Na saunoa Josh Frydenberg e iai mea sese na faia e nisi ua mafua ai le toe pepesi o le faama'i i Vitoria, ma e tatau i le malo Setete ona faamatala mai poo a tulaga na faaletonu ai le polokalame o puipuiga o tagata na quarantine i faletalimalo.
Ua atagia i nisi o su'esu'ega (genomic testing) o le polokalame lenei i leoleoga o tagata na tausi puipuia i faletalimalo, ua mafua ai le toe pepesi o le faama'i Vitoria.
Na faaalia e le malo Setete i Vitoria le iai o seisi matati'a i le aofa'i aupito maualuga o tagata ua maliliu mai le COVID-19 i se aso e tasi i le to'a 19 i le Aso Gafua , ua oo ai i le to'a 314 tagata ua maliliu i le faama'i i Ausetalia. E to'a 322 tagata ua pesia mo le taimi muamua i Vitoria i le 24 itula ua mavae.
Na saunoa Josh Frydenberg, sa le tatau ona o'o le faama'i i se tulaga e faitau selau ai tagata e pesia i le aso ma le to'atele e maliliu i aso ta'itasi.
"It's very very difficult emotionally, it's difficult obviously on the economy as well," na ia ta'ua i le 2GB radio i le Aso Gafua..
"We know with respect to quarantine, there have been very significant failures with deadly consequences. Victorians deserve answers. I'll leave that to Daniel Andrews and his government to provide."
E iai se su'esu'ega tuto'atasi ua faatulagaina e le malo Setete e silasila ma iloiloina ai le faafoeina o le quarantine program ma o loo faamoemoe e amata i le vaiaso a sau.
Ae ua faaalia e le minisita o le soifua maloloina i Vitoria, Jenny Mikakos, lona faanoanoa ma faato'ese pe a iai se mea sa tatau ona ia faia e taofia ai le pepesi o le faama'i, ae na lape ai le faatinoga o ona tiute.
Faaaliga: O loo iai le taulaga o Melbourne i La'asaga 4 o puipuiga o le pepesi o le faama'i ma e tatau ona usita'ia le Sa ona ulufafo ma aiga i le va o le 8pm ma le 5am i aso ta'itasi.
I le taimi o le Sa, na o tagata e mana'omia ona faigaluega, togafitiga faa-foma'i faafuase'i, poo le tausiga ma sa'ili lafitaga mo le saogalemu. I le va o le 5 i le taeao ma le 8 i le afiafi, e mafai e tagata i Melbourne ona tu'ua aiga mo le faia o se faamalosi tino, fa'atau mo mea mana'omia, galuega, togafitiga faa-foma'i, poo le tausiga o seisi tagata matua o se aiga.
E tatau i tagata uma i Vitoria ona faia ufi foliga i taimi uma e ulufafo ai ma le fale, tusa poo fea e te aumau ai i le Setete.
O tagata uma i Ausetalia e tatau ona tausisia le va mamao e 1.5 mai isi tagata. Vala'au le Coronavirus Health Information Hotline i le 1800 020 080 pe a e faalogoina ni auga e pei o le flu. Nisi faamatalaga i le
