Na faia le su'esu'ega i le fale o le sui o le NSW Labor i le maota i luga o le palemene Setete o New South Wales, Shaoquett Moselmane, i se mataupu o loo faaalia e le Australian Federal Police, o se vaega o se su'esu'ega faa-auau.
Na faaalia e le ta'ita'i o le NSW Labor, Jodi McKay, ua ia maua faamatalaga i le osofa'ia e leoleo a le AFP ma sui o le ASIO, le fale o Moselmane i Rockdale ma o lo'o iai ma se tusi faataga mai le faamasinoga, se warant, mo le su'esu'eina ma lona Ofisa.
Na faaalia fo'i e Jodi McKay ua amata ona faia la'asaga mo le faamutaina le tumau o le toe avea o Shaoquett Moselmane ma sui auai o le Labor, ma ua le toe avea fo'i ma sui o lana faafaletui i le palemene.
Na ia ta'ua fo'i o loo iai masaloga i le a'afia o se tasi o le aufaigaluega i le Ofisa o Moselmane i le su'esu'ega.
O le masina o Aperila, na faate'aina ai Moselmane mai le tofi sui peresitene o le maota i luga ina ua ia vi'ia le peresitene o Saina, in April Xi Jinping ma le puipuiga a Saina i le pepesi o le COVID-19.
