නේ නැහැ, අනාගතයේදී ද අපි එසේ කරනවා. මෙම වයිරසයේ බෝවන බව වෙනස් කර නැහැ." යනුවෙන් ප්‍රධාන වෛද්‍ය නිලධාරී Paul Kelly සඳහන් කළේය.
උපදෙස් සහ තත්ත්වයන් මත පදනම්ව රජය සිය ස්ථාවරය වෙනස් කරන බව අගමැති Albanese පැවසීය. ජනතාව එන්නත් ලබා ගැනීම සඳහා අඛණ්ඩව දැනුවත් කිරීමේ ව්‍යාපාර දියත් කිරීමේ අවශ්‍යතාවය පිළිබඳව නායකයින් සාකච්ඡා කර ඇති බව ද ඔහු පැවසීය.
කොවිඩ් අවදානම් සහිත ක්ෂේත්‍ර සඳහා නොකඩවා සහාය ලබා දෙන බවත් මෙම ගැටළු දිගටම නිරීක්ෂණය කරන බවත් දෙසැම්බර් මාසයේදී තවත් සාකච්ඡාවක් පවත්වන බවත් අගමැතිවරයා ප්‍රකාශ කළේය.
කොවිඩ් රෝගය ඉන්ෆ්ලුවන්සා රෝගය මෙන් නොසැලකිය යුතු බව ඔස්ට්‍රේලියානු වෛද්‍ය සංගමයේ මහාචාර්ය Steve Robson අනතුරු ඇඟවූයේය.
ඔස්ට්‍රේලියාවේ ඒ ඒ ප්‍රාන්තයේ සහ ටෙරිටරියේ Long COVID සායන ඇති ස්ථාන මෙතනින් සොයාගන්න
ඔස්ට්‍රේලියාවේ ඒ ඒ ප්‍රාන්තයේ සහ ටෙරිටරියේ COVID-19 පරීක්ෂාකරන ස්ථාන මෙතනින් සොයාගන්න
