'Ua tatau ona taofia nei': Faitio le ta'ita'i o le WHO i le tulaga o puipuiga i le pepesi o le coronavirus i le lalolagi.

Ua faavaeina e le faalapotopotoga a malo 'aufaatasi le World Health Organization se Komiti su'esu'e faapitoa e gafa ma le iloiloina o le auala na faafoeina ai e malo i le lalolagi polokalame o puipuiga mai le pepesi o le COVID-19.

Director-General of the WHO Tedros Adhanom Ghebreyesus. Source: Keystone

Na faitiona le faalapotopotoga a malo 'aufaatasi o loo gafa ma mataupu i le soifua maloloina, le World Health Organization, i le auala na 'auina mai ai faamalataga ma lapata'iga i le taimi na muamua molimauina ai le pepesi o le coronavirus i fafo mai o Saina. 

Ua vala'auina nei e le ta'ita'i o le WHO, Tedros Adhanom Ghebreyesus, se s'esu'ega faapitoa e gafa ma le iloiloina o auala na faafoeina ai e atunu'u o le lalolagi polokalame e taofia ma faaitiitia ai le pepesi o le coronavirus. 

Na ia saunoa o le Komiti su'esu'e e tuto'atasi, le Independent panel for Pandemic Preparedness and Response, ma o le ta'ita'ia e Helen Clark lea sa avea ma palemia o Niu Sila, ma le peresitene o Liberia i tausaga ua mavae, Ellen Johnson Sirleaf.

"E ala atu i le lua galuega le malamalama o le lalolagi i le mea moni na tupu, ma ilao ai auala e atofia ai le toe tupu mai i le lumana'i," na saunoa ai Tedros i le laumua o malo 'aufaatasi i Geneva.

— Tedros Adhanom Ghebreyesus (@DrTedros) July 9, 2020

I le fonotaga a le WHO i le masina o Me o le tausaga nei, na pasia ai se lafo na faatuina e le Euoorpean Union i le faavaeina o se Komiti su'esu'e i faatonuga ma le taimi na faia ai e le WHO e faatatau i le pepesi o le COVID-19.  

Na malosi faitioga o le WHO mai le peresitene o Amerika, Donald Trump, na ia faitioina ai le pulega o le WHO i le faifaimea faatasi ma Saina, le atunu'u lea o loo talitonuina le alia'e mai ai o le coronavirus i se maketi i le taulaga o Wuhan. 

Ua faailoa aloa'ia e le faigamalo i Amerika le solomuli o Amerika ma lana lagolago i le faatupeina o le WHO.

Ae na saunoa le faatonu o le WHO, Tedros Adhanom Ghebreyesus, 'Ua tatau ona lava ma taofia le fetoa'i' 

Mr Tedros hit out at divisions in the international community, warning of the consequences.

E tusa ai ma se ripoti a le AFP, ua 'ova i le to'a 550,000 tagata ua maliliu ma le 'ova i le to'a 12 miliona tagata i le lalolagi ua pesia i le coronavirus pandemic.

Health workers in full protective gear in El Alto, Bolivia. Source: AP

People in Australia must stay at least 1.5 metres away from others. Check your state’s restrictions on gathering limits. If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080. News and information is available in 63 languages at sbs.com.au/coronavirus