Te'ena e le Loia Sili Christian Porter tu'ua'iga i le polokalame a le ABC Four Corners.

O loo te'ena malosi e le Loia Sili, Christian Porter, faamatalaga na faasalalauina i le polokalame a le ABC Four Corners i le po anapo, (Aso Gafua, 9 Novema) ma ia ta'ua ua ta'uleagaina ai lona igoa.

Australian Attorney-General Christian Porter speaks to the media during a press conference at Parliament House in Canberra, Monday, November 2, 2020. Source: AAP

I le polokalame a le Four Corners i le ABC, na faaalia ai e le sa avea ma palemia o Ausetalia i tausaga ua mavae, Malcolm Turnbull, lona fesiligia o Christian Porter i ripoti mai nisi o tagata i le va'aia o Porter ise Kapalu i Canberra ma se tama'ita'i e faigaluega i le Ofisa o seisi minisita o le Liberal Party.

Na faaalia e Malcolm Turnbull i luga o le polokalame, na ia talanoa ia Christian Porter e faatatau i lona inu 'ava i nofoaga e maitauina ai e tagata, atoa ai lona tulaga i le va ma le itupa o tama'ita'i. O le talanoaga na faia i le 2017, ae faitau vaiaso tofia e Turnbull Christian Porter e avea ma Loia Sili o le malo tele.

I se faamatalaga mai ia Christian Porter, na ia ta'ua ai le le moni o faamatalaga na faaalia i le Four Corners e faatatau i le taimi na tafafao ai i le Kalapu i Canberra, ma o nisi o faamatalaga ua ta'uleagaina ai lona igoa. 

Na faaalia e Malcolm Turnbull - "I had a meeting with Porter in my office and I told him that I had had reports of him being out in public, having had too much to drink, and in the company with young women," Mr Turnbull i le ABC. 

"And I said, 'This is unacceptable conduct for a cabinet minister and it exposes you to the risk of compromise'."

Na faaalia fo'i e Malcolm Turnbull, o le isi itu na popole iai, ona o le tofi Loia Sili e iai lona nofoa i le Komiti o le Puipuiga, le National Security Committee.

"The risk of compromise is very real - it's not just the stuff of spy novels," Mr Turnbull said.

O loo tumau pea ona umia e Christian Porter le tofi Loia Sili, ma na ia faaalia lona te'ena malosi o tu'ua'iga ma faamatalaga e pei ona faasalalauina i le ABC Four Corners.

"Four Corners' depiction of interactions in the bar are categorically rejected," na ia faaalia.

Na saunoa fo'i le Loia Sili, ona o nisi o faamatalaga na faasalalauina i le Four Corners ua ta'uleagaina ai lona igoa, o le a silasila i se fautuaga faaletulafono - “Given the defamatory nature of many of the claims made in tonight’s programme, I will be considering legal options” - 

Na faaalia e Christian Porter, na talanoa ia Malcolm Turnbull i le mataupu i ripoti mai le kapalu, ma na fesili atu Turnbull ia te ia pe moni, ae o lana tali iai e Leai. E le'i atoa se 2 vaiaso na va ai, ae tofia o ia e Malcolm Turnbull i le tofi Loia Sili.

"Malcolm then promoted me to attorney-general less than two weeks later."

Na faaalia fo'i i le polokalame a le Four Corners nisi o tusitusiga a Christian Porter ise lomiga a se mekasini a le A'oga Loia na a'oga ai i WA, ma ana lafoga na tusia ai e faatatau i le itupa o tama'ita'i.  Na ia faaalia na ia tusia i le 24 tausaga ua mavae, ma o ni manatu e le o mitamita ai ma ua ia salamo i lona tusia. 

"I apologise for material I wrote in a law school magazine 24 years ago. I obviously wouldn't write that now and it is something I regret."

Alan Tudge at Parliament House in Canberra Source: AAP

Na faaalia ai fo'i i le polokalame a le Four Corners se faanunumi i le va o le Sui Minisita o Femalaga'iga, Alan Tudge, ma se tama'ita'i na galue i lona ofisa e igoa ia Rachelle Miller.  

Na faaalia e Rachelle Miller, e ui ina la malilie uma iai ma Alan Tudge i le faiga pa'aga faanunumi (o le taimi lea o taufa'i faito'alua i la'ua i isi tagata) ae ua ia faailoa le mea na tupu e tatala mai ai se ata o amioga le taupulea a nisi i le Palemene. 

"I lost a lot of self-confidence because I didn't feel I had any power at all to stand up for myself," Na saunoa ai Rachelle Miller, lea ua ia tu'ua le Ofisa o Alan Tudge.

I se faamatalaga mai ia Alan Tudge ina ua mae'a ona faasalalau le polokalame a le Four Corners anapo, na ia ta'ua ai lona salamo i le a'afiaga i lona aiga ma Rachelle Miller. 

"I regret my actions immensely and the hurt it caused my family. I also regret the hurt that Ms Miller has experienced." 

Na saunoa se sui o le laina i luma a le Labor, Bill Shorten, o mataupu na agiga i le polokalame anapo e 'ele'elea ma mataga - o tama'ita'i uma e galulue i le palemene e iai a latou aia tatau e puipuia ai i se si'osi'omaga saogalemu.  

"But I don't think a lot of MPs go to Canberra and, you know, play up and get on the beers every night," na saunoa ai Bill Shorten.

With AAP.