Ua faamalosia le faia o ufi foliga (masks) i totonu o nofoaga puipuia i Greater Sydney.

O tagata uma e nonofo i Greater Sydney (aofia ai Wollongong, Central Coast ma le Blue Mountains) ua faamalosia nei ona faia ufi foliga i nofoaga puipuia: supamaketi, nofoaga o faatau, shopping centres, faletifaga, feoa'iga faitele, fale 'oti ulu, malumalu tapua'i ma nofoaga peletupe poka masini.

Source: Getty Images - Morsa

Mai le Aso Gafua, Aso 4 o Ianuari, ua faamamaluina se sala tupe e $200 mo le le faia o se ufi foliga (mask). E fautuaina e le malo i NSW tagata uma e faia ufi foliga, ae le faamalosia i tamaiti i lalo o le 12 tausaga le matutua. 

O tagata faigaluega i 'au'aunaga e pei o fale'aiga ma papu ma casino, ua faamalosia ona faia a latou ufi foliga.

O tapua'iga faalelotu, faaipoipoga ma sauniga o maliu, ua faatapula'a i le to'a 100 tagata e mafai ona auai iai, ae ia tasi le tagata i le 4sq mita le va mamao. Ua matua faasaina ona tatala se nightclub. Na o le 30 tagata e mafai ona auai e faamalositino i se Gym. 

O faafiafiaga ma savali tete'e i nofoaga faitele i fafo, ua faatapula'aina i le to'a 500 tagata. 

Siaki ta'iala ma faatonuga o Sa ma Vavao i lou Setete poo Teritori: 

• NSW https://www.nsw.gov.au/covid-19 
• Victoria https://www.coronavirus.vic.gov.au/coronavirus-covidsafe-summer
• Queensland https://www.covid19.qld.gov.au/
• Western Australia https://healthywa.wa.gov.au/Articles/A_E/Coronavirus
• South Australia https://www.covid-19.sa.gov.au/
• Northern Territory https://coronavirus.nt.gov.au/
• ACT https://www.covid19.act.gov.au/
• Tasmania https://www.coronavirus.tas.gov.au/